Експресен пат Штип - Радовиш

Правило бр. 1, не верувај на политичари. Ај што се неспособни, но и тешки лажови се. Доброто е што патот е речиси готов, така да не ни бега возење по него, дали месец или три, многу не менува.
Еве една финта за полесно да ги прифаќате работите, сметајте дека никогаш нема да се пушти тој пат и кога ќе тргнете да возите не очекувајте да биде отворен, правете го тоа одреден период и еден ден ќе се изненадите дека го пуштиле
Вака џабе си отварате проблем и параноја за нешто што го никогаш го немало до сега.

Originally posted by none_ski "изворот" од кај надзорите рече: петок 04.06.2021, официјално пуштање на патот, ама овој пат стварно е официјално. па да видиме

Еве им и 5 од карти, па да се надеваме дека 09.06. ќе го пуштат

https://24info.mk/пуштени-првите-23-километри-од-експресн/

Рустеми: „23 километри модерна магистрална сообраќајница која ги поврзува Штип и Радовиш добиваат граѓаните од југоисточниот регион“

Премеирот на Владата на РСМ Зоран Заев, заедно со министерот за транспорт и врски Благој Бочварски и директорот на Јавното претпријатие Ејуп Рустеми пуштија во употреба 23,56 километри од прва фазата од експресниот пат А4 Штип–Радовиш, поточно од клучка Штип југ до Бучим.
Безбеден ескпресен пат добија граѓаните од југоисточниот регион, а оваа модерна магистрална сообраќајница која ги поврзува Штип, Радовиш и Струмица претставува основна патна врска меѓу Источна и Западна Македонија. Вкупната проектирана, пак, должина на комплетниот експресен пат А4 е 40,46 километри.
Во оваа прилика премиерот Заев рече дека двојно се скратува патувањето и пристигнувањето на граѓаните до главниот град.
„Сакам да напоменам дека во последните триесет години ова е единствениот пат завршен пред предвидениот рок и силно верувам дека овој тренд на прецизност, висока професионалност и без никакви проектни и градежни отстапувања ќе се следи и во иднина. Ова е пример како функционира Владата, Јавното претпријатие за државни патишта, во соработка со сите инволвирани страни во процесот“, рече премиерот Зоран Заев.
Директорот на ЈПДП Ејуп Рустеми ги нагласи техничките квалитети на експресниот пат, кој е со по една коловозна и помошна лента, и со ширина од 11.4 m, и претставува основа за можен иден автопат. Максималната брзина на движење на возилата е 110 километри на час.
„Оваа прва фазата од експресниот пат А4 во време на пандемија е комплетно завршена во предвидениот рок од 3 години. Изградена е согласно со важечките прописи и стандарди со издвоена вкупна вредност од 45 милиони евра. Заради подобро поврзување со блиските населени места на експресниот пат изведени се вкупно 40 објекти за премостување, односно 4 (четири) клучки согласно со највисоките стандарди, 7 (седум) надпатници и подпатници, 11 (единаесет) мостови и вијадукти, и сето ова за полесен пристап на граѓаните до и од експресниот пат. По целата должина на патот има заштитна жичена мрежаста ограда за побезбеден сообраќај. Експресниот пат А4 Штип-Радовиш е проектиран и изведен квалитетно и согласно со најновите и највисоките европски стандарди. Со спој на патниот правец А4 Штип–Радовиш со автопатот Миладиновци–Свети Николе–Штип се овозможува комуникација со регионите надвор од државава и пошироко. Исто така, со изведбата на овој пат се скратува времето на патување, сообраќајот ќе се одвива побезбедно, а ќе се намалат и трошоците на учесниците во сообраќајот“, подвлече Рустеми во своето обраќање.
На отворањето беа присутни повеќе гости меѓу кои и заменик директорот на ЈПДП Благојче Трпевски, пратеници и градоначалници од овој регион и шефот на ЕБОР Анди Аранитаси.







https://www.facebook.com/bochvarskiblagoj

Ако има некој од вас шанса, нека сними онбоард видео од делницава

Од целата делница мислев.

Зашто се решиле за овакво сообраќајно решение за поврзување со стариот пат и патот за Неготино? Кога е веќе раскрница, паметно е да бдие семафоризирана. Или можеби подобро кружен тек.

Нели кај Кочани треба да има кружен тек? Мислам дека тоа не е проблем, ама и вака не е лошо бидејки сега едноставно нема да има толку многу сообраќај таму, особено према Неготино нема многу сообраќај.

No words

Вака да ни беа сите патишта, со ваков квалитет друга приказна ќе беше. Мора да пазиме и негуваме се што е ново, а се што е старо да одржуваме.