Проширување на бул. Никола Карев (Пластичарска)

А од кај знаеш дека нема да нацртаат велосипедски патеки во склоп на коловозот??

Originally posted by user8642 А од кај знаеш дека нема да нацртаат велосипедски патеки во склоп на коловозот??

Тоа ќе биде мизерно и катастрофално решение. Толку многу тежок сообраќај ќе има, нема никаква смисла. На бришан простор можеше да се направи цел велосипедски пат одделно од коловозот, а тие го избраа ова решение. Срам и резил за град кој претендира да се нарекува „велоград“. Понекогаш ич не ми се јасни со одлуките.

Originally posted by Théoden Но мислам дека и беше најавено дека ќе има „комбинирана пешачко-велосипедска патека“ уште пред да се почне со работа.

На визуелизациите имаше нешто такво, ама тука не гледам каде би го сместиле.

Edited by гитардемон - 10-Jul-2021 at 12:37

Ова е УРБАН АВТОПАТ само во главите на луѓето тука на буилд што читаат и знаат што зборат, и во некои поранешни ГУП-ови. Сељачкото мнозинство во општеството ги укина градските автопати и клучките ги замени со кружни токови, а колекторските улици со стамбени мансарди. И све тоа зашто не разбираше што е концептот на градски автопати, а ги немаше зашто не дозволи да ги има. Е тоа е зачараниот круг на сељаштвото што ја владее Македонија од позадина.

Во право е до негде, само проблемот со непочитување ГУП-ови и плукни-залепи сообраќајни проекти е од 90-та па навака. За џабе збориме тука дали е урбан автопат, кога Пластичарска не успеавме ни базичен булевар да ја направиме.

Edited by Théoden - 17-Jul-2021 at 11:59

УЛИЦАТА НИКОЛА КАРЕВ КАЈ КАСАРНА ИЛИНДЕН СТАНА БУЛЕВАР, СО КЛУЧКАТА КАЈ МОМИН ПОТОК ЌЕ СЕ РЕШИ ТЕСНОТО ГРЛО, РЕЧЕ ШИЛЕГОВ

Град Скопје заврши со проширувањето во булевар на улицата Никола Карев на потегот од крстосницата кај касарната Илинден до Момин поток. Булеварот сега е со четири коловозни ленти, по две во двата правци, велосипедска и пешачка патека. На потегот кај ридот изграден е потпорен ѕид во должина од 690 метри, поставена е нова атмосферска канализација и лед осветлување од двете страни.

„Оваа делница со децении стоеше како проблем во Скопје и сега за седум месеци успеавме да изградиме нов булевар и изведовме велосипедски и пешачки патеки, ќе биде засадено висококвалитетно зеленило со што овој потег ќе добие сосема нов лик. Станува збор за исклучително фреквентна сообраќајница која е најмногу искористена од жителите на Карпош, Центар, Чаир, Шуто Оризари, Бутел и Гази Баба, но како транзитна сообраќајница користена е и од оние што само минуваат низ овој дел на градот. Оваа сообраќајница ќе се надоврзе и на новата клучка кај Момин Поток чија изведба ќе започне наредната недела, а со нејзиното завршување очекуваме значително да се намали сообраќајниот метеж во овој дел од градот “, кажа градоначалникот Петре Шилегов.

Изградбата на булеварот Никола Карев чинеше 2,6 милиони евра.

https://sdk.mk/index.php/dopisna-mrezha/ulitsata-nikola-karev-kaj-kasarna-ilinden-stana-bulevar-so-kluchkata-kaj-momin-potok-ke-se-reshi-tesnoto-grlo-reche-shilegov/

А жардиниерата да била подигната?
На удолница со кривини некој проаѓа во спротивна 100%

Огромен број луѓе транзитираат на релација исток-запад (има и огромен број бизниси и вработени на Скупи и Качанички) така да покрај Партизанска и Илинденска, потребна е добра вело мрежа и на север. Овој булевар и Словенија мора да имаат одлични услови за точаци/тротинети ако сакаме да намалиме возила. Впрочем, и на планираните клучки кај Момин поток се предвидени вело патеки. Треба веќе чекор понатаму да се оди, со одвоени патеки каде има бришан простор, па дури и point to point рентање за вака поголеми рути.

Покрај кејот веќе има зголемена урбанизација (на терен, а и во ДУП-ови), се планира и урбанизација на дел од касарната, така да не може на булевар кој е дел од внатрешен прстен да се гледа само како на транзитен.

Originally posted by Џоле Реално, ретко кој пешак ќе го користи, бидејќи не води никаде, то ест не води кон некое блиско населено место (населба) или некоја друга содржина (ресторан, кафуле и сл.). Тротоарите се доволно широки, бандерите за улично осветлување не пречат толку.

За велоград стандардот не е да „не пречат до толку“, да не се лажиме можело коловозните ленти да бидат од по 3,25 (како што планираат со БРТ-то), а „тротоарот“ да биде чисто двосмерна велосипедска патека од едната страна, а чисто пешачка од другата (и би била потесна), без бандерите да бидат навлезени 30-40cm.

мене ми смета тоа што воопшто има средишно зеленило, на сметка на тоа, можеле да направат пошироки тротоари, а зеленило можеше да има од едната страна на булеварот... сепак не е некоја урбана зона па да значи нешто тоа
и ретко кој дискутира за огромната количина на земја што ја џитнаа на страна, што и не баш по сите безбедносни стандарди... плус, барем на таа делница може да направат поширока патека и да го подобноват зеленилото