Бензински пумпи

не го гледам на картата, ниту има фотографии од бензинската пумпа.

Originally posted by stef4o Originally posted by carver91 дали некој знае кога Shell ќе ја отвори својата прва бензинска станица? Брендот Shell дојде во Македонија, отворени две бензински станици Корал Фуелс ДООЕЛ Скопје, како подружница на Coral S.A., започна со работа со првите две бензински станици под брендот Shell во земјава, лоцирани на автопатот Пријателство, кај Смоквица, близу границата со Грција. Корал Фуелс влегува на пазарот во Северна Македонија преку обезбедување долгорочни договори за лиценца на брендот Shell. Договорот вклучува поддршка и трансфер на „know-how” поврзани со горивата, примена на нови технологии, воспоставување услуги и маркетинг со високи стандарди. Достапни се бензинот Shell Fuelsave Unleaded 95, безоловен бензин 98-октански V-Power и Shell Fuelsave Diesel. Како што соопштија од компанијата Корал Фуелс има намера во следниот период да инвестира со планиран раст низ целата земја со отворање нови централно лоцирани бензински станици, преку кои ќе им обезбеди квалитетна услуга на своите клиенти. Каи-Уве Витерштајн, генерален директор на пазарите со лиценца, „Shell Mobility” вели дека е задоволен што Coral го носи брендот Shell во земјава. -Досега со Coral остваривме многу успеси на регионалните пазари и задоволни сме што продолжуваме да растеме со нив преку договорот за бренд лиценцирање за Северна Македонија. Овој долгорочен договор со Coral ќе му обезбеди на локалниот пазар висококвалитетни горива и масла на Shell, одлична услуга за клиентите и низа производи за секојдневна употреба, како и дополнителни услуги дизајнирани да ги задоволат потребите на сите возачи и други клиенти – рече Каи-Уве Витерштајн. Џорџ Хацопулос, генерален директор на Coral SA , пак , како што рече со бензиските станици во земјава се пренесува глобалното знаење за развојот на производите и услугите. -Постојаната новина искомбинирана со големата групација компании кои стојат зад оваа инвестиција, создаваат единствено партнерство во нашиот натамошен раст – рече Хацопулос. Матичната компанија Coral S.A. (поранешна Shell Hellas SA) работи во Грција од 1926 година. Со околу 750 бензински станици кои работат под брендот Shell, компанијата има удел на пазарот што надминува 23 отсто и е лидер на пазарот во Грција. Coral S.A. ја поседува лиценцата Shell за пазарите Кипар, Србија и Хрватска. Компанијата има за цел да расте како регионален играч на Балканот, обезбедувајќи горива и услуги со врвен квалитет под брендот Shell. https://plusinfo.mk/brendot-shell-do-de-vo-makedoni-a-otvoreni-dve-benzinski-stanici/

На ова место во Карпош ќе никне нова бензинска пумпа на Пуцко петрол.(твитер)

Галф оил“ отвори бензинска станица покрај автопатот Е75 во Гевгелија

На само шест километри по влезот во Македонија од граничниот премин со Грција кај Гевгелија, се наоѓа новоотворената модерна бензинска станица под брендот „Галф оил“ (Gulf Oil).

Следејќи ги високите светски стандарди на американскиот бренд, новата бензинска станица во Гевгелија, на површина од 2.566 м2 располага со современи пумпи, паркинг простор за лесни и тешки моторни возила, просторни тоалети опремени со тушеви, мини маркет со широк асортиман, „WI-FI“ интернет, а наскоро ќе почне со работа и модерен ресторан.

Новата бензинска станица на своите потрошувачи им ги нуди врвните моторни масла на „Галф оил“, како и премиум горивата на светскиот бренд „екстрим дизел“ и „џи форс“, кои го подобруваат вбризгувањето на горивото во моторот, ја намалуваат потрошувачката на гориво и овозможуваат оптимално согорување на горивото – наведуваат од компанијата.

Брендот „Галф оил“ повеќе од 100 години ја гради својата традиција како глобален бренд етаблиран и присутен во повеќе од 100 земји на сите континенти.

Уште една потврда за врвниот квалитет е партнерството со еден од легендарните тркачки брендови во Формула 1 – „Мекларен“, а од оваа година супер брзите автомобили на „Мекларен Аутомотив“ ќе ги користат моторните масла и специјално дизајнираните горива за мотори со високи перформанси на „Галф оил“.

https://plusinfo.mk/galf-oil-otvori-benzinska-stanica-pokra-avtopatot-e75-vo-gevgeli-a/?fbclid=IwAR2_oTFK4wZrbl2d3CEjJA1CZdewR6Te77f9DJTk9pOJ0gaNcFoKJefFkx8

Mi mirisa na zgrada mene, ima li nekade nesto sto indicira deka ke bide benzinska pumpa?

боже господе, бернзинска до спортски комплекс

Макпетрол ја реновираше бензинската станица во Визбегово

Согласно потребите на потрошувачите, компанијата го продолжи инвестицискиот циклус со целосна реконструкција на постојната бензинска станица Визбегово, на излезот од градот Скопје, на патниот правец кон Косово. Станицата сега доби современ и функционален изглед, притоа задоволувајќи ги највисоките пропишани технички и безбедносни нормативи. Достапност кон квалитетните производи и услуги потрошувачите имаат во текот на 24 часа, секој ден во неделата. Вкупната инвестиција за реконструкција на оваа бензинска станица изнесува над 100 милиони денари. На бензинската станица се поставени мултиплекс апарати со капацитет за истовремено точење на горива во осум возила. Достапни се квалитетните горива од фамилијата ULTRA на „Макпетрол“ – Ultra 95+ Economy, Ultra 100 Race Pro, Ultra Diesel Green Power, Ultra Diesel Bio Power и Ultra LPG plus. Исто така, во продажниот објект на бензинската станица на потрошувачите им стои на располагање широк избор на производи од дополнителниот асортиман.

https://www.mkd.mk/makedonija/ekonomija/makpetrol-ja-renovirashe-benzinskata-stanica-vo-vizbegovo

НЕДОСТИГОТ НА ДИЗЕЛ Е ПРИВРЕМЕН, СЛЕДНИТЕ ДЕНОВИ ГОРИВО ЌЕ ИМА НОРМАЛНО, ВЕЛАТ ОД „МАКПЕТРОЛ“

Макпетрол“ соопшти дека денеска изутрина обезбеди сето расположливо гориво од „Окта“, кое во текот на денов и ноќва ќе биде испорачано на бензинските пумпи. Компанијата очекува дека снабдувањето со сите видови горива на бензинските станици на „Макпетрол“ во следните денови ќе се нормализира.

„Побарувачката на горива во земјава изминативе денови е енормно зголемена, а меѓу главните причини за тоа се шпекулациите и гласините во јавноста дека ќе има недостаток, како и цените на светските берзи. Дополнително, снабдувањето беше отежнато затоа што нашиот дистрибутер ‘Окта’ во недела не работи. Исто така, и во Грција, од каде што се набавува горивото, недела е неработен ден, а и овој понеделник е државен празник. Сето ова придонесе да се појави привремен недостаток на дизел-гориво на некои наши бензински станици“, соопшти „Макпетрол“.

Од компанијата укажуваат дека состојбите на глобалните нафтени пазари се менуваат секојдневно, цените постојано се зголемуваат, а како резултат на тоа, снабдувачите се соочуваат со проблеми при навремената достава на горива до своите партнери.

https://sdk.mk/index.php/makedonija/nedostigot-na-dizel-e-privremen-slednite-denovi-gorivo-ke-ima-normalno-velat-od-makpetrol/

„МАКПЕТРОЛ“ ОТВОРИ НОВА БЕНЗИНСКА СТАНИЦА ВО ВЕЛЕС



Макпетрол“ отвори нова бензинска станица во Велес која се придружува на современата мрежа на бензински станици на компанијата низ државата, соопшти нафтената компанија. Оваа бензинска станица, исто како и останатите, е опремена според највисоките светски стандарди и ќе ги задоволува секојдневните потреби на потрошувачите од градот Велес и околината.

Новата инвестиција на „Макпетрол“ доаѓа во годината кога компанијата одбележува 75 години постоење на македонскиот пазар, период во кој како лидер на пазарот со нафтени деривати континуирано се стреми кон унапредување на своите производи и услуги.

Модерната бензинска станица овозможува непречено услужување на четири возила кои во исто време може да полнат гориво. Техничките карактеристики на бензинската станица се во согласност со строгите безбедносно – технички нормативи за овој вид објекти, истовремено во потполност задоволувајќи ги современите функционални и естетски стандарди. Покрај тоа, во состав на бензинската станица е Shop&Drive маркет со широк асортиман производи во кој потрошувачите може да се снабдат со сѐ што им е потребно.

На оваа бензинска станица достапни се ULTRA горива од новата генерација, неодамна унапредени со најсовремената Dual Action Technology која овозможува намалена потрошувачка и зголемена енергетска ефикасност. Новата технологија обезбедува подобри перфоманси на возилата, поголема заштита на моторот и намалување на емисиите на штетни издувни материи, што од своја страна, придонесува кон поголема заштита на животната средина. Исто така, на оваа бензинска станица е достапен и течниот нафтен гас за возилата, како и течниот нафтен гас за домаќинствата.

„Зголемувањето на бројот на бензински станици е наша долгорочна компаниска стратегија насочена кон тоа да им овозможиме на потрошувачите лесна достапност до најквалитетни горива и други производи секаде и во секое време преку највисоко ниво на услуга. Со модернизирање на понудата на нашите бензински станици овозможуваме целосна услуга на едно место, односно снабдување на возилата со горива, течен нафтен гас за домаќинствата и производи од дополнителниот асортиман во современите Shop&Drive маркети“, велат од „Макпетрол“.

Досегашната ориентација на компанијата е секогаш да обезбеди квалитетно, сигурно и економично снабдување со нафтени деривати, гас и био-горива. Тоа претставува гаранција дека „Макпетрол“ и во наредните години ќе биде водечка компанија на македонскиот пазар, секогаш подготвена да одговори на енергетските потреби на општеството и како досега, ќе претставува двигател на економскиот сектор во Македонија.

https://sdk.mk/index.php/dopisna-mrezha/makpetrol-otvori-nova-benzinska-stanitsa-vo-veles/

во Струга на ул. Туристичка бр.1, на стариот пат на излез од Струга кон Охрид





https://www.facebook.com/LUKOILMacedonia/

Edited by UROS - 03-Apr-2023 at 12:37