Хотели, преноќишта и одморалишта (општо)

Хипо Алпе Адриа Лизинг ја стопира изградбата на хотел во Охрид

Министерството за транспорт и врски, по трет пат, преку лицитација бара инвеститор за изградба на бренд хотел на атрактивната локација на охридското крајбрежје. Претходните обиди за продажба на парцелата, на која во согласност со урбанистичкиот план е предвидена изградба на хотел со пет ѕвездички, беа безуспешни. Првиот пат за локацијата со највисока цена лицитираше австриската Соравија груп, но таа се откажа и навреме не ги уплати парите, а на повтореното наддавање не се јави ниту еден заинтересиран.

Според портпаролот на Министерството за транспорт, Драган Симоновски, овој пат критериумите за учество на наддавањето се намалени и се бара инвеститор кој има изградено најмалку пет хотели со пет ѕвездички. Почетната цена за квадратен метар изнесува 9.500 денари, а пријавите со потврда за исполнување на условите за учество во јавното надавање треба да се достават најдоцна до 15 јуни.

Ова е првиот од серијата огласи што во наредните 20 дена ќе ги објавува Министерството за транспорт и врски, при што на продажба ќе бидат понудени 160 локации од кои се очекува да бидат инкасирани најмалку 11 милиони евра. Согласно измените на Законот за градежно земјиште, 80 проценти од парите ќе се слеат во буџетот на општините, а останатиот дел во државниот буџет.

Сите 160 локации што ќе се нудат на продажба во согласносст со деталните урбанистички планови се наменети за изградба на бензински пумпи, угостителски и производни, комерцијални и деловни објекти, хотели, катни гаражи и станбени згради, а имаат за цел реализирање на нови инвестиции и поддршка на економскиот развој на општините. Објавите за поатрактивните локации ќе ги презентираат и економските промотири во странство, а тие ќе бидат објавени и на веб-страницата на Министерството на англиски јазик.

Во текот на 2007 и 2008 година преку отуѓување градежно неизградено земјиште се инкасирани над 40 милиони евра.

Нашите извори велат дека причина за одлагање на конкретните градежни активности е таа што идејниот проект има помала висина, но поширока основа од пропишаната во актуелниот ДУП, па инвеститорот се интересирал за можностите дали може да добие одобрение за градба токму на таков објект

Старата, грда зграда на хотелот Панорама на Водно ќе се претвори во резиденцијален хотелски комплекс со пет ѕвезди, дознава Вечер од свои извори. Повеќе од два месеци градежни работници го подготвуваат градилиштето кое е обезбедено со нова ограда, но се уште ја нема информативната табла со името на инвеститорот како и проектот заедно со бројот на одобрението за градба. Нашите извори велат дека причина за одлагање на конкретните градежни активности е таа што идејниот проект има помала висина, но поширока основа од маркичката во актуелниот Детален урбанистички план, па инвеститорот се интересирал за можностите дали може да добие одобрение за градба токму на таков објект. Дознаваме дека резиденцијалниот хотелски комплекс ќе биде од светски познатиот синџир Кемпински хотели.

Од Општина Центар ги потврдуваат нашите информации, но велат дека официјално барање за издавање одобрение за градење се уште не е побарано.
- Точно е дека новиот сопственик имал средба со градоначалникот Тодоровиќ, но нема доставено проект ни услови за градба. Усмено има најавено дека би градел луксузен хотел со вкупна површина од 3760 метри квадратни колку што е дадено со ДУП, но на помала висина а поголема основа и сето тоа во истата парцела - информира Горан Матевски, портпарол на градоначалникот Владимир Тодоровиќ.

Хотелот Панорама кој некогаш важеше за еден од најелитните угостителски објекти, со години е оставен сам на себе, претворен во депонија на градежен шут. Во 2004 година, турската компанија "Универзал хоспитал груп" планираше да инвестира во изградба на елитна болница, но проектот пропадна поради тоа што земјиштето беше продадено без усогласување со тогашниот Детален урбанистички план, кој на споменатата локација не предвидувал изградба на болница, туку објект со угостителско-хотелиерска намена.

Дали и овој пат Деталниот план ќе биде пречка за реализирањена инвеститицијата повторно ќе зависи од градските власти.