Ски центар Кожуф

Поради зимските услови, пристапот до ски центарот, во изминатата недела, беше отежнат и повеќе од посетителите кои не поседуваа возила 4x4, или не поседуваа задолжителна зимска опрема за возилата, не беа во можност да стигнат до Ски центар Кожуф.
Од тие причини, во прво време, ќе биде организиран превоз со автобуси од подножјето на планината Кожуф (Смрдлива вода) се до влезот на ски центарот, а понатаму ќе се направат напори за што поскоро да се организира превоз од сите делови на Македонија за пристигнување до Ски Кожуф.
Патот кој води од Гевгелија до Смрдлива вода е со должина од 15 км, асфалтиран и во одлична состојба, и не е проблем да се пристигне до Смрдлива вода со лесно возило.

Со помош на агенцијата "Дора" од Гевгелија, постојат две опции на организиран превоз:

1. Автобуски превоз со цена на повратен билет од 200 денари.
Возилата ќе поаѓаат на секои 30 мин. од пред ресторанот “Чекало” во месноста Смрдлива вода.

2. Превоз со мини комбе со цена на билет во една насока од 100 ден.
Возилата ќе поаѓаат на секој 1,5 час од пред ресторанот “Чекало” во месноста Смрдлива вода.

Превозот ќе биде организиран во периодот од 08:00-13:00 часот во двете насоки.
За повеќе информации и резервација можете да се јавите на тел. 034 218 421