Блокади на железничкиот сообраќај

Штрајкуваат Железници - сообраќајот блокиран 26.06.2009 22:55 Блокада на железничкиот сообраќај. Доцна вечерва вработените во железницата го блокираат сообраќајот - лути оти им доцнат платите. Се пропуштаат само меѓународните возови. Останатите се блокирани. „И покрај тоа што беше ветено дека ќе биде земена до 15-ти или до 20-ти, помина и тој рок и како што гледате, вработените не работат“, велат железничарите. „Моментално, колку што имаме информација, само експресните, само експресните возови одат, а другите се стопирани“, додаваат. Блокадите на железничкиот сообраќај се случуваат за кратко време едно по друго. Железничарите велат оти за да си ги земат платите што ги сработиле мора тоа да го сторат на овој начин оти веќе со месеци им доцни исплатата. „Јас сум дошол овде за парче леб. Веќе сум задолжен во банката, 28.500 денари сум влегол во минус. И ете, доаѓам, без леб, со празни раце. Гладен човек не може да работи“, вели еден од железничарите. „Да дојде некој претставник од Владата, лично некој министер, дали ќе биде од транспорт и врски или од финансии... инаку нема да престанеме затоа што овој проблем се влече веќе неколку месеци наназад“, бараат железничарите. „Без пари не може да се работи. Никој не работи. Дома ни бараат децата“, протестираат. Претставници на двете фирми во железницата беа на преговори со вработените во железничката станица Трубарево. Но не беа расположени за изјава за да објаснат зошто се случуваат ваквите проблеми во компанијата Раководството тврди дека плата ќе земат во вторник, а причина за ситуацијата е поради намалениот обем на работа. И за нив, велат, важи законот до 15-ти во месецот да се исплатат платите, но ако треба ќе платата казна бидејќи се во незавидна ситуација. Нема доволно пари поради кризата. Извор: А1 ТВ