Десетгодишнината од реалната македонско-француска соработка во областа на заштитата на културното богаство беше одбележана и во Битола. Заедно со Скопје и Велес, Битола е градот во кој се спроведува проектот инвентаризација на старите чаршии. 

Да се биде свесен на сопственото културно богатство, како показ - генератор на идентитетот и , во последно време важниот туризам. Тоа го овозможува проектот „Инвентаризација на старата битолска чаршија“, што го реализира заедничка македонско-француска екипа. Зоран Николовски, директорот на НУ Завод и Музеј информираше дека во првата фаза се избрани 100 објекти за кои ќе биде изработена копмплетна документација – лична карта на објектите.

Синоќешната изложба и промоција на книгата „Чаршиите на Балканот“ е дел од одбележувањето на 10 годишнината од македонско-француската соработка на ова поле,  која е на исклучително високо ниво. Ако проектот „Сигналитика“ е видлив за јавноста, овој проект нема да биде толку видлив, но е уште позначаен од аспект на промоцијата на битолското културно наследство и соработката што се реализира.

За почесниот конзул на Република Франција во Република Македонија, Г-га Калиопи Кривашија Стилиновиќ, оваа соработка е показател за степенот соработка на двете земји, а размената на искуства, ставови и заедничката работа е дел од трајните вредности .

Заштитата на културното наследство денеска е под закана на преобразбата на квалитетните урбани јадра преку нови градби и лоши реставрации. Синоќа промовираната книга низ фотографија и информација ги анализира чаршиите на Балканот. Асоцијацијата на градови и региони на уметност и историја во соработка со нашата држава, досега спроведуваше проект за инвентаризација на скопската стара чаршија.

Битолската чаршија од 15 век наваму претставувала економски центар на градот. Таа е една од најголемите целини заштитени во Македонија, иако денес останал само еден дел со 700 градби на триесеттина улици.

Исак џамија

Исак џамија по својата монументалност и убавина е еден од најпознатите споменици на исламската култура во Битола.

Изградена е во 1506 год. како задужбина на кадијата Исак Челеби. По својата архитектонска препознатливост, надворешност и внатрешниот изглед, хармоничноста на линиите, претставува усовршен брусански тип на џамија.

Внатрешноста е богата со разнобојна орнаментика. На поголемите површини по ѕидовите се изведени медаљони во кои се испишани текстови со верски пораки. Се знае дека и самиот Исак Челеби е погребан до самата џамија.

Отворена за посета: со претходна најава кај Муфтиство на ИВЗ Битола (047/240-631).

Погледајте го промотивното видео за Исак џамија - дел од DVD-то Следија златната линија, издадено од Општина Битола , по сценарио на Ирена Ружин:

http://www.visitbitola.info/index.php?option=com_content&view=article&id=47%3Aisak-mosque&catid=52%3Agolden-line&Itemid=254&lang=mk