Расадник

Ваму доста се гради. Има објекти во најразлични фази на изградба, од околчени парцели, до вселени згради.

1


2


3


4


5


6


7


8


9


10

За жал не знам никакви детали околу расадников.

Кој знае...


Јас само да си го кажам моето мислење дека расадник не ми се свиѓа. Хаос од форми и бои наредени една до друга, исто како и на други места во Кисева Вода. Како да не се работи за една единствена населба, туку за некаква изложба... Знам дека тој тренд за жал преовладува низ цело Скопје, ама тука имаа празен простор и почнаа да градат еден поголем комплекс. Можеа барем малце подобро да го обмислат. Еве да го земеме за споредба Реонски Центар во Аеродром. Реонски не е ништо посебно, ама барем има било каков концепт околу надворешниот изглед.


Edited by Cloverstack - 26-Jan-2008 at 19:01

ПОДЗЕМНАТА ИНФРАСТРУКТУРА ИЗГРАДЕНА, ПОЧНУВА ИЗГРАДБАТА НА НАДЗЕМНАТА

Расадник конечно со струја, парно и улици

Општината деновиве започна со поставување на топлификациона мрежа, што велат е и последна фаза од изградба на подземната инфраструктура. Од Градот, пак, стартуваат со активности за изградба на улиците. Веќе за два до три месеци ќе продолжи и издавање на градежни дозволи за нови станбени објекти

Во населбата Расадник викендов почна изградбата на топлификационата мрежа. Според надлежните во Општината, ова е и последната фаза од потребната подземна инфраструктура за неколкуте згради што веќе се изградени, но и за оние кои допрва ќе се градат. Од Градот, пак, велат дека се започнати и активностите за изградба на улиците, така што за два до три месеци општинските власти ќе можат да продолжат и со издавање на градежни дозволи за изградба на нови станбени објекти.

-Пред две години во оваа населба затекнавме неколку веќе изградени и вселени згради кои немаа ниту приклучоци за вода и струја, ниту пак асфалтирани пристапни улици. Затоа стопиравме издавање на нови градежни дозволи и почнавме со изградба на инфраструктурна мрежа. Притоа беше договорено Општината да ја изгради подземната, а Градот надземната инфраструктура, односно улици и паркиралишта. Нашата интенција е инвеститорите кои ќе градат таму да имаат пристапен пат и потребна улична мрежа, а становите сите потребни приклучоци, а не станарите допрва да чекаат да се градат улици, паркиралишта или водоводна и канализациона мрежа, вели Тони Чуповски, портпарол на Општина Кисела Вода. Тој додава дека во план е годинава да биде завршена и гасификационата мрежа.

И од Општината и од Градот, велат дека решавањето на спорните имотно-правни односи беа главната причина за одолговлекување на градежните работи за оваа населба. Инаку, за да може во моментот од веќе вселените згради да се изнесува сметот, општината финансираше изградба на пристапен пат кој е тампониран.

- За дел од улиците, предвидени со ДУП и за кои се решени имотно-правните односи, односно е извршена експропријација на земјиштето по кое ќе минуваат, отпочнаа активности за изградба. Веќе се расчистува просторот каде што ќе се градат улиците 1 и 2. За останатите пристапни сообраќајници во овој комплекс се води постапка во подрачните единици на Министерството за финансии и таа е веќе при крај. Штом ќе заврши веднаш ќе отпочне нивна изградба, велат во Град Скопје. Инаку, во Расадник, е предвидено станбеното прашање да го решат околу 10 илјади жители, а се предвидува изградба на нови 15 згради, клинички центар, аква парк и студентски град, но и на хотел за спортисти, трговско деловни објекти и црква.


http://www.vecer.com.mk/?ItemID=F8F411CB5931794DBD3A1B37A6798B6F

Originally posted by ProMKD Дадете коментари (околу бојата итн )

Бојата и зградата не е лоша. Мене кај Расадник не ми сметаат толку многу поединачни згради, туку првенствено ми смета генералната шареноликост (не само боја, туку големини, облици, концепти...). Поентата ми беше дека кога се гради цела една населба од нула, логично е да се има некој базичен концепт кој барем донекаде ќе ги хармонизира работите. А не онаква турли-тава како во Расадник.


Edited by Cloverstack - 25-Feb-2008 at 19:23

Не ми текнува точно за која мислиш, но знам дека постои една таква. Ептен чудна работа, не знам само кој би избрал таква боја! Многу дречи и воопшто не изгледа убаво

Originally posted by Cloverstack Кои се овие Бортас?

www.bortas.com.mk

Го градат пола Расадник. Нонстоп имаат реклами во огласникот што иде со весниците на ВАЦ

    Нашиве архитекти, со чест на исклучоците, оставаат впечаток како да им е многу тешко да ги следат последните трендови во архитектурата. Само филхаромонијата успеа да ме остави без било какви забелешки, се други е застарено, демоде или кич.

Асфалт за новите улици во Расадник Екипите на ЈП „Улици и патишта“ од вчера почнаа да ги асфалтираат новите улици во новоизградената населба Расадник во Кисела Вода. Прва ќе се асфалтира улицата Новопроектирана 2, во вкупна должина од 162 метра, а потоа ќе се работи и на останатите три улици во населбата. Од Градот информираат дека во Расадник, како дел од завршните работи за уредување на просторот, останува уште да се наредат павер-елементите на тротоарите, со површина од 300 квадратни метри и да се наместат рабниците и решетките за атмосферската канализација.

http://dnevnik.com.mk/?ItemID=5B1D2DB03D1A8E4DB63388439981FB3D