До местото и манастирскиот комплекс Свети Пантелејмон над Нерези, се влегува преку два приода, едниот од Нерези а другиот од Средно Водно. Првиот функционира ако имате џип или некое специфично возило а вториот Екипата на Вечер забележи дека е скоро невозможно

Делот над скопското село Нерези каде се наоѓаат споменици, воени пештери од 1940, цркви со културно-историско-верско наследство, милениумски крст, руинирани куќи од 1944 година и уште многу други атрактивни места за посета и можен развој на туризмот во главниот град, приодот до нив е за жал невозможна мисија. Раскопаниот пат по кој единствено може да мине некоја коза и куче, а да не се повреди деценија наназад е крпеница која деновиве после поројните дождови попушти во целост.

Засега безуспешните обиди за заживување на тој дел имаше и министерствата за финансии, за економија и за транспорт и врски кои во 2007 година на падините на Водно, кое најавија изградба на 15 илјади квадратни метри на виртуелно македонско село, со комплекс од повеќе маала, секое специфично по изгледот на објектите кои ќе бидат со автентична градба за регионот, умисла која денес без обичен пат остана за некои подобри денови.
До местото и манастирскиот комплекс "Свети Пантелејмон" над Нерези, се влегува преку два приода, едниот од Нерези а другиот од Средно Водно. Првиот функционира ако имате џип или некое специфично возило, а вториот Екипата на Вечер забележи дека е скоро невозможно. Иако ова традиционално излетничко место на скопјани го знаат само тие, странските туристи се уверивме дека лутаат по околните патчиња бидејќи не постои соодветна сигнализација или патоказ до атрактивниот комплекс.

Надлежните за одржување на патот Општина Карпош, годинава даде и согласност за урбанистичкиот план но според информациите што ги добивме засега останато е само на тоа бидејќи како што велат тие недостатокот на финансиски средства на изведувачот, проектот засега стои во место.