Почна изградбата на првиот сертифициран Дијагностички центар за сервисирање и одржување мотори во земјава, инвестиција вредна 3 милиони евра. Камен-темелникот го постави вчера министерот за транспорт и врски Миле Јанакиески, кој нагласи дека објектот ќе се изгради за една година и ќе вработи 100 лица.

Вака треба да изгледа новиот објект

Пред неколку дена компанијата Kia Motors Macedonia која е главен застапник за возилата од брендот Kia, a под нејзина капа е и продажбата на Daihatsu и Subaru, почна со градење на нов изложбен салон, кој според повеќе нешта ќе биде единствен во Македонија.
Новиот објект се наоѓа на местото каде досега беа изложбените салони на двете марки, но сега новиот ќе биде помодерен и со поголем капацитет. Целокупната квадратура на објектот ќе биде 1.250 м2, ќе има три нивоа, едно под земја, и две над земја а изложбениот дел ќе може да понуди места за вкупно 50 возила.
Иако засега се зборува само за салон во кој ќе бидат модели со знакот на Daihatsu и Subaru, не е исклучена можноста да има уште некоја автомобилска марка.
Уникатноста на идејното решение е што за првпат дел од изложените возила ќе бидат поставени на кат, односно ќе постои товарен лифт со кој вкупно 25 возила ќе бидат качени на првиот кат.
Новиот салон треба да биде готов следната година.


Генералниот менаџер Иван Петровиќ прв „фрли лопата“ на новиот објект