Надземен пешачки премин изграден од бетон, метал и плексиглас од двете страни со лифтови до летово ќе никне спроти Здравстениот дом на Бит-пазар во општината Чаир. Вредната и неопходна инвестиција на фирмата инвеститор Акцент Медиа од јавен карактер, деновиве отпочна со градба, која доколку градежните акивности одат по договереното, скопјани пешачкиот премин ќе можат да го ползуваат за отприлика шест месеци. Фирмата инвеститор Акцент Медиа за возврат за објектот од јавен интерес од општината Чаир доби дозвола за користиење рекламниот простор во период од 15 години. Преминот ќе има лифтови и од страната на аптеката "Зегин" и од кај грнчарската работилница. Лифтовите ќе бидат наменети за старите и лицата со инвалидски колички за олеснето минување на преминот.

-Како општествено одговорна компанија овој проект е во согласност со напорите на Акцент Медиа да даде свој придонес во реализирањето на проекти од интерес за општеството во целина. Ова е начин на кој ја изразуваме својата благодарност, внимание и грижа кон локалното население и кон средината во која работиме, рече Небојша Маслинко, директор на Акцент Медиа на потпишувањето на договорот со надлежните.

Инаку Акцент Медиа е членка на Епа Медиа, водечка компанија за рекламирање на јавни површини во Централна и Источна Европа. Основана е во 1995 година, како прва компанија за надворешно рекламирање на овие простори. Капацитетот на компанијата е над 2.000 рекламни површини од различни формати. Компанијата ги следи современите трендови во надворешното рекламирање и постојано инвестира во својот развој, со што на своите клиенти им обезбедува предности во користењето и комуникацијата со овој вид на медиум.