Рем Центар - Тетово

Во блиска иднина Тетово ќе има го еден од најсовремените трговски комплекси во Република Македонија.Тоа е втор после оној што ќе го градат Унгарците.

Станува збор за РЕМ центарот, кој ќе се протега во централното градско подрачје, на потегот меѓу зелениот пазар и Веро, на просторот сопственост на фирмата Електрометал, позната по ресторанот Електра, јави КИС телевизија.

Дел од градежните работи веќе се започнати, а во инвестицијата се Електрометал и компанијата Ренова од Џепчиште. За новиот современ трговски комплекс кој ќе го носи името РЕМ центар ќе бидат инвестирани околу 10 милиони евра.

Изведувачи се повеќе реномирани фирми од Тетово и околината кои ги прифатија обврските вградени во проектот за примена на врвна технологија во градежништвото со запазување на светски критериуми и стандарди.

Нето корисната површина ќе изнесува 25 илјади квадратни метри. Во состав на трговскиот комлекс доминантен ќе биде трговскиот центар со сопствено паркиралиште. Во негова непосредна близина ќе има и хотел, како и станбена повеќекатница кои исто така ќе имаат сопствени издвоени паркинг плацеви, соопшти Војче Стојкоски, директор на Електрометал.

РЕМ центарот во Тетово ќе се гради на три нивоа под земја и 8 нивоа над земја. Со реализацијата на овој најнов инвестиционен зафат елосно и трајно ќе биде реализиан деталниот урбанистички план во овој централен дел на Тетово.

Со активирањето на објектите во состав на трговскиот комплекс ќе бидат создаени можности за голем број нови вработувања , особено на кадри од областа на бизнис економијата, трговијата и угостителството.(Крај)