Промоција на Македонија

Originally posted by pbanks Не е за Македонија но еден навистина освежувачки промотивен спот за земја кој деновиве се врти по светските медиуми. Додека секоја до една европска земја (вклучувајќи ја и Македонија) труе со веќе предвидливите памфлети со природни убавини, народни носии и танци, кујна, религиски објекти, урбани пејсажи и сл, во една трка да се докаже кој е постар и потрадиционален (а истовремено модерен и современ), Косово реши да ја промовира својата младост, потенцијал и иднина. Одлично направено. П.С. Само да предупредам дека незгодни коментари на сметка на Косово ќе бидат инстант санкционирани. Зборуваме исклучиво за спотот и за идејата зад него.

 

@SkyBoy

Прво за косовскиот спот. Во право си кога велиш дека тој има друга намена (градење позитивен имиџ а не туристичка промоција), но мислам дека токму од таа точка треба да тргнеме и ние. Ретко која земја има толку лоша репутација како Косово веројатно, но никако не смее да се лажеме дека во очите на еден западно европеец па дури и поголемиот дел источно европејци Македонија има специјално подобар имиџ. Реално да не беше спорот со името многу луѓе и немаше да знаат дека постоиме.

Затоа мислам дека и ние треба да се зафатиме прво со позитивниот имиџ (не велам дека треба да правиме спотови како Косовскиот ниту пак велам дека тоа треба да биде (исклучиво) со спотови) пред да рекламираме вина, археологија, традиции итн.

Дополнително мојата критика за македонските спотови (кои сами по себе се помалку или повеќе одлично изработени) е нивната предвидливост. На CNN се вртат дузина спотови од вакви "традиционално модерни" претенденти како Македонија. Толку многу ги има што мене ми се веќе досадни и го менувам каналот. А кога го гледам спотот за Азерјбеџан или Ерменија кои се подеднакво квалитетни и убави како македонските предрасудите кои ги имам (или немам) остануваат и не добивам порив веднаш да се качам на авион и да ги посетам тие земји.

За твојот втор пост.

Се тоа звучи прекрасно на хартија но елитниот туризам е мисловна именка за нас. Ние имаме дури проблем да направиме и масовен туризам каде позитивните амплитуди се најчесто манифестирани со наплив на средна накај социјална класа на гости од соседните земји и тоа најчесто во некоја комбинација каде Охрид бил последната варијанта (на пример Бугарите вовеле визи за Србите или пак Србите се лути на црногорците дека прогласиле независност). Со визната либерализација во регионот овој моментум и понатаму ќе го губиме (нека се потсети некој колку многу Бугари имаше во Охрид во 90те пред визната либерализација со ЕУ за нив).

Патиштата, патоказите, тоалетите се предуслов за елементарен туризам. За елитен туризам треба и многу повеќе од тоа. Услуги, хотели, содржини. Не само трчаница од црква до црква и прикаски која е постара, туку содржајна програма каде што конзументите во секој момент ќе имаат квалитетен избор на располагање секако со многу додадена вредност. Да не зборуваме и за туристичкиот кадар кој готово и го немаме.

Не викам дека немаме потенцијал да направиме нешто, секако сме убава земја но мислам дека копнеењето по некаков елитен туризам е во моментот утопија. Исто како што е утопија дека аеродромот во Скопје ќе бил регионален центар или пак дека ротирачката реклама на зградата на Пелагонија (која btw не ротира барем 7 години) е најголема на балканот. Уморен сум од тој наш комплекс дека сме "посебни".

Повторно како одличен пример за нас би ги посочил "досадните словенци" кои без некоја претенциозност дека ќе бидат следната ТОП дестинација, трпеливо изградија една релативно обична но разновидна туристичка понуда која им носи и по неколку милиони туристи годишно.


Edited by pbanks - 25-Mar-2010 at 12:09

@SkyBoy

мислам дека погрешно ги перципираш моите ставови околу спотот со Косово и споредбите со Македонија.

Она што се обидувам да го кажам е дека во очите на нашите таргет туристи Македонија е многу поблиску до Косово отколку што е до Хрватска или Грција а не па подалеку. Треба да сме реални за тоа бидејќи на крајот на краиштата не е битно како самите се доживуваме себе туку како не доживуваат оние на кои се обидуваме да им продадеме туризам.

Од тој аспект Македонија многу лошо котира а оние кои знаат повеќе за нас, кои знаат дека сме сепак понапред од Косово и да ја прават дистинкцијата всушност не им ни треба спот за да дојдат тука.

Не би можел вака од ракав да кажам кои методи треба да ги искористиме да се промовираме пред се како нормална земја а и самиот горе нагласив дека немора да значи дека тоа би било спот кој што ете велиш дека може да е и чекор назад за нас. Но битно е да ја поместиме перцепцијата за нашата земја која не е позитивна (повторно ако зборуваме пред се за туризам) а не да ја држиме главата во песок по тоа прашање.

За другото се разбираме. И самиот реков дека она што недостасува во Охрид е додадена вредност, но фактот дека долги години каскаме на тоа поле ме прави песимист дека работата бргу ќе се смени. Инаку се сложувам и јас мислам дека Охрид е одлична дестинација можеби не за елитен но дефинитивно за повисок туризам од овој што моментално се практикува и во секој случај подоходовен.




Edited by pbanks - 25-Mar-2010 at 15:13

http://www.tourismmacedonia.gov.mk/  

Edited by SkyBoy - 27-Mar-2010 at 17:49

Го имаме некаде, дури мислам дека некој отвори нишка тогаш, ама стварно не ми текнува, одамна беше. Одличен сајт

Мислам дека го изработил некој Пољак што ја посетил Македонија и многу се вљубил во неа. Мотив да продолжи со одржување и надградување на страната биле позитивните критики и реакции што ги добил. Нема никаква врска со некоја државна институција ова (освен ако не го линкале)

а да не знае некој на што се однесува Skopje, the capital with seven gates 

хмм тоа ти е еден обид за некаква туристичка промоција преку брошури и приказни, каде изгледа главна цел беше да се лапнат пари отколку дека на некого му дојде до туризам и генерално културолошка промоција на Скопје и Македонија.

Edited by SkyBoy - 28-Mar-2010 at 18:57

ВИДЕОСТОРИЈА ВО ПРЕСТИЖНИОТ ЛОНДОНСКИ МЕДИУМ

Старата скопска чаршија во Гардијан

"Можам да тврдам дека Џељадин Асадин, наречен Џељо, е причината што во Македонија го има овој филигрански занает. Тоа го говорам морално и материјално пред камера. Јас сум тој човек, кој како сака нека сфати", изјавува скопски занаетчија за магазинот

Престижниот лондонски "Гардијан" објави видеосторија за Старата скопска чаршија. Видеото е прошарано со црно-бели снимки од Старата чаршија, па може да се видат девојки облечени во староградски носии, мажи во старински одела, а чаршијата е опишана како традиционален центар на занаетчиството.

"Чаршијата имаше големо влијание во мојата работа. Тоа е место каде што времето запрело, но се уште е многу жива, посетена, таа е микс на традиции, култури, јазици, тука има Албанци, Турци, Македонци и најголем број се мажи, изјавува изработувачот на филиграни, Мима Пејоска за "Гардијан".

Камерата на "Гардијан" ни прикажува прекрасни слики од дуќаните, додека во позадина оди традиционална албанска мелодија снимена во живо од уличен изведувач. Тука е и симпатичната изјава на занаетчијата Џељадин Асадин, кој вели: Можам да тврдам дека Џељадин Асадин, наречен Џељо, е причината што во Македонија го има овој филигрански занает. Тоа го говорам морално и материјално пред камера. Јас сум тој човек, кој како сака нека сфати".
Во петминутниот прилог насловен "The art of Macedonia" може да се видат ковачи, дрводелци, лимари... Речиси сите занаети во чаршијата, а најчеста нивна изјава е: Јас овој занает го наследив од татко ми, а сега ќе го наследи син ми".

Видеото може да се погледне на следниот линк: http://www.guardian.co.uk/travel/video/2010/apr/15/macedonia-craft-skopje.

(Де.Т.)

http://www.vecer.com.mk/?ItemID=AFB86ECCEB5A694ABBF9AE3316B56F83