Време, број 1512, 05.11.2008

ОПШТИНА КИСЕЛА ВОДА Се санираат повеќе улици Општина Кисела Вода деновиве работи на санација и на реконструкција на повеќе улици на целата нејзина територија. Истовремено се поправаат и веќе постојните дупки на потегот на крстосниците на улиците 11 Октомври и Сава Ковачевиќ, се до крстосницата на улиците Првомајска и Народни Херои. Во моментов градежните работи на терен ги изведуваат неколку градежни фирми во координација со општинските служби. Е.М.

http://vreme.com.mk/DesktopDefault.aspx?tabindex=2&tabid=1&EditionID=1543&ArticleID=101650

Edited by evolutionary - 05-Nov-2008 at 17:51

Нов асфалт за „Демир Трајко“

Изградба на атмосферска и фекална канализација на улицата „Демир Трајко“, нејзино асфалтирање, крпење на дупките на сите општински улици и промена на електромоторните пумпи за вода за т.н. романски згради се трите проекта што почнаа да се реализираат на подрачјето на општината Карпош. Градоначалникот Стевчо Јакимовски вчера објасни дека ова се дел од проектите што ќе се изведат во оваа градежна сезона. Годинава на приоритетна листа за реализација Општината ќе ги има инфраструктурните проекти, а наредната и во 2012 година ќе се врши разубавување на јавните површини и ќе гради мини-плоштади.

„Секоја недела ќе започнуваме со изведба на три проекти од планираните стотина. За повеќето веќе се избрани изведувачи и имаме градежни дозволи, што значи дека ништо нема да не' спречи во реализацијата“, рече Јакимовски. Тој информираше дека за инфраструктурните проекти се издвоени најголеми средства од општинскиот буџет. За изградба и реконструкција на канализационите мрежи се предвидени 80 милиони денари, а за асфалтирање на улиците 100 милиони. (Дс.Т.)                                                                                                                                                    http://www.utrinski.com.mk/?ItemID=0438330CBBFF874F969E13034B7322F7 

Времето сопирачка за градежните работи во Кисела Вода

Одговорните од општината Кисела Вода, иако уште пред неколку дена ја најавија акцијата за санирање на ударните дупки и изградба на нови пешачки патеки и паркиралишта во општината, работата сé уште тапка во место
Од општината објаснуваат дека причина за тоа се лошите временски услови. Иако велат дека веќе поголемиот дел од работата е завршена, сé уште има некои градежни зафати, кои треба да продолжат откако ќе се подобри времето. Од општината објаснуваат дека акцијата почна со санирање на улиците во населбите Пржино и Црниче, а понатаму ќе продолжи и кон другите населби во општината. Ударните дупки се санирани на улиците Христо Татарчев, Стрмашево, Кочанска и на една сервисна улица. За да се санираат ударните дупки на овие улици се потрошени над 330 тони асфалт. Од општината најавуваат дека ова е само почеток на работите и дека штом се подобрат временските услови повторно ќе почне да се работи на терен. - Со оглед на времето, градежните работи се одвиваат со помал интензитет, односно работниците не можат да постигнат да ги санираат сите дупки и да ги доработат веќе отпочнатите активности за изградба на паркинзи и пешачки патеки. Штом се подобри времето, екипите повторно ќе излезат на терен и ќе почнат со работа - објаснуваат од општината. Паркиралиштата и пешачките патеки на некои локации се веќе во завршна фаза. Деновиве се доработува паркиралиштето на улицата Георги Димитров, а треба да се постават и бекатон-плочки, а паркинзите на улиците Огњан Прица и Локов се веќе завршени. Маријан Спасески, портпарол на општината објасни дека се направени и неколку пешачки патеки на улицата Никола Добровиќ. Градежните работи ги изведува фирмата „Урбан инвест“, а парите се обезбедени од буџетот на општината.

http://www.novamakedonija.com.mk/NewsDetal.asp?vest=420101016568&id=14&prilog=0&setIzdanie=21963

ПО ПОДОЛГО ВРЕМЕ
Асфалт на улицата Герман

Улицата Герман, конечно, доби нов асфалт, на потегот од улицата Железничка до 50 Дивизија. Општина Центар го реконструираше коловозот на површина од 440 квадратни метри и при градежните работи изгребан е стариот асфалт, поставен е нов слој и подигнати се котите на шахтите. Поправени се и тротоарите од двете страни на улицата и обложени со бехатон-плочи на површина од 160 квадратни метри. Според општинските власти, истовремено се санирани и ударните дупки на коловоз на улиците 13 Јули, Христо Смирненски, дел од Иван Милутиновиќ и дел од Петар Поп Арсов. Акцијата општинарите ќе ја продолжат и во наредниот период.

http://www.vreme.com.mk/DesktopDefault.aspx?tabindex=4&tabid=1&EditionID=2006&ArticleID=139497

Се крпат дупките во Центар

Општина Центар ја реконструираше улицата Герман. При обновувањето на коловозот, беше изгребан постојниот асфалт, поставен нов слој и беа подигнати котите на шахтите. На тротоарите од двете страни на улицата поставени се бехатон плочи. Од Општината информираат дека истовремено се закрпени и дупките на улиците 13 Јули, Христо Смирненски, дел од Иван Милутиновиќ и Петар Поп Арсов.

http://www.vest.com.mk/?ItemID=D7FD52EB8F02CF4A8FB2CC655A369274

Слушај ми го зборов, бехатонскиве препреки нема да траат ниту 2 недели...

Originally posted by alexgizh Слушај ми го зборов, бехатонскиве препреки нема да траат ниту 2 недели...

Verojatno si vo pravo.A ulicava lici kako da sme vo Kabul,a ne vo Evropa(kaj sto sme).

Пред половина час поминав низ центар и како што можев да видам од автобус дупките на улицата Даме Груев која поминува пред ТЦЦ Сити Плаза се изгребани и ќе се пополнуваат со асфалт, но не ми е јасно зашто не се изгребе целиот и одново да се направи само еден слој и онака не ми изгледа баш во добра состојба тој асфалт.

Единствено што недостига за да делува на пвеводбеничка "капитална" инвестиција, е црвена панделка.
 
https://off.net.mk/lokalno/makedonshtina/i-pak-ste-neblagodarni
 

И пак сте неблагодарни

 

19 Март 2018 - 14:13