Спoменик нa плoштaд Maкедoнијa

Игор Чавески

Поради страв дека Македонија би можела да го присвои ликот и делото на Александар Македонски, кој Грците го сметаат за свој херој, кај јужниот сосед во последниве дваесетина години се чувствува нагласена потреба за поставување негови обележја.
Оценките на историчарите се дека Грција сосема го промени односот што го имаше кон Александар веднаш штом Македонија стана независна држава, за разлика од минатото кога тој дури и не беше нарекуван „Македонски“ туку повеќе се користеше терминот „Велики“. Тие го објаснуваат тоа со фактот дека во поранешна Југославија, Грција воопшто не ја гледаше Македонија како закана за нејзиниот идентитет, туку за тоа станаа свесни во почетокот на 90-тите години од минатиот век. Тоа резултираше со комплетно ребрендирање аеродроми, улици, државни институции со името „Македонија“. Најновата иницијатива да се постави споменик на Александар во главниот град на Грција пред неколку дена дојде од Јоргос Караџаферис, лидер на националистичката ЛАОС. Тој сакајќи да ги престигне властите во Скопје во поставување споменик на античкиот војсководец, од сопствени средства нарачал грандиозен споменик на Александар, висок шест метри, качен на коњ со крената рака како симбол на победа. Караџаферис веќе добил дозвола од градските власти и споменикот ќе биде поставен во атинската населба Палео Фалиро.
Милан Бошковски од Националниот институт по историја смета дека историските личности, како Александар и Филип, не им припаѓаат само на Грција или на Македонија, туку се дел од светска историја, па поради тоа никој нема право некому да му забранува да поставува нивни споменици.
- Во услови на непостоење македонска држава во 19 век и во почетокот на 20 век, Грците постојано го присвојуваа македонското наследство, а југословенските власти, не сакајќи да се замерат го Грција, не реагираа на тоа. Токму затоа сега ни се случува јужниот сосед да реагира и да гради споменици на личности од античкиот период – смета Бошковски.
Историчарите, исто така, истакнуваат дека Грција многу вешто го користи членството во Европската унија за да ги наметне своите гледишта, па поради тоа, ни се случува во извештајот на Европскиот парламент за напредокот на Македонија со големи букви да биде нагласена таканаречената антиквизација.
Александар Литовски смета дека антиквизацијата во Македонија е реалност и дека двете земји треба да престанат со тоа кој има, а кој нема право да поставува споменици од античкиот период.
- Војната со споменици треба да престане зашто е смешна. Македонија не може да ја спречи Грција да поставува обележја, туку Грција како членка на ЕУ може да врши притисок врз нас – вели Литовски.
Минатиот месец во грчкиот град Пела, каде што била престолнината на античкото кралство Македонија, беше отворен грандиозен музеј посветен на Александар Македонски. Неговата изградба чинеше 14 милиони евра, а поголем дел од парите се од фондовите на ЕУ за изградба на културни обележја.

ја најдов на нет...од пред два дена е.... 29 мај

пс. незнам чија е....може сум му ја собрал на некој пред да ја постира....можеби тука...ако не е ставена до сега

Фонтаната на Александар Македонски излегува на виделина

Општина Центар интензивно е ангажирана околу активностите за изградба на фонтаната со споменикот на Александар Македонски, највредниот од 17 што се дел од владиниот проект „Скопје 2014“.

Градежните активности за фонтаната веќе излегуваат на површина, а се изведуваат комбинирани зафати, на земја и под земја. Општинарите информираат дека се' уште се работи на темелење на фонтаната што ќе ја изработи „Бетон“ за 3 милиони евра.

Уште траат и градежни работи под земја. Подземните инсталации се дислоцирани, како и подземната машинска соба, а се започнати градежните работи за потребите на фонтаната, во чиј состав ќе има ново проектирана поголема машинска хала. Општината засега не прецизира дали и новата машинска соба ќе ја изведува „Бетон“ или допрва ќе се бара изведувач, што би можело да го пробие предвидениот рок за изградба на фонтаната. Според последните најави, тој истекува кон крајот на годинава.