Центар. Поголем дел од работата е веќе завршена, а се работи според претходно направен проект, за кој што не е направено испитување на подземната инфраструктура и квалитетот на теренот каде што ќе се поставува асфалтот - кажа Трајановски. Проблем се јавил и со асфалтниот слој што требало да биде подлога. Бидејќи се покажал како крајно неквалитетен, наместо пет сантиметри се гребело и до15 сантиметри во длабочина.Во втората фаза ќе биде опфатен делот од улицата Франклин Рузвелт до 8 Септември. Трајановски истакна дека иако и во тој потег има времени објекти и земјиште во приватна сопственост, кои, пак, влегуваат во проектот за проширување на Илинденска, нема да има проблеми, бидејќи досега од засегнатите граѓани е покажано големо разбирање.


Кој не пријавил имот нека му ја мисли
Со мало задоцнување поделени се сите решенија за данок на имот и 40 отсто од даночните обврзници веќе го подмириле данокот за 2010 година, истакна вчера градоначалникот Коце Трајановски. Ќе се составуваат и тимови во сите општини кои ќе реагираат кај сите граѓани кои досега не го пријавиле данокот за имот и законски ќе одговараат за тоа. На седницата на Координативното тело на градоначалници вчера се утврди и состојбата на должниците за фирмарина. Трајановски истакна дека иако на 28.000 фирми им се пролонгирал терминот за плаќање до 1 мај, долгот го платиле само 18.000 фирми. - Веќе се доставени барања до банките за блокирање на сметките на оние фирми кои не ја платиле фирмарината – рече тој. За 2010 година фирмарината е намалена од 8.000 на 7.000 денари и од 2.700 на 2.400 денари.