Зоолошки градини во Македонија

Е ова ти е балканска работа, дебили невидени. []

Подарени елени од Загреб умреа на патот кон Скопје

Две од девет животни не го издржале патот долг речиси 1.000 километри. Се возеле во неклиматизиран камион и несоодветни кафези

Наместо да стасаат како подарок на адресата на нашата Зоолошка градина, два елена од ЗОО во Загреб ќе завршат на депонија. Поради неподносливи услови за транспорт во камионот, кој изминатиот викенд тргнал од Хрватска, двата елена се задушиле. За среќа, преживеал останатиот дел од подарокот, уште четири елени и две антилопи гнуу.

Најверојатно патот долг речиси 1.000 километри во неклиматизиран камион со несоодветни кафези за транспорт, биле пресудни елените да не го преживеат патувањето. Неофицијално, тие пцовисале по преминување на хрватско-српската граница, на патот низ Србија, а немилиот настан го констатирале нашите граничари.

Случајот вчера го потврди и директорот на скопската Зоолошка градина, Дане Кузмановски. Иако е на годишен одмор, а детали најави по 20 август, во кусиот телефонски разговор, оградувајќи се од каква било одговорност, тој изјави за „Утрински“: „За жал, точно е тоа што се случило. Животните биле испратени на 1 или на 2 август. Пцовисувањето, најверојатно, се должи на несоодветен транспорт, но, сепак, допрва ќе се утврди кај кого е вината. Во случајов, немаме никаква одговорност, бидејќи животните веќе биле мртви кога стасале на македонската граница, а живи и здрави ја минале српската граница“, накусо ни изјави вчера Кузмановски.

Немилата случка вчера ја потврдиле и надлежните од загрепската зоолошка. Колегите од „Вечерњи лист“ не' информираа оти имале сознанија дека животните биле транспортирани со камион без соодветни услови за ваков вид пратки, иако за него се исплатиле дури 3.000 евра.

Инаку, животните на адреса на нашата ЗОО требаше да стасаат како подарок од Загреб, во знак на соработка на двете градини. Елените и антилопите во Загреб биле вишок, па надлежните договориле, всушност, размена на животни. Од Скопје за Загреб, најверојатно, наскоро ќе бидат испратени белоглави орли.

http://www.utrinski.com.mk/default.asp?ItemID=DF005EAFD861A54A98B32B259FE739EB

Сите отфрлаат одговорност за умрените елени

Директорот на скопската ЗОО бара вина кај превозникот кој вршел транспорт со неклиматизиран камион

Деспина Трајковска

Неадекватен транспорт, пропуст на ангажираниот превозник или можеби на скопската ЗОО која го најмила, тропските горештини, виша сила... Допрва ќе се утврдува која е причината што била пресудна на патот од Загреб кон Скопје да умрат два елена, кои беа дел од деветте животни што ни ги подари загрепската Зоолошка.

Од нашата ЗОО ќе дадат отчет за случајот дури по десетина дена. Директорот Дане Кузмановски, кој е на годишен одмор, завчера во кусиот телефонски разговор со „Утрински“ отфрли каква било одговорност. Истото тоа го направија и Хрватите. Без оглед на тоа што нашата ЗОО го организирала превозот, го ангажирала хрватскиот превозник „Беро“ од Вробвци и за тоа платила 3.000 евра, Кузмановски не чувствува вина за случајот. Се сомнева дека елените умреле поради несоодветните кафези во кои биле сместени и бидејќи камионот со кој се превезувале не бил климатизиран.

„Превозот го плативме 3.000 евра, а животните ги возеле без клима. Да ни беше потребен обичен камион ќе платевме 1.500 евра, а не двојно повеќе“, изјавил Кузмановски за „Вечерњи лист“.

Хрватскиот превозник и од загрепската ЗОО вчера не беа достапни да зборуваат за случајот. Во изјава за „Вечерњи лист“ завчера превозникот едвај го прокоментирал немилиот настан. Сопственикот на „Беро“, Берислав Јокиќ, одбил да им обезбеди контакт на новинарите со возачот на камионот во кој се превезувале животните.

„И животните умираат како луѓето. Не е прв пат животни да умрат по пат, тоа често се случува“, прокоментирал кусо Јокиќ, кој за хрватскиот медиум рекол оти, наводно, се' уште не бил информиран за деталите, но имал сознанија дека во транспортните сандаци немало доволно воздух.

Директорката на Зоолошката градина од Загреб, Даворка Маљковиќ, посочила дека транспортот го организирале нејзините колеги од Скопје. Демантирала дека боксовите во кои во Загреб биле сместени животните не ги исполнувале соодветните стандарди.

„Наша одговорност беше единствено да ги подготвиме и натовариме животните. Предложивме на пат со нив да испратиме и некој од нашите негуватели, но од кај превозникот ‘Беро‘ не' одбија со образложение дека нема потреба од такво нешто“, објаснила Маљковиќ за „Вечерњи“.

И додека сите инволвирани во случајот се оградуваат од каква било одговорност за пцовисувањето на двата елена, од друштвата за заштита на животните инсистираат на што побрзо утврдување на виновникот и бараат да се санкционира.

Инаку, освен двата елена што пцовисаа, најверојатно, поради високите температури и немање воздух во кафезите во кои се превезувале, во скопската ЗОО на подарок од Загреб беа испратени вкупно девет животни. Уште четири елени и три антилопи гнуу. Каква судбина ги снајде нив, дали се стасани во Скопје или можеби се некаде „заглавени“ поради утврдување на случајот, никој од одговорните не сака да одговори. Животните како подарок од Загреб тргнаа на пат кон Скопје изминатиот викенд. Живи и здрави ја минале хрватско-српската граница, а двата умрени елена биле „откриени“ од страна на нашите граничари.

Epten smesno! Do tolku oset da se nemalo za zivotni.....lugevo placat, molat za stap

Не гледам ама баш ништо смешно во видеово, напротив.. животново поима нема што е цигара и мисли дека вообичаено као и се друго што обично му фрлаат - се јаде..

Копуци има секаде, не е тоа ендемски балкански вид. Ни во Австралија ништо не е совршено. Не значи дека ако го има таму, па сега е нормална појава. Безбедноста мора да се зголеми. Не би дошло лошо по некоја камера да се постави ни зоолошката.

[/QUOTE] А не знам зошто толку трагично(за мајмунот) го сфаќате видеово, очигледно на крај останува неповреден. [/QUOTE]

Edited by lupo - 21-Aug-2010 at 19:07

Умреа уште два елена во ЗОО

Уште два елена се жртви на нехуманиот транспорт на животни од загрепската до скопската зоолошка градина. По двете гнуа, кои умреа во текот на патувањето, веднаш по пристигнувањето во Скопје, пцовисале и уште две од вкупно деветте животни што беа донација од загрепската ЗОО. Причината за смртта е топлотен удар предизвикан од недоволна циркулација на воздух во тесните кафези, потврдила ветеринарната обдукција. Директорот на Зоолошката градина, Дане Кузмановски, вчера ги презентираше резултатите, информирајќи дека животните патувале во кафези што биле потесни и од распонот на нивните рогови и за време на патувањето воопшто не им била дадена вода. Биле сместени во обичен камион, а не во специјализирано возило за транспорт на животни, како што било договорено со хрватскиот транспортер „Беро“ од Врбовци. Температурата во камионот била над 40 Целзиусови степени и вистинско чудо е што преживеале останатите животни. Тие се добри и сместени се во своите кафези во нашата ЗОО градина, информираше директорот Кузмановски.

За нехуманиот транспорт со трагични последици, прекршочна казна од македонската инспекција веќе добил транспортерот „Беро“, кој платил 500 евра. Сега директорот Кузмановски најавува и тужби против него и против загрепската ЗОО, која, всушност, го понудила овој транспортер како најсоодветен, бидејќи поседувал токму такво специјализирано возило за транспорт. За превозот му биле платени 3.000 евра. (С.Н.)

http://www.utrinski.com.mk/?ItemID=BFB665F92DEEEE45B86309D31DD26DF7

Од зоолошкава во скопје од 2006-та година. http://www.dabar.com.mk/index.php?id=63

ОБНОВЕНАТА ГРАДИНА СЕ ПОПРИВЛЕЧНА ЗА НАЈМЛАДИТЕ На екскурзија во Зоолошка Даниела Трајковска Откако надлежните почнаа да ја обновуваат Зоолошката градина, но и откако во неа се збогати фондот на животни, граѓаните покажаа голем интерес за прошетка низ неа, па, речиси, секој викенд, кога временските услови го дозволуваат тоа, се чекаат редици за билет. Она што како новитет се нуди во Зоолошката градина, освен новите и многубројни животни, во целосно реконструирани кафези, е и можноста тука да се прослави роденденот, а во неа почнаа да се организираат и екскурзии за дечињата од градинките и за најмалите основци. - Навистина е убаво што можат да ги прошетаат децата во Зоолошката градина. Еве, ќерка ми беше вчера. Заедно со наставничката се запознавале со животните, со опасноста која што може да се појави при средба со дивите животни, учеле во кој вид спаѓаат, што јадат и слично - вели Весна Т., мајка на едно од дечињата. Според директорот, Дане Кузмановски, неодамна решиле да достават понуди до градоначалниците на скопските општини, кои потоа треба истите да им ги претстават на директорите на градинките и на училиштата, со цел да се запознаат со можноста за организирање еднодневни екскурзии за учениците, но и дечињата во градинките. - Понудата ја доставуваме до градоначалниците затоа што тие се главните кои раководат со општинските училишта - вели тој. Кузмановски додава дека овој проект ќе се организира и за другите градови низ Македонија, откако ќе заврши во скопските општини. - Интересот е огромен. Децата се презадоволни од посетата на зоолошката градина. Во зависност од временските услови, дневно се случува во посета да имаме по две-три школи и градинки, но, понекогаш, кога времето е лошо, посетите се откажуваат - вели Кузмановски. Според него, едукаторите од градината се задолжени за соработката на зоолошката со надворешните институции. Со нив најмладите при посетите се едуцираат за животинскиот свет, заедно ги хранат животните и слично. Покрај тоа што се организираат еднодневни посети на зоолошката градина, неодамна е отворена и можноста децата да ги прославуваат родендените во градината. Отворено е кафуле, кое функционира како игротека, каде што славениците со другарчињата добиваат бесплатно запознавање со животните, со помош на едукаторите. Исто така, со нив се шетаат низ зоолошката, ги хранат животните, јаваат пони, со што роденденот го минуваат на многу поинаков начин од оние што вообичаено се организираат. - Коњчињата „пони“, за жал, не се наши, туку се надворешни. Нашите мали коњи се дресираат за да се навикнат на седлото, но и на јавачите - вели Дане Кузмановски. Како новитет, тој го најавува и малиот воз, со кој најмладите ќе се возат низ градината, кој е репариран, меѓутоа, се уште не е пуштен во употреба. Инаку, во градината наскоро треба да пристигнат две двојки тигри, две птици „ему“, два папагала „ара“ и два пара кенгури. - Единствено немаме слон и жирафа, меѓутоа, работиме на тоа што поскоро да ги донесеме и овие животни - вели тој.

http://vreme.com.mk/DesktopDefault.aspx?tabindex=1&tabid=1&EditionID=2132&ArticleID=149242

Обновени живеалиштата на копитарите во Зоолошка



Со пригодна програма на ученици и настап на културно-уметнички друштва од Ѓорче Петров, вчера свечено беше пуштен во употреба реконструираниот објект што ги опфаќа живеалиштата за зебу, јакови и биволи. Станува збор за објект што бшее урнат, а потоа комплетно реновиран со донација на Општина Ѓорче Петров во вредност од 800.000 денари. Објектот има површина од 150 квадратни метри. На свеченоста на Општината Ѓорче Петров и' беше доделна благодарница за успешната соработка со Зоолошката градина.

http://www.dnevnik.com.mk/?ItemID=294CAF63AAAEAF4488E4D89AF0BAB442

Edited by leonid23 - 02-Oct-2010 at 22:05