Споменик Карпалак - Прилеп

Прилеп гради споменик за Карпалак

Во центарот на Прилеп е во тек изградба на споменичниот комплекс Карпалак, посветен на бранителите што загинаа во војната во 2001 година.

Архитектите и локалните власти се определија да ги напуштат грандиозните и скапи решенија и да постават метална скулптура на новиот кружен тек на сообраќајот меѓу булеварот Гоце Делчев и улиците Јоска Јорданоски и Борис Кидрич. Проектирани се десет зраци од прохром високи околу 15 метри. Комплексот ќе чини околу 36 милиони денари. Обележјето ја симболизира меморијата на градот за десетте загинати прилепски бранители во август 2001 година, во месноста Карпалак, помеѓу Скопје и Тетово.

- Споменикот Карпалак е составен од статичен и динамичен дел. Според скулптурално-инженерското решение, десетте метални прохромски столба завршуваат со метална топка од 3,5 метри, која пулсира. Во подножјето ќе има водена површина со ефекти, која ќе дава одредена драматика. Платото од кружниот тек ќе се раззелени. Околината од пет илјади квадрати ќе се уредува со соодветни урбани реквизити, зеленило и паркинг-простор - вели Бранко Нешкоски, директор на ЈП за просторно и урбанистичко планирање.

Сообраќајниот профил ќе биде готов до почетокот на есента, а паралелно се работи и на партерот.

Локалните власти конечно се определија за градба на обележје на паднатите бранители и ја напуштија идејата за панорамник од 90 метри. (Љ.М.)

Sto mislite za ova,mene mi lici na plagijat ili ocive loso mi gledaat:

Bayterek-Astana-Kazakhstan