Возен парк (општо)

Originally posted by polval Можеби решение би било  договор со некоја од приватните фирми за обезбедување. Еве на други места каде редот го обезбедуваат приватни фирми тоа функционира, на пример „Рамстор“ и сл.

Е тоа би било добро...се сложувам...

Voz na relacija Skopje-Kicevo

Искрено, јас на министеров не му верувам. Така општо зборува, без конкретни рокови, без идеја од каде би се земале пари, навистина ништо конкретно. Повеќе надеж ми влева новиот директор на железница Деркоски, од кого гледаме одредени новини, дава конкретни идеи, а се надевам и дека ќе ги реализира, инаку еве информација од него:


Се интензивира користењето на железничкиот сообраќај, смета директорот на МЖ Деркоски

Прилеп, 18 декември 2010 (МИА) - Патниците се повеќе го користат железничкиот сообраќај, смета Оливер Деркоски, директор на „Македонски железници а.д Транспорт“.

- Особено со враќањето во сообраќај на брзиот воз „Пелагонија Експрес“ на линијата Битола-Скопје и обратно, воведен од минатата недела со стапувањето во сила на зимскиот возен ред, изјави Деркоски по поставувањето на темелите на ново спомен- обележје за загинатите бранители на Карпалак.

Со одобрените 50 милиони евра од Владата за осовременување на железницата, потенцираше Деркоски, ќе се купат три дизел моторни и две електромоторни комплет ганрнитури возови за патничкиот сообраќај.

- Потребни се три локомотиви за товарниот сообраќај, а ќе се реконструираат 30 патнички вагони со клима-уред и вакум ве-це, додаде Деркоски.

Извор: МИА, http://www.mia.com.mk/default.aspx?vId=79597760&lId=1&pmId=501

Originally posted by Vladimir P Originally posted by BOJAN Искрено, јас на министеров не му верувам. ...Повеќе надеж ми влева новиот директор на железница Деркоски ... Бојане зар не ти е јасна хиерархијата во државаните органи

Апсолутно ми е јасна хиерархијата , ама ние говориме за министерот на кој сите проекти му доцнат со години. Треба да излезе со кампања во весници и со интервјуа во медиуми и да каже, во 2011 година ќе се модернизираат толку и толку вагони, ќе се распише тендер за купување на ДМГ и слично.

Сакам да кажам, топла вода со гидини пушта нашиов министер, добро се сеќавам пред 2 години кога се шеташе низ вагони во Колска и велеше дека ќе ги реконструира сите вагони за 1 година.

Исто така и најавите за патнички гарнитури се веќе прилично стари, министерот одамна го пушти тој муабет, ми се чини прво за 4, па за 2 гарнитури или обратно.

Сепак да нотираме што најавува сега новиот директор Дерковски, со тие 50 милиони евра кои според него биле веќе одобрени:

- 3 нови локомотиви
- 3 нови дизел-моторни патнички гарнитури
- 2 нови електро-моторни патнички гарнитури
- темелна репарација и модернизација на 30 патнички вагони

Барем во железницата не ни недостасувале големи најави кои тотално се изјаловувале, но што ни останува освен повторно да се надеваме и да стискаме палци.

Инаку да прашам (со оглед на тоа дека за локомотивите не е наведено какви, туку само дека се потребни 3) какви локомотиви моментално највеќе недостасуваат? Електрични или дизел? И дали сеуште имаме акутен недостаток на маневарки? Еве познавачите нека кажат какви 3 локомотиви би купиле тие според свое видување.

Originally posted by Cloverstack Исто така и најавите за патнички гарнитури се веќе прилично стари, министерот одамна го пушти тој муабет, ми се чини прво за 4, па за 2 гарнитури или обратно. Сепак да нотираме што најавува сега новиот директор Дерковски, со тие 50 милиони евра кои според него биле веќе одобрени: - 3 нови локомотиви - 3 нови дизел-моторни патнички гарнитури - 2 нови електро-моторни патнички гарнитури - темелна репарација и модернизација на 30 патнички вагони Барем во железницата не ни недостасувале големи најави кои тотално се изјаловувале, но што ни останува освен повторно да се надеваме и да стискаме палци. Инаку да прашам (со оглед на тоа дека за локомотивите не е наведено какви, туку само дека се потребни 3) какви локомотиви моментално највеќе недостасуваат? Електрични или дизел? И дали сеуште имаме акутен недостаток на маневарки? Еве познавачите нека кажат какви 3 локомотиви би купиле тие според свое видување.

Доколку купиме поевтини гарнитури и локомотиви (можеби од руско или кинеско производство), тогаш ќе ни стигнат 50 милиони евра да ги модернизираме и патничките вагони, но доколку сакаме нагибни возови или возен парк од Сименс, Алстом или Бомбардиер, тогаш не сум сигурен дека со 50 милиони евра ќе можеме и да модернизираме 30 патнички вагони.

Доколку јас би одлучувал, тогаш би им дал приоритет на новите дизел локомотиви и нови дизелмоторни гарнитури. Со ова ќе се намалат трошоците за гориво, за поправки и делови, кои најголем дел доаѓаат токму од овој вид на возен парк.

Датум: 08.03.2011, 17:23 МАКЕДОНСКИ ЖЕЛЕЗНИЦИ Нови возови до 2014 година Нови вагони, локомотиви, модернизација и нови пруги, се главни приоритети за инвестирање во "Македонски железници", но наместо тоа, парите одат за изработка на физибилити-студии, јавни набавки за консултанти и огласи за изработка на технички документации, ремонти на "кршот", во чекање на вагоните чија набавка само што не завршила. Секоја година истата приказна за возови што ќе итаат со над 100 на час, а наместо тоа, едвај се крпат старите локомотиви стари и по 40 години. Со години ништо незавршено, со единствено образложение дека постапките се во тек. Додека во светот се инвестира во возови "куршуми" што летаат со над 500 километри на час, кај нас за 60 години е изградена само една пруга и тоа Скопје - Кичево, долга околу 110 километри. Директорот на "Македонски железници" - Транспорт, Оливер Деркоски најавува нови возови до 2014 година. - Во програмата за работа 2010-2014 година се планирани нови и моредни возови. Владата, како наш сопственик, го одобри планот и донесе заклучоци за набавка на нови возни средства. Треба да се набават 5 гарнитури возови, потоа три локомотиви и да се модернизираат 30 патнички вагони. Тоа е инвестиција од 50 милиони евра и сега преговараме со Министерството за финансии од каде да се обезбедат парите. Очекуваме во 2014 година граѓаните да се возат во нови патнички возови - вели Деркоски. (Повеќе за истата тема можете да прочитате во печатеното издание на „Дневник“)

http://dnevnik.mk/default.asp?ItemID=5CC6F62D9F4D9A49B20D14B3F823EC24

Знај некој зошто служи оваа "машина" ? Ми изгледа и прилично нова..











Edited by Danielbtmk - 13-Apr-2011 at 18:57

Денес свечено ќе бидат пуштени во употреба ремонтираните локомотиви и новите вагони на Македонски железници. На свеченоста ќе присуствуваат министрите за финансии и за транспорт и врски, Зоран Ставрески и Миле Јанакиески. Предвидено е да биде пуштена во употреба интегрирана комуникациска мрежа, ќе биде промовиран проектите за осигурување со автоматски пружен блок на делницата Клисура – Гевгелија и на уредите на 14 патни премини на делница Ѓорче Петров – Кичево. Во рамки на посетата ќе биде претставена и модернизацијата и тиристоризацијата на две електро локомотиви направена во „Кончар“ – Загреб, ремоторизацијата и модернизацијата на четири дизел електрични маневарски локомотиви извршена во „Централне Делавнице“, Љубљана. Ќе бидат промовирани 36-те нови плато вагони купени од „Гоша“, Смедеревска Паланка и „Гредељ“, Загреб. Настанот ќе се одржи на ранжирната станица „Трубарево“. Оваа набавка претставува првата поголема инвестиција во македонската железница во последниве 20-тина години.

Извор: Курир