Подземна улица (К.Ј.Питу - Илинденска)

Мицко, цената која најчесто циркулирала во јавноста за коридорот Партизанска-КЈ Питу е токму 80 милиони ЕУР. Така да проценката ти е на место.

Originally posted by The Man Убаво е да се види дека анализата на Cloverstack (која е одлично напишана!) воглавно остана игнорирана од повеќето членови и повторно фокусот на темата се врати на водење на неаргументирани разговори кои што се земаат како да имаат вредност на факти.

Тоа е главен проблемот на овој форум. Суетите на многу од учесниците се толку големи што остануваат слепи пред било кои аргументи кои едноставно се игнорираат. Наместо форумот да се користи како медиум од кој низ дискусија сите ќе научиме нешто, тој се користи за бескрајно препирање, инаетење и одмерување.

И сеуште не разбравме дали Коце и неговите „мега експерти„ барале од Шпанциве нова траса/алтернатива за веќе постоечкиот коридор, во смисла дајте нешто поефтино колку да рекламираме пред избори, или они го избрале овој од десетте предлози/проекти кои биле работени на основа на веќе постоечкиот коридор.
Од тука се раѓа и прашањето како Шпанциве дошле до вакво „зен„ решение кое нема блага врска со тоа што е во Гуп-от, освен придавката „подземна„ сообраќајница.....

Кралееее, нема логика да правиш таква површна споредба, тоа би значело дека луѓето во Скопје, со нивните плати би требало да јадат само леб и маргарин, и зимно време да одат по гаќи, оти нели платите не соодветствуваат на животниот стандард.
Со такви споредби ниеден значаен инфраструктурен проект не би можел да се реализира, а фактите го покажуваат спротивното.

Точно математиката не лаже.

Номиналното ГДП на Македонија е околу 7 пати помало од она на Италија додека ППП е околу 3 пати помало од она на Италија.

Македонија не е Сомалија па да правиме вакви муабети, земјата и те како има сили да тера капитални проекти и во прехтодниот пост ти дадов ПРАКТИЧЕН ПРИМЕР (СК2014) дека тоа е возможно.


Edited by pbanks - 05-Apr-2011 at 14:44

Originally posted by toasumjas ја те разбрав уште предходниот пат . У право си потполно. Него проблемот е што ние за разлика од Италија например неаме право на грешки или шо би рекол народот наш што сме посеале тоа ќе жнееме или што си дробиме тоа ќе сркаме Значи пари имало тоа видовме сите и не треба да се правиме наудрени туку проблемот е квалитетно да се искористат

И со тоа се слагам. Затоа на форумов често има и хистерични реакции за многу теми. Бидејќи сме склони кон капитални грешки, оваа улица би била уште една од тој ранг.

Дали сте ја виделе оваа слика и дали знаете чија е оваа замисла?

@ Fossil
Да, се чини дека си во право за шинскиот коридор 



@ krale
Цело време правиш каша од бројките, а аналогиите ти се максимално нелогични и неприменливи. Ама како и да свртиме, поентата е дека тунелот под плоштад како што е според ГУП и со сите нишани, веројатно би не чинел 50-80 милиони евра. Со оставање простор за најразлични екстра компликации кои во вакви случаи се можни, а тешко предвидливи, еве да земеме максимална граница 100 милиони. Каква врска има со тоа Лион, Сомалија, Јапонија, Фукушима или Чернобил?

Поентата е дека тие 50-100 милиони може да се обезбедат низ 2-3 буџетски години, а без да бидат некакво особено буџетско оптоварување. И уште побитно, поентата е дека ќе бидат многу исплатлива инвестиција дури и на пократки стази, а камо ли долгорочно. Па дури и кога би било неопходно задолжување (а реално не е потребно, освен доколку паралелно не се започнат и други големи инфраструктурни зафати, во кој случај би дал целосна подршка и за задолжување) пак знаеме дека се работи за оправдано задолжување. И не заборавај дека за вакви проекти останува можност за добивање на замашни грантови од разни извори.
Ама во било каков случај, ти пишав една груба математика, која ја изигнорира. Еве ја пак:
Доволно е да погледнеме само низ призма на трошоци за гориво (за кое сме увозно зависни и е огромен дел од нашиот трговски дефицит) и да се види дека тунел со сите нишани според ГУП-от е вистински погодок. 30 илјади возила по два пати дневно да транзитираат низ него и да заштедуваат по пола евро во правец, одбегнувајќи го кружењето и главењето низ постоечките сообраќајници во центарот, тоа се 11 милиони евра годишно. А далеку од тоа дека се сведува на горивото заштедено со тразнит низ тунелот. Заштеди ќе има и на сите индиректно растеретени сообраќајници, не само во гориво, туку и целиот потрошен материјал за возилата, почнувајќи од масло и гуми, па до кочници, свеќички и мал милион други делови. Можеби ти звучи банално, ама кога ќе се помножи со огромен број на автомобили и со огромен број на извозени километри, сумата станува ите како голема. Можеби уште поважна е заштедата на време. Колку потенцијални продуктивно искористени часови се тоа, пресметај сам. И конечно можноста за унапредување на јавниот превоз, со сите свои позитивни страни. Сите овие придобивки се неспоредливо поголеми доколку се изгради тунел според вистинските потреби, отколку некоја импровизација која поврзува погрешни точки, со две ленти, без шински коридор. Таа импровизација во многу ситуации наместо решение за проблемите, ќе биде неизлечив чир на градов, за генерации и генерации во иднина.

А за упорното тврдење дека Илинденска била идеална оска за приклучок на тунелов, или за проценките колкав проток можела да прифати (кои ти се косат со најелементарна логика, математика, физика, одбери си сам), ако не може со зборови, можеби ќе го согледаш проблемот вака попластично, преку едноставни скици. Првата скица е како тоа изгледа според ГУП-от, а втората скица е по твоја мерка, односно се поклопува со она што ни го сервираа властите. Не може да се спори со фактот дека градов (за среќа) има некои логични оски кои во оваа фаза не може вештачки да се поместуваат. При планирањето мора да се држиме во тие рамки, а нивното непочитување секако ќе донесе големи последици.

1


2



Edited by Cloverstack - 05-Apr-2011 at 22:30

50-100 милиони е многу некако широко... зашто па да не биде 10-200 милиони?

Ако површински коп, 2 ленти, кошта 30 милиони, колку кошта 4 ленти што не е површински коп?

МИНИМУМ значи зборам за гол минимум 100 милиони.

Какви 2-3 буџетски години. Со оглед дека Скопје има околу 5 милиони за капитални инвестиции, тоа се 25 буџети.

Лесно ви е вас си цртате линии на гугл мапс - јаките архитекти од гугл мапс. И што си ја прекинал партизанска (зеланата линија)? Спои ја на кружниот тек и ќе си добиеш природен центар на градот (сообраќаен).

Абе човече, државата ќе го финансира (било со емисија на обврзници, било со заеми/кредити/грантови, било како), башка има и ЕУ фондови за вакви работи ако ни се посреќат работите. Што упорно форсираш дека градот треба да го гради? Оние без врска скулптури и споменици ги подарува државата на градот, подарува автобуси и жичарници, сега требало градот да не очекува поддршка од државата за ова? Па меморандум потпишаа, значи со државни пари ќе биде, не со општински.