Евтини летови за сите балкански земји

Се споија „Ерлифт“ и „МАТ ервејз“

Единствениот авион со кој оперираше „Ерлифт“ од вчера и официјално лета како дел од МАТ

Сања Наумовска


Се спојуваат двете домашни авиокомпании „Ерлифт“ и „МАТ ервејз“. „Скајвингс груп“, сопственик на „Ерлифт“, во соединувањето го вложил единствениот авион со кој оперираше компанијата, кој од вчера и официјално лета како дел од МАТ. Според одлуката на германските сопственици, „Ерлифт“ веќе нема да фигурира како субјект на домашниот авиопазар. Одлуката за спојувањето е донесена од економски причини. Ја договориле сопствениците на двете компании пред два дена. Соработката, сметаат од компаниите, треба да резултира со поголема конкурентност на странските компании, намалување на цените на билетите, како и со воведување директни линии за повеќе дестинации низ Европа.

Во иднина МАТ со два авиона ќе ги одржува сите дестинации на кои, всушност, досега се преклопуваа двете компании. Кон некои градови, каде што има поголем интерес, како што е, на пример, Брисел, ќе се зголеми бројот на летовите. Од идната недела, пак, ќе се соопштат и две нови дестинации за кои ќе се воведе директна линија.

„Донесовме одлука ’Скајвингс груп’ да влезе во ’МАТ ервејз’ со учество 50-50. Сметаме дека нема економска оправданост на нашиот пазар да постојат две компании што ќе работат без профит“, вели сопственикот на „Скајвингс груп“, Ајан Џаферовски, нагласувајќи дека во време на економска криза треба да се повлекуваат паметни потези. И покрај згаснувањето на „Ерлифт“, агенцијата „Скајвингс“ продолжува со работа и продажба на авиобилети за летовите на „МАТ ервејз“.

„Бенефит од соработката меѓу двете авиокомпании ќе извлечат и домашните патници, кои треба да се надеваат на пониски цени на билетите, особено од оние што ги нудат странските авиокомпании присутни на нашиот пазар“, нагласува Џаферовски. И понатаму редовно, освен за Брисел, ќе се лета и кон Амстердам и Виена. За Цирих, „МАТ ервејз“ ќе лета шест пати неделно, додека секој вторник се одржува линијата за Копенхаген. Во петок се лета за Берлин и за Хамбург, а во среда и во сабота за Дизелдорф. МАТ ќе ги преземе и летовите на „Ерлифт“ за Рим и за Цирих од охридскиот аеродром.

Спојувањето на двете компании доаѓа откако „Ерлифт“ речиси два месеца функционираше без оперативна дозвола, бидејќи барањето за продолжување до Агенцијата за цивилно воздухопловство е поднесено со задоцнување од половина месец. Компанијата на македонскиот пазар се појави пред две години, во периодот кога згаснуваше националниот авиопревозник МАТ, со амбиција да ги одржува неговите директни линии. „МАТ ервејз“, пак, е формирана со српски капитал зад кој стои „Метрополитен инвестмент груп“, предводена од бизнисменот Дарко Милачиќ. Како стратегиски партнер се јавува и туристичката агенција „Контики“, која работи во повеќе земји во регионот и во Европа. На македонскиот пазар „МАТ ервејз“ се појави лани во јули, а лета со „боинг 737“.

Поранешниот повеќекратен шампион во Формула 1 Ники Лауда ќе ја промовира новата нискобуџетна авионска линија Скопје-Виена-Скопје на која од утре ќе почне да сообраќа авиокомпанијата ФлајНики (FlyNIki), членка на Ер Берлин.

Тој лично ќе пилотира со авионот на ФлајНики кој утре прв пат слетува во Скопје, а со кој е најавено пристигнување на туристи од Австрија.

Австриецот Андреас Николаус „Ники“ Лауда, е сопственик на компанијата ФлајНики која располага со  авионите што ќе сообраќаат на оваа линија. Авионот во Скопје ќе слета во 10.50 часот.

Договорот за нискобуџетската авионска линија и за доаѓањето на австриските туристи го постигна  МакСан Травел, компанија со австриско-македонски капитал, која се занимава со обезбедување туристички ангажмани за странци во Македонија. Од неодамна компанијата воспостави соработка со турски ТАВ, како дел од стратегијата за заживување на македонските аеродроми.

http://kurir.mk/makedonija/vesti/26031-Niki-Lauda-utre-ke-sleta-vo-Skopje