Од светот

САД: три милиони евра за обновлива енергија

	Коментари (0)

Американската влада ќе издвои три милијарди долари за компаниите од областа на обновливата енергија, во настојувањата да ја извлече најголемата светска економија од рецесија.

Новата иницијатива има за цел да финансира околу 5.000 „зелени“ проекти на подрачјето на соларната енергија, на изградба на ветерници и капацитети за производство на биомаса.

Во заедничкото соопштение на министерствата за финансии и енергетика се наведува дека средствата се дел од 787 милијарди долари тешкиот пакет за стимулација на стопанството, одобрен од американскиот Конгрес во февруари.

Производството на струја од биомаса развиените земји одамна го практикуваат, а во поново време ги искористуваат и отпадоците од фармите и од кланиците

Од биомасата и отпадоците од земјоделското производство може да се произведат од 20 до 30 проценти од потребите на електрична енергија во земјава. Во услови кога земјава е енергетски зависна, а околу 30 проценти од потребите за електрична енергија се обезбедуваат токму од увоз, експертите предупредуваат дека крајно време е да почнат инвестициите за производство на таканаречената зелена струја. Македонија има одличен потенцијал за тоа, а може да го искористи и искуствово на развиените земји каде тоа одамна се практикуват, а во поново време тие ги искористуват и отпадоците од фармите и од кланиците.

Најновите светски искуства укажуваат на тоа дека масовно се искористува и кујнскиот отпад од домаќинствата за производство на енергија. Домашните стручњаци укажуваа дека овој отпад има голем енергетски, но и хранлив потенцијал за почвата поради што може да се употреби и во земјоделието.

Професорот д-р Југослав Зиберовски од Факултетот за земјоделски науки и храна се согласува дека кај нас се уште биомасата и отпадоците од земјоделското производство не се користат доволно, иако постојат можности за тоа.
-Сонцето, водата и почвата се енергетски извори кои треба заеднички да се обединат за да му биде добро на човекот-смета професорот Зиберовски и појаснува дека тие се единствениот енергетски извор на кои нашата земја во иднина може да се потпре и затоа сугерира да почнат инвестирањата. Тој предупредува дека овие три извори му се неопходни на човекот и за задоволување на потребите за храна.

Според Зиберовски земјоделските отпадоци влијаат како регенератор на почвата, која по неколкудецениската експлоатација од големите агрокомбинати е буквално истоштена.
-Да се практикува принципот од природата за природата, за да се врати виталноста на земјата, нагласува Зиберовски и додава дека треба да се користат рационално и растителните и животинските отпадоци, односно да се компостира се што може да и се врати на почвата како хранлива материја.

Словенија одамна почна да ја реализира формулата на успехот, искористувајќи се што природата дава како потенцијал, и во делот на подобрувањето на енергетската ефикасност и во зголемувањето на приносите во земјоделското производство. Според Дејан Жидан од словенечката корпорација за земјоделство Панвита, тие имаат интергриран систем, патентиран за производство на топла вода со која се греат големите фарми, тоа всушност е и основа за производство на зелена струја, но и на хумус.
-Со инвестиција од 6,7 милиони евра имаме две електрани, од кои големата произведува 11 милиони киловат-часови, вели Жидан. Тој појаснува дека таму имаме објекти за стерилизација на отпадоците од кланиците и од големите фарми, односно се што доаѓа од кланиците се преработува во супстрат.

Новата постројка е ставена во функција пред две години. Таа произведува само струја и тоа од пченкарна силажа и од ѓубрива. Според Жидан во неа годишно се произведуваат 6,5 милиони киловат-часови електрична енергија - зелена струја.

Кина гради џиновска соларна електроцентрала

Количеството на произведена електрична енергија ќе биде доволно за задоволување на потребите на дури три милиони домаќинства во Кина

Американската компанија „Фрст солар“, со седиште во Аризона, објави дека со Владата на Кина потпишала меморандум за разбирање, според кој, ќе гради соларна електроцентрала со капацитет од два гигавата. Електроцентралата ќе биде градена близу до градот Ордос во кинеската покраина Внатрешна Монголија.

- Изградбата на електроцентралата на соларна енергија е предизвикана од резултатот од прогресивните мерки на кинеската енергетска политика, чија цел е да создаде одржлив, долгорочен пазар за иднината на Кина, која ќе ја обележи соларната енергија и ниското ниво на емисија на јаглендвооксид, изјави по потпишувањето на меморандумот извршниот директор на „Фрст солар“, Мајк Ахерн. Притоа појасни дека соларната електроцентрала во Ордос ќе биде завршена за 10 години.

Со првата фаза се предвидува проект за изградба на постројка со капацитет од 30 мегавати, чиј почеток се планира до 1 јуни идната година. Во втората, третата и четвртата фаза е предвидено зголемување на капацитетот за 1.000 мегавати. Предвидениот рок за завршување на втората и на третата фаза е 2014 година, додека завршната фаза се планира за 2019 година.

Кинеската страна, исто така, е задоволна со претставениот проект и од партнерството со лидерската компанија во светот на подрачјето на технологијата во секторот на соларната индустрија. Кинезите сметаат дека станува збор за проект од голема важност за иднината на Ордос, кој ќе резултира со ниска емисија на јаглероддиоксид, додека количеството на произведената електрична енергија ќе биде доволна за задоволување на потребите на дури три милиони домаќинства во Кина. Цената на целиот проект треба да изнесува пет до шест милијарди долари.

Анализирајќи го влијанието на изградбата на соларната електроцентрала врз кинеското стопанство, се предвидува вкупниот резултат да биде поволен, бидејќи тој проект на американската компанија, но и на сите останати, отвора голем простор на досега практично затворениот кинески пазар, додека од друга страна во Кина, која веќе е познат и етаблиран производител на соларни панели, ќе биде отворена уште една фабрика.

Со проектот задоволни се и еколозите. Имено, на почетокот на 2008 година во рамките на радикалниот пресврт кон обновливите извори на енергија, кинеската влада пред себе си постави задача да достигне 5000 мегавати инсталирана сила во обновливи извори на енергија до крајот на 2010 година, но набрзо тој број е зголемен на 10.000 мегавати, за годинава да постават нова цел од дури 30.000 мегавати инсталирана сила.

Имено, најмногубројната земја во светот, мака мачи со резервите од фосилни горива, но и со загадувањето во големите градови, па поради тоа одлуката на кинеската влада за изградба на електроцентралите наиде на одобрување од експертите кои се залагаат за искористување на обновливите извори на енергија. Треба да се напомене дека американските експерти им понудија на Кинезите и систем на електроцентрали на ветер, кои се исклучително популарни во САД и никнуваат низ целата држава. На кинеската влада Американците им предложија изградба на електроцентрали на ветер кај градот Дунхуанг во пустината Гоби со инсталирана сила од 10.000 мегавати.

Ако се реализира тој проект, таа електроцентрала би била најголема електроцентрала на ветер во светот. Но, освен таа на истата локација е најавена градба и на соларна електроцентрала со сила од 10 мегавати, како и концентрирани соларни електроцентрали, засега со непознат капацитет.

Единствен проблем и можна пречка во тој потфат за изградба на проектот е фактот дека брзината на изградбата на електроцентрала на ветер во Кина ја надминува брзината на изградбата на преносната мрежа и постои можност за појава на проблем во реализацијата на големите планови. Уште еден важен проблем за кој се' уште не е пронајдено решение се и песочните бури, кои секоја пролет го погодуваат подрачјето на пустината Гоби.

Северен поток почнува да се гради на 9 април

Изградбата на долгоочекуваниот гасовод Северен поток од Русија до Германија по дното на Балтичко Море, официјално ќе почне на 9 април, соопшти конзорциумот на Северниот поток. Изградбата на гасоводот долг 1.244 километри би требало да чини 7,5 милијарди евра и може да почне поради тоа што конзорциумот успеа да ги обезбеди и последните пари што недостасуваа.

Кредитот од 3,9 милијарди евра за изградба на цевководот го обезбедила од 27 банки од Германија, Франција, Велика Британија, Шпанија и Јапонија.

Низ првиот крак гас би требало да потече кон Германија веќе кон крајот на 2011 година, а завршетокот на вториот крак е планиран за 2012 година. Секој од нив од Сибир во Европа ќе испорачува 27,5 милијарди кубни метри гориво годишно.