Плоштад Мајка Тереза

Четири плоштади ќе добијат имиња

Покрај Скендер-бег, свој плоштад ќе имаат и Мајка Тереза, пресвета Богородица и ВМРО

Една нова улица и четири новоформирани простори ќе добијат имиња, додека еден пешачки мост и две постојни улици ќе бидат прекрстени. Подземната сообраќајница што допрва ќе се гради под Кејот „13 Ноември“ ќе се вика улица „Св. апостол Павле“, а пешачкиот мост „Око“, кој ги поврзува Кејот и новата зграда на Археолошкиот музеј во иднина ќе биде Мост на цивилизациите во Македонија.

Ваква одлука треба да донесат градските советници на седницата в петок, на која, меѓу другото, ќе треба да одлучат и за именување на четири плоштади. Така, просторот пред црквата „Рождество на пресвета Богородица“ ќе биде плоштад „Пресвета Богородица“, оној околу споменикот на Скендер-бег ќе се именува во плоштад „Скендер-бег“, додека средишниот простор меѓу објектот во изградба на ВМРО-ДПМНЕ и неколку други постојни објекти и улицата „Даме Груев“ ќе се вика плоштад „ВМРО“.
Просторот, пак, кој се формира помеѓу објектите на МОБ, на Филхармонија и неколку новоизградени објекти како оној на АЕК, на Управата за финансиска полиција и МНР во иднина ќе го носи името на Мајка Тереза.

Истовремено, ќе се изврши и преименување на две улици и тоа досегашната „Руди Чајавец“ ќе биде прекрстена во „Методија Шаторов Шарло“, а „Владимир Комаров“ ќе стане улица „23 Октомври“.

Одлуката за именување, која треба да ја донесат градските советници, е обврска на Град Скопје според Законот за определување имиња на улици, плоштади, мостови и други инфраструктурни објекти. Имињата се утврдени со Листата на имиња, која градскиот Совет ја усвои уште во мај минатата година по претходно добиена согласност од Владата.

http://www.utrinski.mk/?ItemID=DCD7E4B6D131144985714ACF0C55F5A6

Edited by Џоле - 14-Oct-2013 at 09:00

Мајка Тереза та Мајка Тереза. А цел град да го прекрстиме во Мајка Тереза Сити? Оти недостојно е само плоштад, 100 споменици, булевар, музеј и што уште не за таква величина.

Originally posted by kire85 Originally posted by zabegan да де, Мајка тереза... не дека тоа е платото на МОБ кое нема ни потреба од име, затоа што е плато пред објект, а не плоштад... воопшто нема ни карактеристики на плоштад, ама ај не е битно... како и обично, именувањето е најголем приоритет пред се... стално ќе си патиме од ова очигледно Па сигурно нема да го остават така како плато кога ќе се завршат градбите...целиот тој простор и онака плаче за реставрација, па штом и име му дале биди сигурен дека од плато ќе се пренамени во плоштад.

нема везе тоа како изгледа платото, влезно плато си е влезно плато... ти ако сакаш и булевар викај го, не менува ништо
исто така не менува ништо доколку го заградат со објекти... не е секој рамен празен простор плоштад, како што љубат да мислат нашите „урбанисти“
ама кога успеваат да именуваат автопати по историски личности, не знам што очекував

Да не е можеби дел од Колонадата која се гради во близина?

Колонадата е помеѓу тортата на обвинителството и велелепната зграда на АЕК, а не овде кај МНР.

Ова што се гледа на сликата со голема сигурност би рекол дека е дел од подземната гаража.

Edited by marko.kostoff - 29-Jan-2014 at 20:08

WTF

Кога се има пари и кога се брза чуда се можни. Мислам дека можеме побрзо и од Кинезите само ако се плати.

Само да не слупаат повторно некој нејзин споменик, затоа што како тргнало на секој чекор ќе ја гледаме. Одличен начин да се прослави нејзиното дело.

samo neka imaat sreka da go unistat i MOB

Тоа што има подземна гаража и бетон не претставува никаков проблем при поставувањето на зелена површина, на плоштадот од Интернационалниот бизнис центар во Москва има одличен пример за поставување на зелена површина и тоа на скалилата од плоштадот, а во горниот дел (кој што е предвидено да биде завршен до Септември оваа година) е предвидено да има и дрвореди.