Сообраќајно решение за Порта Аеродром

Дали стварно е исправно решение кружен тек за оваа локација?? Мене некако не ми изгледа дека е така, од причина што Фрањо Клуз треба да е идната врска со Кисела Вода и припаѓа на секундарната патна мрежа во Скопје со тенденција да припадне во примарната сообраќајна мрежа. А другите две улички се споредни и се дел од терцијарната патна мрежа. Кружен тек би им дал значење на сосема погрешен начин и би допринел до загушување на големата раскрница. Ама па од друга страна што воопшто па е решение за оваа раскрсница?! Можда укинување на можноста за свртување лево би било решение. Мала жртва за локалното население, а голема придобивка за макроскопската слика за градскиот сообраќај. Ваков режим би допринел значајно.

Originally posted by user8642 Еве што е решението: - Тотално да се откине можноста за проаѓање помеѓу улиците Симеон Кавракиров и Руди Чајевац. Улиците да останат исклучиво за локален сообраќај. Со ова драстично ќе се зголеми и безбедноста во самите маала. Ова е веќе направено со многу улици на Партизанска и Илинденска и нема никаква штета. - На сметка на дворот на школото да се помести тој ghost-road кракот што е сега стои во слепо и да се спојат Симеон Кавракиров и западниот крак од Фрањо Клуз се до булевар 3-та Македонска Бригада. - Изгубениот влез за маалото околу Руди Чајевац да се надомести со нова раскрсница и влез од кај улица Пандил Шишков. Оваа врска веќе постои, но да се крене на ниво на семафоризирана раскрница со потполна достпаност. - Фрањо Клуз да се оформи како што е според ГУП, дел од секундарна патна мрежа, со 4 ленти од булевар Јане Сандански до булевар 3-та Македонска Бригада. - Остатоците од улиците, слепите краци да се оформат како паркинзи. И ако може дискусијава да ја преместат администраторите во соодветна нишка, зашто вака ќе се изгуби муабетов непотребно помеѓу поситни изборни глупости.

Одлична идеја!

@ user8642

Целосно си во право за кружниот тек.

Твојот предлог е во склад со ДУП-овите и секако е неспоредливо подобар отколку да се изглупираме со кружен тек, но сепак е решение со многу недостатоци. А не велам дека има подобро решение од твоево. Во оваа фаза (откако веќе се насадија десеткатници на местото на секоја барака и на секој празен простор) веќе е доцна за добро решение

Еве конкретно кои се главните проблеми на решението како што го имаш зацртано (и како што е во ДУП-овите):

1. Уличката што ги поврзува Руди Чајавец и Пандил Шишков е тесна и згужвана. Несоодветна е за да го прифати целиот сообраќај од/кон Руди Чајавец.

2. Гореспомнатата уличка се поврзува на Пандил Шишков во непосредна близина на крстосницата помеѓу Пандил Шишков и планираниот нов булевар. Тука ќе имаме две крстосници меѓусебно оддалечени 20-30 метри и сите проблеми што произлегуваат од тоа. Значи слично како ситуацијата што сега ја има кај Порта Аеродром.

Edited by Théoden - 21-Oct-2021 at 14:53

Страв ме фаќа само дека "како жути мрави" ќе го нагриза и овој коридор урбаната мафија. И еден ден ќе се најде некоја паметна власт што ќе рече, ете готово е, па многу пруги има, прескапо е решавањето, многу има експропријација, дајте да го избришеме од ДУП. Така сме виделе овие 15-тина години со Крушевска Република, со Јужна Обиколница, со Јужен Булевар е на пат да се случи, со врската Пролече-ЗОИЛ, со еден куп клучни улици по Скопјево.

Фрањо Клуз е една од поефтините решенија за Скопје во овој момент. Паметна власт ќе го почне уште одма. Ако еве Заев е спремен со Шилегов уште утре да почнат процедура и како власт да го истуркаат овој проект независно од тоа што ќе се случи на локалните избори, сигурен сум дека на следните билокакви избори нема да треба со кисела фаца да објаснува дека била примена пораката, него уште во прв круг ќе спие мирно. И тоа важи за секоја власт, и за секоа овакво запоставено решение со огромен потенцијал. Да не ги набројуваме, ама кај се 15-ти Корпус-Ченто на пример, мост Вардариште, мост Лепенец Бардовци - ДамеГруев. Све се ова брзи ефитини решенија, а не ги есапат ни под разно.

Edited by user8642 - 21-Oct-2021 at 19:59

Не знам дали ќе се реализира најавата за кружен тек но потребно е решение за оваа раскрсница сега со отворањето на Порта и ГА 09 хаосот се зголеми + и многуте новоотворени локали кои само го зголемуваат проблемот.