Населбата Баби е локацијата, каде ќе се градат становите за АРМ

„Во рамките на проектот ’АРМ мој вистински дом’ и во Штип ќе се градат станови за офицери, подофицери и платени војници. По спроведената анкета помеѓу вработени во касарната „Јане Сандански“, за најдобра локација за изградба на становите избрана е населбата Баби“, рече Коњановски.

Тој додаде дека веќе од утре ќе се спроведе и анкета помеѓу вработените, со цел да се изјаснат дали сакаат да си купат станови, по веќе утврдените критериуми.

Градоначалникот на општина Штип, Зоран Алексов образложи дека локацијата во Штип е всушност помеѓу двете најголеми населби Сењак и Баби, а во текот на наредните денови ќе се почне и со промена на детален урбанисти план.

„Досега АРМ на општина Штип и има дадено помош во многу наврати и затоа одлучено е да не се наплатат комуналиите од страна на општината за реализација на проектот ’АРМ мој вистински дом’“, вели Алексов.

Тој образложи дека комуналиите, кои треба да ги наплати општината и не се така големи, а со изградбата на овие станови всушност им се помага на оние кои секогаш својата поддршка ја имаат дадено на градот Штип.

Извор:

Станови за војниците, многу скоро- Коњановски во интервју за Канал 5                                                                                                                                       Во интервјуто со Миомир Серафиновиќ, министерот го кажува и тајмингот кога ќе почне реализацијата на проектот за решавање на станбеното прашање на офицерите и војниците.

Штип - Општина Штип денеска издаде градежна дозвола за изградба на деловно-станбен објект во населбата „Сењак".

Портпаролот на општината Милена Ристова-Михајловска вели дека по две години општината ја издава првата градежна дозвола за изградба на станбено-деловен објект.

- Станува збор за 12 катна станбена зграда, во која се предвидени и деловни објекти, информира Ристова-Михајловска.

Фирмата „Нико 2002" државното градежно земјиште го купи по пат на лицитација во Министерството за транспорт и врски, а за комуналии на општина Штип треба да и уплати околу 560.000 евра.

Се гради станбено деловен комплекс во Штип

Во населбата „Сењак 3“ во Штип денеска  беше поставен камен темелник за изградба на  голем станбено-деловен комплекс, инвестиција од 10 милиони евра на  фирмата „Топ инвест“’.

- Објектот е со површина од 25.000 метри квадратни и ќе биде нешто најголем во Штип. Зградата на 13 ката ќе има 150 станови и 10 апартмани, 4.000 метри квадратни деловен објект и на два ката катна гаража за возилата. Инвестицијата ќе достигне околу 10 милиони евра, кои ги имаме обезбедено. Објектот ќе се изгради без никаква пречка навремено и ќе биде нешто најубаво за Штип, изјави Димитров.

Според него, веќе се склучени купопродажни договори со 19 лица.

Земјиштето за комплексот е купено минатата година по пат на лицитација во Министерството за транспорт и врски, а подготвителните работи за изградбата на објектот се одвивале во изминатите шест месеци.

Штипскиот градоначалник Зоран Алексов оцени дека со поставувањето на камен темелникот на комплексот од фирмата „Топ-инвест“ почнува и градежната офанзива во Штип - На есен веќе е најавен и почеток на изградба на уште две станбени згради, а во Штип согласно развојот моментно му се потребни околу 1.000 нови станови, рече Алексов.

Тој додаде дека интерес за градење нови станбени згради има од страна на инвеститорите, но проблем се урбанистичките планови, а за кои треба подолг временски период да се решат.

Денеска фирмата ТОП ИНВЕСТ излезe со понуда за купување на станбен простор каква  досега ни една компанија во градежништвото нема понудено.

Понудата се состои од продажба на станови на 60 месечни рати, односно на отплата на 5 години БЕЗ КАМАТА.
Што вели Топ понудата .Ако купите стан со просечна површина и што би чинел  40.000 евра, потребно е да дадете учество од 20% или 8.000 евра. Остатокот за исплата на рати ќе Ви биде 32.000 евра. Месечната рата  би Ви изнесувала 533 евра.Ако земете кредит од банка со минимална камата за станбен кредит која во овој момент е во просек 7% ќе треба на банката да платите 2.240 евра годишна камата, или за 5 години на банката ќе треба да платите 11.200 евра камата. Трошоците околу вадење и одобрување на кредит, барање жиранти и оставање друг имот под хипотека Ви се секако трошоци плус на овој износ.Со оваа понуда сите трошоци и комплицирани процедури се отфрлаат, одбирате стан, се потпишува  договор кај нотар и со плаќањето на последната рата добивате сопственост на станот.Која е причината што ТОП ИНВЕСТ излезе со ваква понуда?
Фирмите кои се инвеститори на овој објект  РОБИ ТЕЛЕКАБЕЛ и НИКО 2002 имаат обезбедено сопствени  сретства да го изградат објектот до крај. Значи, не зависат од кредити и банки и не чекаат како другите градежни фирми - да купи некој стан па со тие пари да продолжат со градбата.
Потенцираме дека со оглед на фактот што ТОП ИНВЕСТ има 11.200m2 станбен простор за продажба, оваа понуда на потенцијалните купувачи би и  заштедила само по основ на камати од Банките, неверојатни 2.940.000 евра. Веќе ја имате најдобрата понуда во Македонија, го имате најубавиот станбен простор во Штип, Ваше е само да одлучите каде ќе ги инвестирате Вашите пари!-Велат Роберт Димитров сопственик на Роби Телекабел и Ацо Николов, сопственик на Нико 2002, чиј заеднички проект е Топ инвест.