Прилепски сообраќај (општо)

Дали некоја од улиците каде што си ја вцртал границата на строгиот центар исто така би ја сместил во поважни сообраќајници?

Прво за @Clover,ни една од улиците што сум ги вцртал(со црно) за строг центар не би можело да се вброи во важни сообраќајници.

Кога го гледам Прилеп на гугл рт се наѕираат само нејасни и многу фрагментирани контури на некоја идна поефикасна сообраќајна мрежа. Штета што го немаме генералниот урбанистички план на градот, но мислам јасно е дека за дооформнување на мрежата ќе треба доста да се руши и реорганизира.

Добро е што велиш дека засега нема некоја голема гужва, па функционира и вака, но за во иднина секако треба да се мисли.


Инаку конкретно би те прашал дали има и кои се критични точки во моментов и што би сменил ти лично?

Јас иако сум возел неколку пати низ Прилеп, немам осет каква е ситуацијата... Од мапата што ја приложи во очи ми упадна дека улиците со поголем капацитет се испрекинати, па би те прашал дали има логика и услови да се оди на проширување на некој од сегментите што ги имам обележано со 1 и 3 на долнава слика, како би се дооформил прстенот, или барем сегментите 2 и 3?

Пуштена во употреба новата асфалтираната ул.„Егејска“
Новата улица е со површина од околу 4.500 матри квадратни, со должина од околу 600 метри за што Општина Прилеп издвои околу 50 илјади евра за нејзино асфалтирање.


две слики од улицата





Edited by ovaj_stariov - 19-Aug-2009 at 17:13

Ја постирам веста и тука заради новото сообраќајно решение.
Еве и координати на раскрсницата:
41°20'52.06"N
21°33'23.19"E

Споменичен комплекс "Карпалак" - симбол на новото време                Споменичен комплекс "Карпалак",, посветен на загинатите бранители во конфликтот во 2001 година, ќе никне во центарот на градот, кај крстосницата на улиците "Васко Карангелески", булеварот "Гоце Делчев" и улицата ,,Јоска Јорданоски,,. Репрезентативниот меморијален објект ќе биде со десет столбови високи 15 метри кои ги симболизираат десетте животи на загинатите бранители. На врвот на споменикот ќе има топка (симбол на новиот век) со дијаметар од 3,5 метри изведена од челични прстени. Отворите на топката, обложени со бел плексигалас, ќе ја пропуштаат делумно светлината од рефлекторите поставени во неа. Челичната конструкција ќе биде премачкана со електростатска боја. Со својата форма и конструкција ќе претставува симбол на новото време. Платото околу споменикот односно средишниот остров од кружниот тек ќе има зеленило. Според основниот проект, изработен од ЈП за ПУП, предвидено е да има и кружна фонтана со дијаметар од 5 метри и со десет млазници со воден столб висок до шест метри. Ѕидовите и дното на фонтаната ќе бидат украсени со мозаик од керамички плочки. Ќе има заштитен прстен околу фонтаната од гранитни плочки, а околу него прстен од трева. Третиот прстен треба да биде поплочен со гранитни коцки, а останатиот дел од островот затревен и заграден со бетонско ѕидче. Со партерното уредување предвидени се и десет полукружни клупи, осум кружни цветни градини и два паркинг плаца со 46 паркинг места. Постојните плочки треба да се искорнат, да се стави травертин и бекатон плочки. Исто така треба да се отстрани и постојната фонтана и жардињерите.Заради започнување на градежните работи за изградба на споменичното обележје Карпалак ќе биде пренасочен и сообраќајот на овие улици од недела па се додека завршат активностите.

http://kanalvizija.prilep.net/index.php?option=com_content&view=article&id=300:-qq-&catid=40:2010-07-16-07-33-54

Датум: 26.11.2010, 09:29 Се уредува кејот во Прилеп Запуштениот дел од центарот во Прилеп ќе се уредува со отворање на уште една кејска улица, која ќе служи за растоварување на сообраќајот на улицата Андон Слабејко. Поради тоа, локалните власти соопштуваат дека ќе се уриваат просториите на сервисните и на други времени деловни објекти. - Ќе се пробива десната страна од речното корито од мостот кај автобуската станица до мостот „Димо Наредникот“. Тоа е значајна сообраќајница. Се продаваат 850 квадратни метри, поделени во пет плаца, на местото на објектите што ќе се уриваат. Атрактивните парцели, од 120 до 200 квадратни метри, се наменети за угостителско-трговски деловни простори. Ќе се наддава со почетна цена од 3.400 денари за квадратен метар - велат од локалната самоуправа. Со овој зафат локалните власти го реализираат детаљниот урбанистички план во центарот. (Љ.М.)

http://dnevnik.com.mk/default.asp?ItemID=52DAC0114A7A09458879EA7DBC093916

ОС, знаеш од каде е набавено возилото?

Автобуската во Прилеп -дај Боже шо побрзо нова да средат ,овде е страшна гужва ако паркираат 3 автобуси наеднаш + дивите таксисти на улицата

Поглед од 'пероните'

И од катната гаража до неа

Инаку,споменикот на Карпалак е поставен,работниците нешто доправаа околу него ,во брзањето немам слики

Edited by Тркало - 28-Mar-2011 at 02:57

Има проект за нова автобуска станица во Прилеп, на нова локација близу до железничката станица:
http://www.build.mk/forum/forum_posts.asp?TID=422


@ N23
Не знам дали си бил на автобуската во Прилеп 
Нема таква шминка која може да ја оправи. Пред се се работи за потполно пропаднат објект кој одамна требало да биде срушен. Всушност уште од дете ја памтам оваа автобуска дека била во ужасна состојба. Покрај поминатите 2+ децении од тогаш, сега со реорганизацијата на просторот во околината има и дополнителен просторен и сообраќаен проблем. Фала богу што има план и можности станицата да биде дислоцирана, само да не се одолговлекува понатаму.

За Љубљана не знам точно какви се околностите, но на Словенците секако можеме да се угледаме за многу други работи, не мора баш за тој конкретен пример. Добро вклопена и максимално функционална автобуска станица дефинитивно е потреба за град со големина на Прилеп. Таман работа да штедиме и да импровизираме за вакви работи, мислам дека во ова време на огромни трошоци за неприоритетни па и за неразумни проекти, заштеди треба да бараме таму, а не кај основната инфраструктура.

Ново уредување по струмички тип за островот меѓу лентите на улица Димо Нареднико' во Прилеп.(Ова е пред семафорите на пресекот со Моша Пијаде).