Надградба на Министерството за транспорт

Originally posted by Мартин Originally posted by Bojan10 Чија ли мрачна замисла беше претходното Скопје, такво убаво прекрано... Кој е виновен што Скопје изгледаше како источноблоковска припиздина. А, како во твоите очи изгледа Скопје денес?

Скопје е налудничав, грд, кичест град. Од една страна поделен необразован или полуобразован народ со своја недефинирана архитектура, од друга страна племе со освојувачки походи и градби соодветни на нивното знаење и цивилизацкиска положба.
Скопје е град за потсмев во учебници за архитектура и полупријатно место за живеење.

Скопје денес несомнено од естетска гледна точка е поинтересен град отколку во 90тите. Има и некои работи кои не се во проектот Ск2014 а исто така го надополнуваат градот. Направени се некои молови, спотски сали, тренинг комплекси, Филип 2 итн. Скопје напредува во некои работи, во некои назадува. Напредокот и назадувањето се резултат на трендовите кои ги воспоставува власта и нејзините политики, но и на народот кој, јбг, ќе му треба уште многу време да го еволуира во своите практики, размислувања, однесување, култура за да го утврдат Скопје како град во секоја смисла на зборот. Секако да не заборавиме дека Скопје е главен град на изолирана, затворена држава које нема 2мил ж. Балансот помеѓу отвореноста на Македонија спрема цивилизираните градови и демографска сигурност е формула од милијарди долари. На некои луѓе не им е доволно Скопје си заминуваат од него, има некои препознаваат потенцијал и се обидуваат некои работи од надвор да донесат во Скопје.

Скопје е единствен град во Макеоднија кој ги задоволува сите потреби , колку толку, на градски живот и како таков ја голта Македонија.

ЕДИТ: Впрочем што е Сопје? Дали се градбиве на ж кои се урбанистичко злодело и естетски кич, дали се ѕидините во Чаир,Ченто, Сингелиќ, дали брутализмот кој нормален човек не би го посадил во свој двор, дали широките булевари, дали Водно, дали Градски парк, дали,...
Луѓето го прават градот. И ж да не е сељак како што е, се и да е диктатор, вака не би изгледал градот. Албанците да не се зацементирани во еволуцијата Чаир и Ченто не би изгледале така итн. итн.
Кој нема сила да излезе од Македонија Скопје е нужно зло за колку толку нормален живот, ако може да ги поднесат тие 2-3 месеци смог и загадување.

Edited by Bojan10 - 16-Aug-2016 at 10:02

Инаку, утрово видов дека зградава добила огромен екран на десната страна од фасада. Ќе сликам утре ако можам.

Originally posted by Џоле Ова што блеска е екранот, не знам зошто фоткава излезе вака, иако сликав со мобилен телефон што има добра камера.

Добро, ако веќе морало и тука да има дисплеј, нели можеше да го постават на тоа кршот десно, каде што нема прозорци?
Ај на некој му текнуваат вакви работи, ама до толку осет да се немало.

Секое утро ја гледам истава глетка:



фото: Џото (твитер)

Ова со екраните на плоштадите е класичен вид за ширење на мизерна пропаганда. Не знам колку е познато но слична идеја имал Хитлер своевремено, само што тогаш технолошки не било баш изводливо.

A portal to an alternate reality........

Генијално решение е билбордов преку прозорци.

фото: tom s (flickr)

Originally posted by mr bombastic Зошто сеуште не се тргнати скелињата долу, нели требаше уште јуни да биде се готово, не ми е јасно како може толку години да се влечкаат со објектов и пак крај му нема

Искривена била трасата на скелињата и тоа ќе сакало дополнителни сериозни зафати.....

Фасадата нема допирни точки со барок, ама нека им е...

Барокот проблем Транспорт да се всели во реновираната зграда

Реконструкцијата на зградата на Министерството за транспорт и врски кое траеше седум години е во завршна фаза. Од Министерството велат дека зградата е завршена и опремена, но за да биде вселена е потребно уште да се изврши технички преглед и да се добие одобрение за употреба. Дополнителен проблем е одлуката на општина Центар за стопирање на сите досега донесени Детални урбанистички планови (ДУП) меѓу кои и оној за Мал ринг.

-Согласно законските прописи, ќе се завршат сите потребни процедури па откако ќе се даде одобрение за употреба, ќе се изврши и вселување во реновираната зграда – велат од Министерството за транспорт.

Одобрение за употреба, според Законот за градење, треба да издаде посебна комисија која ја формира министерот за транспорт и врски од повеќе ресори. Кога ќе се формира комисијата, од Министерството за транспорт не откриваат.

Дополнителен проблем е и одлуката на Советот на општина Центар со која се стопираат сите детални урбанистички планови во општината, меѓу кои и оној за Мал ринг, во кој се изградени и планирани сите објекти од проектот „Скопје 2014“. За оваа одлука во меѓувреме е поднесена иницијатива до Уставниот суд.

Од Министерството за транспорт велат дека ќе се почека и на одлуката на Уставен за да бидат целосно задоволени законските барања.

Реновирањето на зградата на Министерството за транспорт и врски започна на крајот на 2011 година и требаше да биде завршено за една година, но поради низа измени во текот на изведување на работите траеше до сега. Претходното раководство на Министерството за транспорт, неколкупати се правдаше дека реконструкцијата доцни поради проблем со статиката и поради проблеми со темелите на објектот.

Во план е покрај Министерството за транспорт и врски, во старо-новата зграда да се смести и Државниот инспекторат за градежништво и урбанизам, Државниот инспекторат за транспорт, Државниот комунален инспекторат и Агенцијата за сигурност во железничкиот систем.

На овој начин, како што беше првично планирано, ќе се овозможи сите сектори и органи на ресорот транспорт и врски да бидат на едно место, наместо како што е сега на повеќе локации во Скопје.

Реконструкцијата на зградата ја изврши градежната компанија „Бетон“ и до сега за тоа се потрошени речиси 6 милиони евра. Зградата беше темелно реконструирана и доградена со два ката во барок стил. Доградениот објект се простира на површина од 4.580 квадратни метри.

http://www.plusinfo.mk/vest/139065/barokot-problem-transport-da-se-vseli-vo-renoviranata-zgrada