Реставрациja / Реконструкциja

Истражувања за реконструкција на Римската терма во Банско

Програмата опфаќа детални археолошки и статистички истражувања

СО ГРАНТОТ ОД АМЕРИКАНСКАТА АМБАСАДА

Даут пашин амам ќе се реставрира

Градежните работи ќе се изведуваат во три фази, а во првата ќе се изврши заштита на амамот од влага. Националната галерија на Македонија и Американската амбасада денеска ќе го официјализираат договорот за грантот во висина од 60 000 долари

Со грантот од Американска амбасада во Република Македонија во висина од 60 000 американски долари наскоро ќе започне санација на Даут пашиниот амам, историски монумент и одличен пример на исламската архитектура и култура. Овој објект, лоциран на влезот во Старата скопска чаршија во кој е сместена и Националната галерија, во наредните две години целосно ќе се реставрира, санира и конзервира. Националната галерија на Македонија, во чија надлежност е објектот и Американската амбасада во Република Македонија денеска ќе потпишат договор со кој ќе се официјализира грантот.
-Проектот ќе се одвива во три фази. Првата која треба да започне од 30 септември ќе опфати санација на објектот од влага што во моментот е и најгорлив проблем. Испитувањата се веќе извршени и најдоцна за една година би требало да завршат градежните активности, вели Маја Крстевска, директор на Националната галерија.

Донацијата од Американската амбасада ќе ги покрие трошоците за градежните работи чија цел ќе биде отстранување на влагата од овој објект. Исто така ќе се изврши и чистење и отстранување на деградираните површини. Градежните работи предвидуваат и заштита од капиларна влага, санација на покривот од бакарен лим, поставување на дренажен канал и друго.
Во денешното свечено потпишување на грантот ќе учествуваат Министерот за култура на Република Македонија, Елизабета Канческа Милевска, Амбасадорот на САД, Филип Рикер и директорката на Националната галерија на Македонија, Маја Крстевска.

За амамот на Даут паша
Даут-пашиниот амам е изграден од пашата Даут во втората половина на 15-от век. Објектот оригинално бил поделен на машки и женски дел и покривал простор од 900 метри квадратни. Во 1948 амамот е реставриран и адаптиран за неговата нова функција- уметничка галерија. Редизајнот на ентериерот е направен меѓу 1982 и 1999 година.

Првата перманентна поставка на галеријата, од 1951, вклучувала македонски икони (од 14-ти до 19-ти век), копии на стари фрески и модели од средновековни македонски цркви, како и дела од првата генерација на македонските современи уметници од пред Втората светска војна и уметници од поранешна Југославија. Сегашната постојана поставка била поставена во 2001 година, како ревија на развојот на македонската ликовна уметност од 14-ти до 20-ти век.

(Д.Т.)

ЗА ДА ГО ДОБИЕ АВТЕНТИЧНИОТ ИЗГЛЕД

Пионерскиот дом пожолте

Фасадата се реставрира во нејзината автентична боја, односно во три ни­јан­си на жолто. Темножолта боја се ѕидовите, а со посветли тонови ќе се бојосуваат капители на прозорците и за венците, кои се декор на фа­са­да­та

„Состојбата со оштетениот фрескоживопис е алармантна“, изјави архитектот Мирка Илоска

Златкова кула ќе се обновува со 239.850 евра

Објектот треба да се вклучи во процесот на одржлив економски развој во регионот