Индустриски објекти и зони (општо)

Државата продава повеќе локации за изградба на винарии

Преку повик на Министерството за транспорт и врски денеска се огласени 12 парцели во Кавадарци, 21 парцела во Неготино и осум во Росоман, по почетна цена од евро за метар квадаратен.

Пријавите за наддавањата во Кавадарци може да се достават до 26 октомври, за во Росоман до 27 октомври, а за Неготоино до 28 октомври, сите во Министерството за транспорт и врски. 

Наддавањето  за парцелите во Кавадарци ќе се одржи на 4 ноември, а за тие во Неготино и во Росоман на 8 ноември.

За евро квадрат и уште евро и половина комунална такса се продава урбанизирана парцела во Кадино од околу 7300 квадрати намена за изградба на лесна и незагадувачка индустрија или сервиси и стоваришта. Продажбата ја објави Министерството за транспорт и врски преку електронско јавно наддавање кое ќе почне на десетти идниот месец во 11 часот. Пријавите за учество на јавното наддавање можат да се достават до 2 ноември на адресата на Министерството за транспорт и врски, ул. Црвена скопска општина" или директно во писарницата на Министерството.

Јавното наддавање ќе се одржи електронски на интернетската страница www.gradezno-zemjiste.mk

На денот на одржување на електронското јавно наддавање учесниците пристапуваат на интернетската страница со корисничкото име и шифрата која ја добиле на е-маил адресата доставена во прилог на пријавата за учество на јавното наддавање.

Догодина предвидени 500 милиони денари за изградба на ТИРЗ

Велешани вознемирени од фабрика за био-гориво

Изградбата на фабрика за производство на био дизел гориво ги плаши жителите на велешката населба Оризари, а екологистите и  бизнисмените коишто ќе бидат први соседи на фабриката протестираат. Инвеститорот „Град екологи“, од своја страна тврди дека фабриката нема да загадува, ќе биде од затворен тип и ќе биде градена според европските еколошки стандарди.

„Секоја изградба на фабрика која е потенцијален загадувач на животната средина ќе наиде на отпор“, во петокот му порачаа велешките екологисти, жителите од населбата Оризари и бизнисмените чии производствени капацитети се наоѓаат во  објектите на поранешна „Свилара“ на инвеститорот „Град екологија“ кој има намера  на локација која е во близина на населено место да изгради фабрика за производство на био дизел гориво.

Според екологистите, бизнисмените и месното население, консултантската куќа наместо да ги информира, им создала повеќе нејаснотии околу целиот производствен систем но и степенот на загадување на  животната средина.

Инвеститорот, како што пренесува порталот Лисица, најави дека во фабриката ќе се произведува био дизел од прегорено масло. Пред договори имале склучено со македонски фирми, но немаше одговор на прашањето од екологистите од каде ќе ја обезбедат потребното количество масло, кога во Македонија и регионот немаат толкави количества  Тогаш инвеститорот посочи дека во тој случај био дизелот би го произведувале од комунален отпад и од пластика. На ова реагираше преставник на фирмата за медицинска пластика, посочувајќи дека преработувањето на пластика не може да не ја загадува околината.

Жителите од населбата  Оризари се со став дека тие се за здрава животна средина. На инвеститорот му порачаа дека ќе ги употребат сите демократски мерки за да ја спречат градбата на фабрика на нива која до неодамна тие ја обработувале.

Инвеститорот тврди дека фабриката којашто ќе биде од затворен систем  ќе биде градена според сите европски еколошки стандарди, посочувајќи дека коинвеститорот има ваква фабрика во Германија а во моментов очекува дозвола и за отворање инсталација и во Австрија. Ако  ги добијат сите дозволи, инвеститорот  ќе инвестира 700 илјади евра и во неа работно ќе бидат ангажирани 35 до 50 работници. /крај/ли/сн