Булевар Борис Трајковски (Првомајска)

Јас мислам дека општината има доволно простор да ги бутне двете бараки. Во едната пола е нотар приватен што може да си изнајми и во околните згради деловен простор, а другиот дел е салата за советот. Во другата барака незнам што има. Кога можеше да има порано кафана во една од бараките, кога имаше простор и една барака само за партии и што се не од магацини, може да се бутнат. Па имаат и друга барака празна во близина каде што е подрачната на министерство за труд и социјална политика подрачната, кај месната 11 октомври згради. Дури и да не се бутнат не се деградираат велосипедската и коловозот, единсвно тротоарот се стеснува, ама значително.

ПОДГОТОВКА ЗА ПРОШИРУВАЊЕ НА УШТЕ ЕДНО ТЕСНО СООБРАЌАЈНО ГРЛО


Урнати уште два објекта на Првомајска



Откако ги остранија повеќето привремени објекти на улицата Првомајска" кај Стара рампа градските власти вчера го продолжија остранувањето за да започне проширувањето на улицата што поскоро. Ваквото остранување на градба е во согласност со Законот за градење кој предвидува дислокација на привремени објекти поставени на градежно земјиште и на тој начин ќе се спроведе еден детален урбанистички план.
- Активностите за расчистување на трасата за проширувањето на Првомајска" траат подолг временски период. Како дел од тие активности во текот на вчерашниот ден се урнати два објекти кои се наоѓаат во близина на фабриката Цветан Димов", соопштија од Град Скопје притоа не прецизирајќи го точниот датум на кој ќе стартува проширувањето.
Целта на проектот е улицата е една од најтесните сообраќајните грла во градот да прерасне во модерен булевар со по двете ленти во секој правец.
Вредноста на проектот кој ќе изнесува 3,5 милиони евра е обезбеден преку кредит од Светска банка.

http://www.vecer.com.mk/?ItemID=AA8B943BE779384DA6EA4CEBCDC396F0

lsl а не ли треба кај рампа да проаѓа Јужен булевар?и со тоа да не се има потреба од даденото проширување?

Првомајска ќе станува булевар дури од февруари



Градската власт чека пари од Европска банка за обнова и развој за да почне да го реализира проектот „Проширување на улицата Првомајска“, кој се најавува веќе со години, а се однесува на делот од „Рампа“ во населбата Кисела Вода до фабриката „Охис“.

Градоначалникот Коце Трајановски најави дека во октомври е можно потпишување на договор со банката, но истакна дека постојат и неколку имотно-правни проблеми кои за десетина дена би требало да се решат.

- Министерството за финансии веќе го подготвува Законот за задолжување на Градот. Во октомври би требало да се потпише договорот со банката, а од февруари следната година веќе би требало проширувањето на улицата Првомајска од Рампа до фабриката Охис да почне да се реализира. Во останатиот дел ќе се продолжи со расчистување на имотно-правните односи, и, во зависност од финансиските средства ќе се одвива и реализацијата - вели Трајановски.

Булеварското решение на Првомајска, од Рампа до фабриката „Охис“ градската власт ќе ја чини околу три милиони евра.

http://www.plusinfo.mk/vest/9834/Prvomajska-kje-stanuva-bulevar-duri-od-fevruari

Извини ЛСЛ ама според ГУПот тој дел што е најавен за преобразба во булевар кој ти го отцрта на еден од претходните постови точно се вкрстува со трасата на јужен булевар кај рампа. На сликата подоле со бели линии е отцртан делот за проширување кој го дефинираше ти и кој е најавен по медиумите а со црвени линии е отцртана трасата на јужен булевар.

Originally posted by The Man Има ли некакви индикации дека ќе се реши конечно овој дел од Првомајска на сликата погоре?

Очигледно ова ќе остане тесно грло - благодарение на неколку инаетливи сопственици - иако при евентуалното прошируваење не се загорозени нивните објекти туку само оградите и неколкуте табли со реклами ...

Edited by vlatko.mk - 30-Jul-2011 at 19:07

Европската банка за реконструкција и развој го објави тендерот за проширување на булеварот како и за изградба и опремување на Центарот за управување и контрола на сообраќајот:

http://www.ebrd.com/pages/workingwithus/procurement/notices/project/110809a.shtml

Бордот на ЕБРД го одобрил заемот уште во април оваа година, но сеуште се чека официјално потпишување на договор за кредитот да биде префрлен. Претпоставувам причината за тоа се нерешените имотно-правни односи.

ЕБРД кредит: до 5.6 милиони евра.
Чинење на целиот проект: 7.89 милиони евра.

Проектот за изградба и опремување на Центарот за управување и контрола на сообраќајот ќе биде имплементиран со поддршка од владата на Австрија.

http://www.ebrd.com/pages/project/psd/2011/41505.shtml

Град Скопје ќе треба да обезбеди најмалку 2.29 милиони евра од сопствени средства.

Originally posted by lslcrew Еве како е планирано. Може да се примети и плканираното уличе што проаќа позади фабриката цветан Димов и зградата на Илинден што тука искача на Првомајска.И втор извор.http://opstinacentar.gov.mk/systems/file_download.aspx?pg=1618&ver=3

Решениево изгледа навистина убаво ... доколку се оствари во наредните 5 години како што е планирано ќе биде одлично ...

Парите за Првомајска се уште не стигнале



Градските советници по вторпат ја усвоија одлуката за позајмица од 5,7 милиони евра од Европска банка за обнова и развој, при што околу 3,1 милиони евра, се предвидени за реконструкција на улицата Првомајска, од булеварот 11 Октомври (стара рампа) до улицата Народни херои. А, преостанаите 2,6 милиони евра ќе бидат искористени за изградба и опремување на Центар за управување и контрола на сообраќајот, кој би требало да овозможи поефикасен и побезбеден сообраќај, зголемување на пропусната моќ на сообраќајниците и крстосниците, скусување на времето на патување, заштита на животната средина и намалување на потрошувачката на гориво.

Уште минаната година градскиот Совет изгласа одлука за вакво задолжување, но поради бројните процедури и долгиот период на преговарање со меѓународната финасиска институција, Градот не успеа да склучи договор за задолжување.
Овој пат, градските власти најавуваат дека преговорите се во завршна фаза, а како што неодамна спомена градоначалникот Коце Трајаносвки, парите би требало да се земат до крајот на годинава, со што веќе од февруари би можела да почне реконструкцијата и проширувањето на улицата Првомајска.
Според договорот, градската власт заемот треба да се врати во рок од 13 години, со грејс период од три години.
Законот за задолжување на Градот веќе се подготвува во Министреството за транспорт и врски, а најверојатно во октомври договорот за задолжување со меѓународната финансиска институција ќе биде потпишан.

http://www.plusinfo.mk/vest/12835/Parite-za-Prvomajska-se-ushte-ne-stignale

Срамота е овој булевар најмногу изгуби дефинитивно се одложува веќе 2 години... А и потребно е поголемо средување на едната страна во Кисела Вода да се тргнат сите тие шут куќи тараби магацини вклучувајќи ја и фабриката Цветан Димов.