Објекти од културата (општо)

Отворена летна сцена, Амфитеатар во Струмица

Попладнево, пред пуштањето во употреба на новиот Градски плоштад во Струмица, по повод празникот на градот “Св. 15 тивериополски свештеномаченици“ свечено беше отворен и новиот струмички Амфитеатар – летна сцена, кој се изгради во консултација со граѓаните на општина Струмица во рамките на проектот “Форуми на заедниците“, во имплементација на Единиците за координација со форумите, финансиски поддржан од Швајцарската Агенција за развој и соработка.

Амфитеатарот е сместен во Градскиот парк на површина од 300 м² со капацитет од 200 седишта. Изведувач на градба беше ДГТ “Неимар“ ДОО Струмица, а за надзорот над изведувачот на градбата го имаше ДГУТ “Конинг градба“ ДООЕЛ Струмица. Проектот го имплементираше Фондацијата Институт отворено општество Македонија, во соработка со општина Струмица.

Струмичани добиваат ново катче за збогатување на нивното секојдневие со нови содржини. Амфитеатарот ќе служи за одржување на театарски, музички, фолклорни и други манифестации од амбиентален карактер наменети за забава на младите, но и за задоволување на културните потреби на граѓаните. (Р.Ѓ.)

http://www.strumicanet.com

Edited by Makedonij - 11-Dec-2010 at 08:40

Спомен-куќата на Тоше Проески ќе се промовира прва Музејскиот комплекс на македонската борба за државност и самостојност ќе биде комплетно готов во втората половина на 2011 година Спомен-куќата на Тоше Проески во Крушево ќе биде првиот промовиран од капиталните проекти на Министерството за култура во 2011 година, најави вчера министерката за култура Елизабета Канческа-Милевска. Спомен-куќата јавноста ќе ја види на почетокот на следната година. Втор од капиталните проекти кои ќе бидат завршени в година е Музејскиот комплекс на македонската борба за државност и самостојност, кој ќе биде комплетно готов во втората половина на 2011 година. Во новиот Стар театар во Скопје ќе може да влеземе на почетокот од 2012 година. На завршната прес-конференција од Министерството беа споменати сите поважни проекти од годинава што изминува, како изградба на Концертната сала на Македонската филхармонија, Портата Македонија, Театарот Велес, Светиклиментовиот универзитет на Плаошник во Охрид... Министерката Канческа-Милевска зборуваше и за реализираните проекти. "Во текот на оваа 2010 година го промовиравме заокружениот комплекс на Музејот на вода во Охрид кој денес содржи 24 праисториски куќички, комплетно уредени. Овој музеј го посетија околу 40.000 посетители, а од продадени влезници остварен е приход од над 2 милиони денари. Во 2010 година пред јавноста ја претставивме илуминацијата на југозападниот бедем на Скопската тврдина, кој претходно целосно беше реконструиран, реставриран и конзервиран", рече Канческа-Милевска. Таа ја напомена и целосно завршената реконструкција на Македонската опера и балет. ..... http://vecer.com.mk/?ItemID=996A930400428447B2C74DC4A05A877B

мене лично ме чуди зошто не се реконструират деловите што се пред распаѓање па тука влегуваат во нешто што не го ни знаат дали постоело или не.

Егри Дере запретан во руина

Од тврдината во Егри Дере, изградена во 1634 година, која била зачеток на градското јадро во Крива Паланка, денес се останати само разрушени ѕидини

Остатоци од руинираната градска тврдина, која некогаш ја чувале 200 војници со 10 топа, се единственото материјално сведоштво за настанокот на Крива Паланка како градска населба во првата половина на 17 век. Ова културно-историско наследство е речиси целосно уништено, оставено без заштита и препуштено на забот на времето. Од градските бедеми денес стојат само разрушени ѕидини од североисточниот и источниот дел на тврдината и остатоци од една кула, кои се запуштени и незабележливи. Единствен зачуван доказ за стратегиското место низ вековите, кое и денес не ја губи важноста за поврзување на Балканскиот Полуостров со Блискиот Исток, останува мермерната плоча што се чува во Музејот на Македонија во Скопје.

- Остатоците од тврдината се во незавидна положба. Не е водена сметка за зачувување и за заштита на градските обележја. Со доизградба на општинската зграда, како и на околните приватни објекти, кои буквално се прилепени на градските ѕидини, не е оставен простор за планско уредување на ова, за нас непроценливо културно-историско наследство - вели градоначалникот Арсенчо Алексовски.

Градската тврдина била изградена во 1634 година од турскиот везир Бајрам-паша, како воено утврдување за заштита на карваните, патниците и војските од ајдутите низ кривопаланечката клисура. Одовде минувал т.н. царски друм, по кој оделе и султани, значајни личности, трговци и стоки поради што бил од големо стопанско и стратегиско значење за турската држава и за поврзувањето на Македонија со Мала Азија. Основањето на градското јадро било примарно за турската власт. Градските бедеми биле многу високи и масивни. Тврдината имала четириаголна форма, со околу 4.000 квадратни метри и 4 кули на сите страни. Во тврдината имало карван-сарај во кој можеле да се сместат 500 коњи, 50 куќи, џамија, амам, амбари и други објекти за одмор и за снабдување на патниците. Тврдината ја обезбедувале 200 војници со градски заповедник и со 10 топа. На влезот, пак, била поставена мермерната плоча на која биле запишани 12 стиха.

- Ретко кој град на Балканот може да се пофали со ваков материјален документ за основањето, чија вредност за историската наука е скапоцена и затоа се чува во Музејот на Македонија. Една гипсена копија се наоѓа во Центарот за култура во Крива Паланка и ќе биде дел од постојаната историска поставка на Музејот на Крива Паланка, а ние поведовме иницијатива да се направи копија од соодветен материјал, како автентичната, и истата да биде поставена на влезот на општинската зграда - вели Алексовски.

Во градот нема остатоци од џамијата, градскиот амам и од саат- кулата, кои ги изградил Бајрам-паша, а се наоѓале спроти некогашната тврдина.

- Тврдината е споменик на културата од национално значење и е под ингеренции на Националниот конзерваторски центар од Скопје. Во 2004 година беше направена ревалоризација, со што таа повторно е впишана во новиот регистар меѓу спомениците на култура, но досега не е извршена системска заштита. Можеби проблемот е во тоа што единствено Североисточниот регион нема Регионален конзерваторски центар, кој би водел поголема грижа за недвижното културно-историско наследство на ова подрачје. Неопходно е да се направи проект за заштита на тврдината и да се бараат средства за конзервација и за реставрација за да се зачува барем она што е останато од овој значаен објект - вели етнологот Драган Величковски.

Дека Крива Паланка постоела како градска населба уште во 17 век говорат и податоците според кои тогашната Егри Дере била вбројувана меѓу цариградските конаци. Во 1661 година податоци за градската тврдина и за урбаните содржини на градот дава патописецот Евлија Челебија, од кого дознаваме дека за нецели 30 години од основањето Крива Паланка станала значаен административен и економски центар.

http://www.dnevnik.com.mk/?ItemID=7465BB70165F6A4B940BF72A8DBE486E

Народниот театар ќе се реновира и обновува
01 ФЕВРУАРИ 2011


Битолскиот народен театар во 2011 година со средствата одобрени од Министерството за култура од Годишната програма не само што ќе работи на вкупно пет претстави што премиерно ќе бидат изведени пред битолската театарска публика, туку и ќе се реновира и обновува.



Веста за реновирањето на битолскиот народен театар во Битола ја потврди и менаџерскиот тим на Театарот. По се изгледа дека Народниот театар ќе го добие сјајот што го заслужува и по кој беше препознатлив во изминатите години. БНТ отсекогаш беше рангиран како еден од најдобрите театри не само во државата, туку и пошироко, и уживаше високо театарско меѓународно реноме. Министерството за култура годинава му одобри средства за пет премиери, но и за други проекти со кои ќе се разубави самиот објект.

Освен средствата за премиерите добиени се и пари и за две гостувања, во Русија и во Канада, за реновирање на подот на големата сцена и за обновување на осветлувањето.

Паралелно веќе се работат две претстави. Режисерот Љупчо Ѓеоргиевски ја подготвува претставата “Обична приказна“ на руската авторка Марина Ладо, а Владо Цветановски работи на “Дон Кихот“ во која освен актерите од Народниот театар се вклучени и гостите Мими Таневска и Кирил Ристовски.Премиерите на двете претстави се очекуваат во втората половина на овој месец. Министерството за култура финансиски ќе поддржи и две гостувања на Народниот театар во странство, а како се зборува тие ќе се случат во Русија и Канада.

Edited by JOE - 01-Feb-2011 at 15:30

Го имаме поназад регистрирано ова. Сега почнала изградбата.

http://www.build.mk/forum/forum_posts.asp?TID=672&PID=61120#61120

http://www.build.mk/forum/forum_posts.asp?TID=202&PN=16


Edited by Makedonij - 05-Mar-2011 at 23:00

Битолското џепане ќе остане под заштита 07 АПРИЛ 2011 Битолското џепане ќе остане под заштита, информираше градоначалникот Владимир Талески. Се работи за објект кој е од исклучително значење бидејќи не може да се сретне ниту во регионот, па и пошироко. -Битолското џепане е исклучителна градба и во разговорите со надлежните од Министерството за одбрана и култура се договоривме да пуштат екипи и да направат увид. Тоа ќе остане под заштита, треба да се добие стручно мислење и убеден сум дека екипите ќе пристигнат во многу скоро време - изјави градоначалникот Талески. Во првата фаза неопходна е реконструкција на објектот бидејќи со години наназад тоа беше вон употреба. Џепането или објектите над Касарната за време на Османлиската Империја биле барутана. Изградено е во форма на крст уште во 1867 година. Подоцна Армијата го користела објектот како магацин за муниција. -Самиот објект имаше најразлични намени. Војската го користеше за свои сопствени цели, но ваква градба тешко е да се најде и оттаму е многу интересна за културните работници, археолозите, итн.- рече Талески. Објектите на поранешната касарна отсекогаш го привлекувале вниманието на граѓаните. Објектите биле многу привлечни и за филмските работници. -Неколкумина филмски работници се обратија до нас за да се информираат за начините како да им биде овозможен пристап до овие објекти кои би ги користеле за снимање на некои сцени таму- рече градоначалникот Талески. Сепак, последниот збор ќе го има директорот на Управата за заштита на културното наследство, Паско Кузман, кој треба да каже кои од објектите на поранешната касарна ќе се пренаменуваат, а кои ќе останат заштитени.    Според кусата историја Џепането е подигнато во 1876 година. Барутаната е изградена во форма на крст. Во некои записи стои дека Џепането било изградено од двајца врвни мијачки мајстори од демирхисарското село Смилево. Тврдината била изградена кога во градот имало 30.000 турски војници. Тогаш биле изградени црвената и белата касарна (урнати низ годините), Воената гимназија (сега Завод и музеј), Офицерскиот дом и други објекти, денес заштитени споменици на културата. Се претпоставува дека битолската барутана е поврзана и со случувања од Илинденскиот период.

http://informator.ws/bitola/bitolskoto-epane-e-ostane-pod-zashtita

41.015567,21.331195

Љубовно кино на паркингот на "Борис Трајковски" Од следниот петок во Скопје, на паркингот пред спортскиот центар "Борис Трајковски, точно на полноќ ќе почне да работи Љубовното кино или Автокиното, каде што публиката ќе ги гледа филмовите од своите автомобили. На огромно киноплатно долго 16 метри, високо 7 метри и 35 милиметарски кинопроектор, киното "Милениум" ја најавува светската премиера на култниот серијал "Пиратите од Карибите 4". http://dnevnik.com.mk/default.asp?ItemID=AE58EC953D556941A48B9087E2067503