Кисела Вода и Сопиште

И мојот впечаток од денешната и многу други тури што сум ги правел низ Кисела вода е дека градбите се просечни дури и подпросечни,не би можел да пофалам некоја зграда...можеби Футура во иднина ќе биде солидна ќе видиме. Другово што се гради околу Рампа е бедно и тотално неинвентивно ама ете луѓето купуваат станови и инвеститорите си прават профит. Но и на толку градење сеуште имаме стотици куќи низ централното градско подрачје кои се потенцијални места за вакви грдосии(Маџир и Ново маало,Крњево,Капиштец и многу други места). За жал се нема концепт и креација малку да се изменат маркиците да не се редат згради една до друга и со спојување на повеќе маркици ем просторот побрзо ќе се исчисти ем ќе има можност да се влезе со некои подобри проекти. Ќе видиме колку ќе успеат Мојсиќ,Аттика,Радо и некои други со тек на време да заземат малку повеќе простор и да дојдат на сцена со нешто помодерно.

Што убаво место за два асални блока, парк и паркинг

Алал да им е на комуњариве еднаш ги изгласаа на локални во к.вода и матер и ебаа на општинава,се чкартно што можеше да се испика и договори со коаЉиционите од дуи напикаа овде....итоа на главен булевар.

Originally posted by stef4o Наскоро нова зграда во Кисела Вода на ул.Иван Козаров https://www.facebook.com/АТЛАС-ИНВЕС-С-19-Скопје-

Еве локациски попрецизно(од фб)

До улицата е, куќата на Либералната партија (на самиот десен агон долу на последната слика) е на трасата на Есенинова.

Бетонизација на Пржино: Итриот инвеститор, кутриот градоначалник





Улицата „Пржино“ или улицата 679 е мал слеп сокак. Таму тешко минува „Брзата помош“, а камоли камионот на „Комунална хигиена“. Но, на крајот на улицата, на врвот на ридот ќе никне огромна зграда. Целата процедура од донесувањето на ДУП-от до издавањето на дозвола за градба е проследена со обвинувања за политичко влијание во општинските кругови. Во соседните сокаци веќе се изградија неколку огромни згради. Паралелно со нив расте и бројот на граѓани кои го креваат гласот против нехумната урбанизација. Едни од тие граѓани се жителите на улицата „Пржино“. Ова е нивната приказна.

Итриот инвеститор

Пржино лежи на падините на Водно, високо над градот, а сепак блиску до сите збиднувања. Таа е стара населба. Во првата половина на минатиот век Пржино и Црниче биле села, а дури потоа станале населби. Затоа населбата се карактеризира со мали, тесни, високи и многу слепи и неуредно наредени улички.

Помеѓу две слепи и тесни улички деновиве се поготвува теренот за градба на четири станбени куќи во кои ќе има вкупно шеснаесет станови. Локацијата се наоѓа меѓу улиците „Пржино“ и „Кара Трифун“. Станува збор за тесни сокаци широки три метри кои ќе водат до новите објекти.

Деталниот урбанистички план за оваа четврт е донесен во мај 2016 година. Претходно на локацијата со години имало само една стара куќа и една градежна парцела. Но, непосредно пред донесување на планот сопственикот ја поделил на четири дела и наместо една маркица за градба добил четири на кои со ДУП-от се вцртале четири станбени куќи со висина од 10 метри или приземје, два ката и поткровје. Во секоја куќа се предвидени по четири стана или вкупно ќе се вдомат 16 семејства.

„Тоа нема да бидат четири куќи, туку цела зграда. А, истовремено на непосреден сосед му одбиваат барање за мало проширување на куќата на веќе постоечка маркица“, вели Дино Чушевски жител на улицата „Пржино“.

До новиот објект ќе се стигнува по една од споредните улици „Пржино“ на која со децении живеат 18 семејства. Тие веќе имаат проблеми со инфраструктурата и стравуваат дека со новите комшии дополнително ќе се оптовари соседството. Со секој пороен дожд се поплавува улицата и се излева канализацијата. А, пристапот е отежнат за секое поголемо возило.

„Ние ќе бидеме блокирани и оневозможени да функционираме нормално затоа што и сега не може да се разминат два автомобила. Камионот на „Комунална хигиена“ скоро секогаш има проблем да помине, ги удира терасите на соседите и не може да стигне до крајот на улицата. А, тек допрва што ќе биде со новите шеснаесет станари. Ни брза помош, ниту пожарна нема да може да пристапи.“, вели Ацо Антевски.

Сопственик на парцелата на која се планира градбата е Љупчо Продановски, кој во 2017 година склучува договор за заедничка градба со фирмата „Топ метал“ и почнува постапка за добивање на градежна дозвола. Жителите се мобилизираат и прават Иницијативен одбор и бараат помош од градоначалникот.

Но, бидејќи ДУП-от е донесен, а во него се впишани сите одобрени градби, во јули 2018 година со параф на градоначалникот Фиилип Темелковски инвеститорите добиваат четири дозволи за градба на четирите станбени куќи. Висината на објектите според ДУП-от е 10.2 метри. Жителите ги обжалуваат дозволите до второстепена комисија во состав на Министерството за транспорт и врски и во декември истата година комисијата одлучува во корист на соседите, ги прифаќа нивните забелешки и го поништува решението за градба.

Во меѓувреме инвеститорите Продановски и фирмата „Топ метал“ повторно поднесуваат барање за градежна дозвола која градоначалникот им ја одобрува на 22 мај годинава. Новото решение за градба уште повеќе е на штета на жителите, затоа што според документите пристапот до објектите ќе биде од улицата „Пржино“, а висината на зградата ќе се одредува од улицата „Кара Трифун“. Висината на парцелата е за неколку метри повисока од страна на улицата „Кара Трифун“, што значи дека објектите според новата дозвола ќе добијат во катност. И оваа дозвола соседите ја обжалуваат, но второстепената комисија на 7 јули ја одбива жалбата и тоа значи дека дозволата за градба ќе стане правосилна.

„На наше големо разочарување, и покрај приложените аргументи, втората поднесена жалба беше отфрлена како неоснована. Иако се работи за практично истиот објект кој овојпат е повисок за две нивоа мерено од тротоарот на нашата сепа улица од каде е дозволен колскиот влез односно влезот за гаражата на објектот“, изјави Дарко Милановски од улицата „Пржино“.

Го побаравме сопственикот на парцелата и ко-инвеститор Љупчо Продановски за изјава, но тој не упати коментар да бараме од фирмата што ќе ги гради објектите „Топ метал“. Сопственикот на „Топ метал“ Атанас Исајловски вели дека ги има сите потребни документи и целиот проект е согласно законските прописи за градба.

„Веднаш штом ќе стане правосилна дозволата стартувам со градба. Многу пари и време изгубив овие две години“, вели Исајловски.

Во меѓувреме соседите бараат помош од други институции со цел да ја спречат градбата. Напишале писмо и до Антикорупциската комисија во која велат дека станува збор за „дивеење на урбана мафија“.

„Според нашите сознанија главната персона која има најголемо влијание за донесување на решението за градба е поранешната сопруга на инвеститорот Љупчо Продановски, Мери Проја Продановска која во време на донесување на ДУП-от беше советник од СДСМ во општината Кисела Вода. А, денес е на уште повисока позиција Раководител на инспекциски надзор.“- вели Дино Чупевски.

Љупчо Продановски вели дека со неговата сопруга веќе 15 години не живеат заедно и таа нема никаква врска со дозволите за градба. Тоа бил негов наследен имот, кој го дели со неговите браќа и сестри.

Градоначалникот Темелковски, кој е сопартиец со Мери Проја Продановска, негира било какво влијание или притисок при носење на дозволата за градба.

„Тоа нема никаква улога доколку ги видите бројките. Барањето за одобрение е издадено пред точно 400 дена, доколку ние едно барање во просек работиме за 70 дена, доколку ургирале кај нас немало да се чека 400 дена. Дополнително ДУП-от е правен пред јас да станам градоначалник, така да немало ургенција од моја страна при донесувањето на деталниот урбанистички план за да има некаква придобивка Мери или, пак, нејзиниот сопруг. Може да видите и според бројките дека ниту биле привилигирани, ниту граѓаните сме ги оштетиле по цена на Мери и нејзиниот сопруг“, изјави за ИРЛ Темелковски.

https://irl.mk/betonizatsia-na-przhino-itriot-investitor-kutriot-gradonachalnik/

Edited by stef4o - 10-Sep-2020 at 13:44

Во Кисела Вода





...

Веднаш до горнава зграда,зграда на Бонор Инженеринг,патем зградиве изгледаат доста пофино и попристојно споредено со оние кои никнуваат околу Рампа





https://www.facebook.com/asa.dizajn.aluminiumski.ogradi

Во Кисела Вода



pazar3.com.mk

Originally posted by stef4o Некаде во Кисела Вода се почнува со нова зграда,ако некој знае каде поточно нека сподели

од фб