Originally posted by alexgizh Искрено, Македонија (и Словенија) не ја гледам како дел од тој пазар во иднина. Вистина е дека и ние сме слични, но не доволно (не како другите меѓусебе)... досега беше во ред, југоносталгија или незнам што, а отсега искрено не би сакал да бидеме поврзувани со тој блок.

Потпис. Сме се дружеле еден историски период, колку добар толку и лош. Каков таков со сите свои предности и маани. Понатаму нема потреба. Воопшто не ја гледам Македонија дел од вакви југо кластери, од музички реални шоуа до сериозни авио и железнички здруженија.


Edited by lslcrew - 31-Aug-2010 at 11:12

Јас мислам дека сентименталност е ова што вие го говорите.

Јас не поддржувам изедначување на односите на Македонија кон другите екс-Ју републики како што тие имаат односи меѓусебе. Тие природно е да имаат поблиски односи поради истиот јазик. Ние тој јазик не го збориме (иако голем број на наши граѓани можеби го знаат) и со тоа сакам да кажам дека не би сакал да не "вовлечат" (или уште повеќе, да се бутаме самите) во тој пазар. Поради нас и Словенија би морале да воведат тројазичност, а вака имаат де факто еден јазик. Не зборев за сентименталните односи, болки од минатото или било што.

Кога сме кај сентименталноста, со претставката "југословенски" само уште повеќе се засилува нејзиниот елементот во бизнисот. Искрено, терминот го сметам за добар, бидејќи се работи за четири јужни словенски земји (ЦРГ, СРБ, БИХ и ХРВ), меѓутоа знаејќи го минатото, неможе а да не се доведе сентименталност во прашање. Од друга страна, термините "Западен Балкан", БЦС и слични с'''' ги презирам, меѓутоа можеби се најбезболно решение.

Од многу зборење на истиот јазик, видовме - се разбраа ептен добро во минатиот период. Македонија со секоја од нив има подобри односи, отколку тие меѓусебе. Незнам зашто јазикот би бил најсилниот аргумент за побивање на благодетите од соработката која може да произлезе, и од која може да имаме само корист. Не збориме за релација македонски-кинески, туку македонски-српско-хрватски.

АВИОКОМПАНИЈА СО СМИСЛА ЗА ХУМОР

Кој сака да пуши да излезе на левото крило!

На надворешната страна јасно можете да ги прочитате составните делови на авионот "боинг 737-800", а секој од флотата е уникатно дизајниран. Овие авиони ќе ја заменат старата флота на авикомпанијата која сега се состои од авиони "737-400". "Концептот 'Флаинг 101' е дело на одделот за дизајн на 'Калула' ", вели Надин Дејмен маркетинг менаџер на "Калула" која се води како "авиокомпанија со смисла за хумор"

ЈОХАНЕСБУРГ - Не е тешко да забележите авион на "Калула ерлајнс" на писта. На надворешната страна јасно можете да ги прочитате составните делови на авионот "боинг 737-800", а секој од флотата е уникатно дизајниран. Овие авиони ќе ја заменат старата флота на авикомпанијата која сега се состои од авиони "737-400". "Концептот 'Флаинг 101' е дело на одделот за дизајн на 'Калула' ", вели Надин Дејмен маркетинг менаџер на "Калула" која се води како "авиокомпанија со смисла за хумор".
"Оваа идеја е резултат на нашата стратегија за 2010 година да им го разјасниме процесот на патување по воздушен пат на нашите обожаватели".
"Кулула ерлајнс" е авиокомпанија со седиште во Јоханесбург чиишто стјуардеси се трудат да ги направат предавањата за безбедност и објавите за време на летот позабавни. Ова се вистински примери што ги слушнале или пријавиле патници на "Кулула":
Кога летате со "Кулула" седиштата не се означени со броеви, туку седнувате каде сакате. На еден од летовите патниците очигледно не можеле да се одлучат кај да седнат, па стјуардесата се огласила: "Народе, не избираме мебел овде, најдете седиште и сместете се".
На друг лет со прилично постар екипаж на лет, пилотот објавил: "Дами и господа, се качивме на висина за летање и ќе ги намалиме светлата во авионот. Ова е заради ваша лична удобност и за да ви се гледаат поубави стјуардесите".
При слетувањето стјуардесата објавила: "Проверете дали си ги зедовте сите лични предмети. Ако оставата нешто, гледајте да биде нешто што ќе ни се допадне".
"Можеби има 50 начини да излезете од врска, ама има само четири да излезете од авионов".
Кога авионот слетал и веќе прикочувал на аеродромот во Дурбан, преку разгласот се слушнал глас: "Леле, колку е голем! Леле!".
По едно прилично тешко слетување за време на Бура во Кару, стјуардесата објавила:
"Бидете внимателни кога ќе ги отварате багажниците над главата бидејќи по едно вакво слетување, жими Бога сè се има испревртено".
"Во случај на ненадеен пад на притисокот во авионот, ќе се спуштат маските за кислород. Не врескајте, земете ја маската, ставете ја на лице. Ако со вас во авионот патува помало дете, прво ставете ја вашата маска, па помогнете му да ја стави неговата. Ако патувате со две помали деца, одберете го тоа што ви е омилено".
"Временската прогноза за нашата дестинација е облачно со температура од 50 степени Целзиусови, но ќе се потрудиме да го средиме тоа пред да слетаме. Ви благодариме, и не заборавајте, никој не ве сака вас, ниту вашите пари, повеќе од 'Кулула ерлајнс'."
"Перничињата од седиштата може да ви послужат како помошни средства за одржување во вода. Во случај на итно слетување во вода, ве молиме пливајте до брегот и земете ги перничињата со вас и ви посакуваме сè најубаво."
"На излегување од авионот земете си ги вашите лични предмети. Сè што ќе оставите стјуардесите ќе си го поделат еднакво меѓу себе. Не оставајте деца или сопружници."
И еве што има речено пилотот во неговото обраќање за добредојде:
"'Калула ерлајнс' со задоволство соопштува дека има едни од најдобрите стјуардеси во авиоиндустријата. Штета што на овој лет нема ни една од нив."
Стјуардесата, пред слетување: "Ви благодариме што летавте со нас. Следниот пат кога ќе добиете луд нагон да се вивнете кон небото во метална кутија под притисок, се надеваме дека ќе помислите на 'Калула ерлајнс'."
На друг лет со оваа авиокомпанија:
"Дами и господа, ако сакате да запалите цигара, одделот за пушење е на крилото. Ако успеете да запалите, слободно пушете".
Авион на "Калула" полетува од аеродромот од Дурбан. Кога достигнал висина за летање, капетанот објавил низ разгласот: "Дами и господа, ви се обраќа капетанот. Добредојдовте на летот 293, без застанувања од Дурбан до Кејптаун. Времето е мирно и би требало да имаме непречен и досаден лет. Сега седнете и опуштете се... ЛЕЛЕ ГОСПОДИ!" Следи тишина, и по неколку минути капетанот повторно се огласува преку разгласот: "Дами и господа, се извинувам ако ве исплашив пред малку. Додека ви се обраќав стјуардесата ми истури врело кафе во скут. Само да ме видите на што личам во панталоните!"
Потоа еден патник извикал: "Тоа не е ништо. Да видите какви се моите одзади!"

BH Airlines од ноември ќе лета за Скопје

Сараево, 4. септември 2010 (ИНПРЕС)

Компанијата BH Airlines од 1. ноември ќе воведе нова линија, три пати неделно за Скопје. Ќе се лета со авионот ATR72, а одговорните лица на компанијата се надеваат на повеќе патници откако минатата година беа укинати летовите кон Скопје.

Скопје од ноември ќе биде единствениот главен град на поранешна Југославија кој ќе има директни летови кон останатите главни градови од поранешната држава. (Крај)

http://www.inpress.com.mk/default.asp?ItemID=A3449BC9DA008C4A90040E78FADE66A9

Авионска линија Скопје-Истанбул-Бурса

МАКЕДОНСКИТЕ АВИОПАТНИЦИ ДОБИВААТ ПОГОЛЕМИ МОЖНОСТИ

Скајвингс со ЈАТ ни ги доближува европските метрополи

Аднан Џаферовски, сопственик на Скајвингс/Ерлифт, најави дека работите на ова поле за македонските патници ќе се подобрат бидејќи неговата авиокомпанија се приклучи кон Балканската авионска алијанса која засега ја сочинуваат Монтенегро ерлајнс, ЈАТ ервејс и Скајвингс, а наскоро се очекува да им се приклучи и Адрија ервејс

Македонското небо е отворено, законите што го уредуваат авиосообраќајот либерализирани, воздухопловните правила усогласени со европските стандарди. Сепак, патувањето со авион од и до Македонија е се уште компликувано, бавно и скапо.

Да се стаса од Скопје до Букурешт, Киев, Варшава, Лондон, Париз, Мадрид... на пример, мора да се менува авион во Загреб, Виена или некоја друга пофреквентна дестинација. Од евтините авиокомпании нема ниту трага, ниту глас. А авиобилетите не поевтинија, ниту со влезот на Турски ТАВ како нов газда на двата македонски аеродроми.

Сопствениците на домашната авиокомпанија Скајвингс/Ерлифт велат дека тоа се должи на повеќе фактори: пред се, на фактот што и со визната либерализација која стартуваше пред Нова година, иако се очекуваше сепак не дојде до пораст на бројот на авиопатници.
-Само за 10 проценти се зголеми бројот на патници на скопскиот аеродром "Александар Велики" откако падна визната бариера со ЕУ. Наспроти кај нас, укинувањето на визите на граѓаните на Србија ја зголеми фреквенцијата на патници на белградскиот аеродром за 30 насто - вели Аднан Џаферовски, сопственик на Скајвингс/Ерлифт.

Тој најави дека работите на ова поле за македонските патници ќе се подобрат бидејќи неговата авиокомпанија се приклучи кон Балканската авионска алијанса која засега ја сочинуваат црногорската Монтенегро ерлајнс, српската ЈАТ ервејс и Скајвингс, а наскоро се очекува да им се приклучи и словенечката Адрија ервејс.

-Потпишавме кот-шер договор со ЈАТ за обавување на заеднички авиолинии со нашите два и нивните 12 авиони. Со тоа што планираме кон крајот на годинава нашата флота да ја зголемиме со уште два авиони со помал капацитет (фокер-џет со 70 седишта), ќе им овозможиме на македонските патници побрзо да стигнуваат до европските метрополи - вели Џаферовски.
Од Скајвингс најавуваат дека од први октомври воведуваат нова дестинација - Женева која ќе ја опслужуваат заедно со ЈАТ, а во план им се Милано, Трст, Лондон, Амстердам И Париз.
-Во кот-шер договор со ЈАТ со зимскиот ред на летање ќе летаме секојдневно и за Рим. Со воведувањето на новите три дестинации ќе имаме директни летови кон 11 европски аеродроми што сметам дека е доволно за македонскиот пазар - вели Џаферовски.

Нискобуџетните авиокомпании и ова лето ја заобиколија Македонија. Искуствата од регионот говорат дека летот со нискобуџетни авиони е и до четирипати поевтин. Македонската Влада веќе контактираше со овие компании. Пратија официјален одговор дека поради кризата, нема да се шират на други пазари. Во регионот, Србија, Бугарија, Грција ги имаат Визер и Изиџет. Во Хрватска лета и Рајанер.

Освен малиот број на редовни директни дестинации и скапите билети, грда слика на македонскиот авиосообраќај со години се аеродромите. Турскиот концесионер ТАВ го презеде управувањето во март годинава.

Светлана БЛАЖЕВСКА

http://www.vecer.com.mk/default.asp?ItemID=B10365546199E444A169F2C759380DAA

ДХЛ Македонија го зголемува капацитетот со нов карго авион

Скопје, 17 септември 2010 (МИА) - Компанијата за експресен транспорт и логистика ДХЛ Експрес од 20-ти овој месец го зголеми капацитетот во Македонија со нов карго авион со носивост од четири тони.

Како што информира компанијата, авионот ќе оперира пет дена во неделата и два пати дневно ќе ја поврзува Македонија со остатокот од светот, со што, сметаат во ДХЛ, ќе ги задоволат зголемените потреби на клиентите, ќе го унапредат квалитетот на услугата и ќе го зголемат бројот на услугите што моментално се нудат на пазарот.

Станува збор за современ воздухоплов од западноевропско производство кој ги исполнува сите актуелни ЕУ стандарди од областа на безбедноста и екологијата. Инвестицијата е вкупно 1,5 милион евра на годишно ниво.скс/са/13:54

http://www.mia.com.mk/default.aspx?vId=77002398&lId=1&pmId=

А од друга страна пак ќе има заинтересираност и од регионот.... Јас колку што знам Белград нема директна врска со Њу Јорк или слично....