Автосалони

 

 

Лоциран на улица "Скупи", новиот центар ја надополнува сликата на улицата на која веќе постојат повеќе продажни салони.
На вкупна површина од 5.500 м2, новиот центар вклучува изложбен салон на две нивоа и модерен сервисен центар. Вкупната инвестиција изнесува 7 милиони евра, од што 6 милиони се вложени во изградба и опремување на објектот. Изградбата на новиот центар следуваше како логичен тек на работите, бидејќи "Маккар" последниве години белезе постојан пораст на продажбата на нови возила, кој изнесува во просек 53 отсто. Само лани тој пораст е над 30 отсто во однос на претходната година.
Сега целта е не само да се продаде возило со знакот на "БМВ" или "Мини" туку и клиентот да добие подеднакво квалитетна услуга исто како и оние купувачи во другите земји од Европа. Времето на чекање во сервис ќе се скрати повеќекратно поради повеќето работни места, а истовремено има и најсовремен лимарско-фарбарски оддел.
"Маккар" постои од 1996 година како партнер на "БМВ" Групацијата и ексклузивен импортер за возилата на "БМВ" во Македонија.

 

 

 

 

 

Новиот дилер на Volkswagen, Ab Auto Струмица, располага со професионален тим на продажба, но сега за сега  без технички опремен сервис. Отворањето на уште еден изложбено продажен салон во Струмица, покрај веќе постоечките во Скопје, Демир Капија, Битола, Охрид и Тетово е само уште една потврда дека брендот Volkswagen оди во чекор со времето и потребите на современиот човек.
Зад одличните резултати и високиот стандард на Volkswagen во Македонија стои големото семејство на Porsche Holding и неговата филијала, импортерот Порше Македонија, која работејќи по строго утврдени правила успеа да наметне нови, повисоки стандарди, воедно и го зголемува дилерството на Volkswagen во Македонија.
Инаку, изминатиов викенд од Ab Auto, Струмица,, бeше организирано и тест возење пред салонот  на Ab Auto во Струмица, каде што посетителите имаа можност да ги пробаат моделите на возилата на Volkswagen, притоа заинтересираноста за моделите беше огромна.

 

 

Претходно беше отворен салон и во Струмица. Компанијата е една од ретките што отвора салони што се нејзина сопственост, а не бара дилери низ градовите.Со овој салон „МакАутоСтар“ ја прошири својата продажна мрежа и во западниот дел на Македонија, каде интересот за германските производители, а послебно за брендот „Мерцедес-Бенц“ е видливо забележителна. Салонот се наоѓа на излезот од Тетово, ул. Илинденска бб. и е со површина од 520м2  Уреден е според корпоративните стандарди на „Мерцедес-Бенц“, „Мицубиши“ и „Крајслер“.

Со отворањето на трите салони низ Македонија компанијата сака да го зголеми пазарниот удел во продажбата на нови возила, што е евидентно зголемен последниве години.

 

 

 

Изграден според највисоките стандарди на "Фолксваген", Тетово доби нов продажно - сервисен центар, што е дел од семејството на "Порше Македонија". Новиот дилер на "Фолксваген" е "Центрум Цо."
Центарот се наоѓа на самиот влез на Тетово, кога се доаѓа од правецот на Скопје, и наликува на сите дилерски салони на "Фолксваген" изграден според најстрогите германски стандарди.
Новиот "Фолксваген" продажно - сервисен центар, "Центрум Цо". располага со сите услуги, почнувајќи од професионалниот тим во продажбата, се до најсовремено технички опремен сервис, вклучувајќи и каросериски услуги.