Прилепски сообраќај (општо)

Message Topic Search Topic Options Post Reply Create New Topic Printable Version

Прилеп ќе гради авенија 

Изградба на авенија во должина од 2 километра од автопатот Градско - Скопје до влезот во Прилеп е предлог што на следната седница ќе се најде пред прилепскиот Совет на Општината. За таа цел е планирано Прилеп да земе кредит во износ од 500 илјади евра од Светската банка. Според проектот и предлогот од градоначалникот Марјан Ристески, предвидено е најпрвин сообраќајницата да биде изградена во должина од 800 метри, а подоцна комплетно 2.000 метри. Локалните власти сметаат дека ваквото сообраќајно решение ќе служи во следните 50 години, ќе го зголеми интересот за вложување во индустриските објекти и ќе го направи градот попривлечен за странски инвестиции. 

Според инженерите, со градежниот зафат е предвиден двонасочен приод од бензинската пумпа на „Лукоил“, односно од крстосницата Градско - Прилеп - Битола. 

- Улицата со авениски димензии ќе биде широка 15 метри, со по две коловозни ленти од двете страни, а на средината ќе има зелен појас и осветление. Од двете страни се предвидени велосипедски и пешачки патеки. Работите на првата фаза меѓу пумпите на „Лукоил“ и „Макпетрол“ треба да почнат пролетва, а да завршат до септември. Градот ќе добие модерен изглед - вели Драге Звездакоски, раководител за финансии во локалната самоуправа. 

Според него, кредитот е мошне поволен. Фискалниот капацитет на Општината овозможува без зголемување на давачките да се поднесе задолжувањето. 

- Со 500 илјади евра ќе се изгради првата фаза, а втората, која ќе ја опфати улицата Моша Пијаде до раскрсницата кај конфекцијата „Солидност“ уште 1.200 метри, ќе се гради со општински пари. Граѓаните нема воопшто да бидат оптоварат со нови повисоки даноци. Финансиската проекција е во согласност со сегашната структура на даночната основа и буџетската каса - вели Ѕвездакоски. 

Линијата од државниот проект за подобрување на општинските услови овозможува кредитот да се враќа десет години со три години грејс-период, односно седум години по две рати годишно со камата од 1,31 отсто. 

- Една рата изнесува 38.641 евро, се плаќа во февруари, а другата во август, почнувајќи од 2015 година. Или за половина милион евра кредит, Прилеп ќе плати само нешто повеќе од 42 илјади евра камата, да добие модерно сообраќајно решение што е далеку поевтино од задолжување во комерцијалните банки, и тоа без дополнително оптоварување на буџетот - оценува Звездакоски. 

Гарант за враќањето ќе биде Министерството за финансии, а Прилеп ќе се приклучи кон 29 општини кои досега го користеле овој тип кредит.

http://dnevnik.com.mk/?ItemID=6FAC4926D623ED4B98060568C5A58CAD

i edna slika od mene so prva i vtora faza