Црква Св. Пророк Илија - Дојран (обнова)

Дојран, 18.08.2009 год. /РТГ вести/Со концерт на Скопскиот Дувачки квинтет одржан во црквата Свети Илија во Стар Дојран синоќа заврши манифестацијата ‘’Дојрански ракувања’’.  
Во програмскиот избор прозвучија дела од Хајдн, Фаркс, Гершвин, Бизет, а беа застапени и домашните автори: Александар Џамбазов со Хумореска и Смокварски со Тешкото од балетот ‘’Македонска повест’’.

-    ‘’Дојран има своја публика што го докажува и бројното присуство на
концертот во ова прекрасно здание на црквата Св. Илија која на наше задоволство се покажа и со извонредна акустика’’, истакна обоистот Проф. Васил Атанасов.
Напоредно со затварањето на летната културна сцена концертот на Скопскиот Дувачки квинтет го најави и отварањето на сценскиот простор на црквата Св. Илија, за културно-програмски остварувања по пауза од речиси три децении.
Заслужни за реновирањето се првите луѓе на локалната самоуправа во Дојран и Градоначалникот Глигор Чабулев кој со сопствени донации уште пред две години, започна со обновувањето на овој духовен храм за да може и културно да го оживее овој простор.
- ‘’Црквата датира од 1874 година, а беше разрушена во 1918 и е најголем духовен храм на овие простори. Со обновата се надевам дека ќе стане и  културно собиралиште на вредности и уметнички збиднувања, за кое несебична подршка даде и Министерството за култура на РМ‘’, истакна Градоначалникот Чабулев. /Извор: РТГ/

    Таа требала да им служи на сите дојрански христијани, но место тоа, станала јаболко на раздорот. По самата изградба, турскиот Султан со указ ја дава на користење на грчките попови, односно на грчката патријаршија. Бидејки дојранските верници не го разбирале грчкиот јазик побарале од Султанот да им ја даде на управа ним, односно богослужбата да се врши на словенски јазик. Султанот гледајки ја желбата на 2/3 од христијанските семејства во Дојран, со посебен указ црквата ја дава на Егзархијата како бугарска црква. Бугарскиот јазик како словенски јазик бил поразбирлив и поприфатлив за верниците, но не било реткост поповите богослужбите да ги служат и на македонски јазик. Губејки ја црквата, грчката патријаршија за потребите на своите верници, западно од таа црква, преку рекичката, изградиле нова црква во 1911 година која меѓу народот ке остане запаметена како "Грчка црква". Духовната поделеност на дојранчани ке живее се до рушењето на градот за време на Првата Светска Војна поточно до 1916 година.