Општинска зграда Куманово

Фирмата „Слемепроект“ од Штип е најповолен понудувач за изготвување на главниот проект со сите фази за идниот административно – деловен комплекс во Куманово. Во договорот потпишан помеѓу оваа фирма и Центарот за развој на Североисточниот плански регион е предвидено за услугата да бидат исплатени 2.619.600 денари, односно околу 42 илјади евра. Проектната документација треба да биде изготвена во рок од два месеци, и тоа врз основа на веќе избраното идејно решение од пред една и пол година. По нејзинота изработка, треба да следува и фазата за избор на приватен инвеститор кој ќе учествува во овој проект на општина Куманово.

Преку планираното јавно – приватно партнерство ќе треба да се заврши административниот простор за локалната самоуправа, при што остатокот од површината на објектот ќе биде отстапен на приватниот партнер. Зданието со приземје и шест ката е предвидено да има површина од 13.208 метри квадратни. Од нив, околу 7.000 метри квадратни ќе и припаднат на локалната власт од Куманово и на подрачните министерства, додека останатиот простор е планиран за приватниот инвеститор.

#
Објавено на 10.12.2013 во категорија Вести.