Села во Македонија (општо)

Галичник

ТАРИНЦИ ПОМЕЃУ УБАВИНАТА И БЕГСТВОТО НА МЛАДИТЕ



Селото е распнато помеѓу две крајности: добрата инфраструктурна уреденост и се' поголемиот број млади што си ја бараат иднината во странство

Иван Бојаџиски

Штип – Таринци е едно од најголемите села во источна Македонија. Се наоѓа во општина Карбинци, на само десетина километри од Штип. Селото е распнато помеѓу две крајности: се' подобрата инфраструктурна уреденост и се' поголемиот број млади што си ја бараат иднината во странство. Третиот елемент во приказната за ова село е во големиот број млади кои не се решаваат да формираат семејство. Причината е една: без работа и без пари, семејство не се издржува.

„Селото, во однос на инфраструктурата, е одлично уредено. Имаме водовод, канализација, парк, сега се гради детска градинка, плоштад со мал парк, асфалтирани се речиси сите улици... Но тоа за нас младите не е доволно. Бидејќи нема работа, сите си ја бараат среќата во странство. Над триесетина млади последниве години заминаа во европски држави, и тоа сите со бугарски пасоши. Тоа е најголемата болка, младите луѓе, поради тоа што не можат да најдат работа, не се решаваат да формираат семејства, па има многу стари моми и ергени“, вели Дарко.

Неговите зборови ги потврдува неговиот другар, 33-годишниот Славчо. „Нема шанси да се женам бидејќи не можам да си обезбедам живот ниту за себе, а не и други да земам на душа. А излезот се чини дека е скопскиот аеродром и некаде во Европа. Јас работам на тоа, малку време бев и во Германија, ама јазикот ми беше пречка, инаку таму работа има за секој што сака чесно да работи и да заработи“, вели Славчо.

„Како човек да се жени кога нема работа, затоа сите заминуваат во странство. Во последните години над триесетина заминаа со бугарски пасоши“, велат Дарко, Орце и Славчо

Орце држи продавница за прехранбени производи. „Оваа продавница храни седум усти зашто моите родители се стечајци. Не стасува за се' што ни е потребно за нормален живот, но некако се живее“, вели Орце.

Никој не може да каже точно колкав е бројот на стари моми и ергени во селото кои не сакаат да формираат семејство, но сите тврдат дека е голем.

Гордана е млада наставничка во подрачното училиште во Калузлија. Таа вели дека во Таринци е убаво да се живее, но е загрижена поради фактот дека во селата со доминантно македонско население се намалува бројот на децата, за разлика од селата во кои доминира турското (јуручко) население. Во селото недостига медицински персонал, не е доволно да имаме доктор што ќе доаѓа само еднаш во неделата, ќе препише лек, а за него треба да се оди во Штип бидејќи тука нема аптека, иако селото има над илјада жители.

Сања, која има 21 година, работи во убаво уредена продавница. Вели дека женскиот свет има поголеми проблеми од машкиот. „На Таринци му фали барем едно кафуле за да има каде и ние младите да излеземе навечер, да се дружиме. Пензионерите имаат пензионерски клуб, мажите имаат спортски терени и може да седнат пред некоја продавница или во флиперницата“, вели Сања.

Најголема знаменитост во селото е познатата Турска кула, која се наоѓа на самиот негов влез. Но и таа е во распаѓање бидејќи никој не се грижи за неа, иако е надалеку позната. На влезот од селото се гради нова детска градинка, но, ако трендот на заминување на младите од Таринци продолжи, тогаш и тоа може да се покаже како промашена инвестиција. Сепак, сите во селото велат дека е добро што се гради градинката.

Јордан Трајков е пензионер. За да не му мине денот џабе, работи на 4,5 декари плодни ниви, кои му биле вратени со денационализација. Нему животот во Таринци му е убав.

„Преку ден сум на нива, приквечер со друштво во пензионерскиот клуб. Имаме се' што ни треба во селото, но лично сум загрижен за големиот број стари моми и ергени што ги имаме. Традиција во нашето село било да се склучуваат бракови на млади години, но сега не го гледам тоа. Тоа е проблем што мора да се решава. Факт е дека младите немаат работа и не сакаат да преземат одговорност и да создадат семејство. Нам ни треба уште една фабрика, една веќе имаме, за чевли. Така ќе се надмине овој голем проблем“, вели Трајков.

http://www.utrinski.mk/?ItemID=0B4CC9C5D44DEE429B9CCD997AE882CE

Тврдината и селото Град, делчевско





селото

VILLAGE KURATICA AERIAL PANORAMA

http://ohrid360.com/listing/village-kuratica-aerial-panorama/

Како се води грижа за селата во Македонија

Павлешенци

http://star.dnevnik.com.mk/?pBroj=1909&stID=5605

Како се води грижа за селата во Македонија

Проевце

http://www.igeografija.mk/Portal/?p=1222

http://www.kariera.mk/viewnews/7598263560583680419/kumanovska-banja-postoi-samo-na-geografska-karta

Сместено во подножјето на планината Китка од скопската страна спие селото Долно Количани. Животот во мирна идила често привлекува авантуристи кои решаваат да преноќат во селото пред да продолжат понатаму со патување. Околината нуди прекрасна недопрена природа и чист планински воздух кој не се наоѓа во градот.

Ростуша (или Ростуше)

Село Димонце, кратовско

Dimonce Village by rante_to4ak, on Flickr