Главната пошта по вчерашниот пожар. Објектот се` уште е чуван од полициски возила и од едно противпожарно возило, заграден е со лента, веројатно ќе се одвива полициски увид на лице место:

Бидејќи се присобраа постови, а и во очекување на истрагата за пожарот и градежните работи за санација на штетата, еве посебна нишка за овој објек.

ГАЛЕРИЈА Поштата била најдобро архитектонско дело во Македонија за 1975 година

Објекот во кој работеа „Македонски пошти“, кој се запали вчера, е најпознато дело на битолскиот ликовен уметник и архитект Јанко Константинов (1926 - 2010), за кого се смета дека ја внел современата светска архитектура на македонскиот простор. Авторот, за Телекомуникацискиот центар во Скопје, ја има добиено престижната Борбина плакета за архитектура во Македонија за 1975 година.

За овој објект е пишувано со пофалби и во угледните странски списанија, како во италијанското „Л аркитектура“.

За неговото дело карактеристични се формата што прераснува во скулптура и откривањето на експресивноста на натур бетонот.

Како етаблиран и афирмиран проектант од Калифорнија, Константинов по катастрофалниот земјотрес во 1964 година одлучил да се врати во Скопје и да придонесе во изградбата на разурнатиот град. Работел на планот на централното подрачје на Скопје, на сеизмолошката станица во Валандово. Од 1966 година ги изработил своите највредни конкурсни проекти: „Младински дом, седум секретари на СКОЈ“ во Загреб, Собрание на град Скопје, Трговски центар во Скопје, споменик на Илинден во Крушево, МАНУ во Скопје, административна зграда на ГП Пелагонија, Ормен банка во Техеран, повеќенаменска кула во Кувајт, вила во Грција и вила во Солун. Во овој период се проектирани и изведени неговите архитектонски ремек-дела: Педагошка гимназија „Никола Карев“ во Скопје 1965-1968; Медицински центар во Скопје 1968-1970; Телекомуникациски центар за ПТТ во Скопје - прва фаза 1972-1974 и шалтер салата, втора фаза 1979-1980,
хотелот „Александар Палас“, објектите на „Т-мобиле“ МК во комплексот на Македонски телекомуникации.

Студирал на Архитектонскиот факултет во Белград. Во 1954 година заминал на специјализација во Кралската данска академија за архитектура и уметност во Копенхаген. Оттогаш, па сè до крајот на 1964 година, работел во странство. Во тој период Константинов бил во центарот на актуелните светски збиднувања во архитектурата, имајќи можност да работи во најелитните проектантски бироа.
Во 1958 година го проектирал музејот во градот Олборг во Данска. Од 1958 до 1964 година, престојувал во Лос Анџелес, во САД.
Од проектите од овој период се издвојуваат: покриениот пливачки базен во Лос Анџелес 1960-1962 и Научниот центар за Јужна Калифорнија 1962-1965.

Покрај наградата за Телекомуникацискиот центар, Константинов е носител и на Борбина плакета за архитектура во Македонија во 1969 година за Педагошка гимназија „Никола Карев“ во Скопје, наградата „11 Октомври“ на СР Македонија за архитектура и уметност во 1975 година за Телекомуникацискиот центар во Скопје, наградата „Андреј Дамјанов“ во 1994 за севкупното архитектонско творештво и др.
Донирал 108 акварел слики во Битолското биро и музеј. Работел и на фрески и икони за битолската црква „Пресвета Мајка Божја“.

Извор: Порта3 и Википедија

Се слагам со chelsea, поради својата специфичност во деталите а и целината објектот според мене е невозможно да претрпе било каква баркона реконструкција a и обид за такво нешто би бил неуспешен, тежок за изведба а воедно и катасатрофален. Eдинствено може да се реконструира исто како што изгледаше, во никој случај да се урне или да претрпе било какви модернистички или барокни измени. Овој објект мора да си остане таков како што е и во матерјалите и во изгледот.

Edited by HugoGoulding - 16-Jan-2013 at 19:46

Originally posted by HugoGoulding ...објектот според мене е невозможно да претрпе било каква баркона реконструкција....

da bidam malku cinicen: aj se kladime deka moze

Steta so ogled na toa teka se raboti za eden od najmarkantnite objekti vo Skopje, no so srekja nemalo covecki zrtvi.

Originally posted by Dexter26 Одговарајќи на новинарско прашање директорот Рафиз Алити рече дека имале отворен тендер за осигурителна компанија, кој уште не е затворен, има клаузула во која стои дека секој кој ќе го добие ќе го надомести осигурувањето на зградата, кое важи од 1 јануари годинава. - Тој што ќе го добие треба да ја покрие штетата. На тендерот имавме четири-пет компании кои се заинтересирани, потенцира Алити.

Originally posted by macedonia

Отидоа прекрасните мурали 
Важно Рафиз Алити вика дека штетата била минимална. Има ли очи тој? 

sega ke napravat i "poubavi" i "postari"