Карфур маркети

Карфур се служи со измами!


Само што се појави на македонскиот пазар, а Карфур почна со измами. Имено, во рамките на Сити мол работи маркетот кој беше најавен како дел од познатиот француски ланец маркети, познат под името Карфур.

Маркетот кој работи под тоа име не е дел од францускиот трговски ланец, а логото, називот Карфур го користи само привремено додека не се пробие на македонскиот пазар. Сопственик на маркетот е грчката компанија Маринопулос која ги купи Карфур маркетите во Грција откако оваа француска фирма реши да го повлече својот бизнис од Грција. Со овој Карфур, во Скопје, освен тоа менаџира бугарска група која нема ништо заедничко со Французите.

Освен со лажната промоција низ познат европски бренд, Карфур врши измами на македонскиот пазар и со цените на производите. Имено, од стотиците артикли неколку десетици артикли, и тоа сите од македонски производители, се продаваат по цени помали од набавните. Ова, на прв поглед, е добро за дел од купувачите кои се токму за нив заинтересирани. Но, трговците кои легитимно работат и се претставуваат во свое име, како Тинекс, Веро, Скопски пазар или Камфуд... имаат проблем затоа што конкуренцијата им продава артикли под дампинг цени и го нарушува пазарот надвор од трговските и законските прописи. Ова резултира со најави на Тинекс, Веро, Скопски пазар... до производителите на овие артикли дека нема да набавуваат од нив бидејќи истиот производ им го даваат на Бугарите од Карфур со непазарно мали цени. Ваквата најава може сериозно да ги загрози производителите од Македонија бидејќи најголема продажба остваруваат преку наведените трговски ланци, а не преку грчко-бугарскиот таканаречен Карфур. Тоа, секако се одразува и на работните места кај производителите и нивните бизнис-планови.

Деновите производителите се подготвуваат да престанат со испорака кон Карфур доколку не се држи до договорите - да продава според пазарни цени, бидејќи начинот на кој почнале да работат го нарушува пазарот и севкупните бизнис интереси во производството и трговијата.
Инаку Сити мол, освен лошата изведба, пукнати цевки и невидена нечистотија на просторот во и околу објектот... би требало да одговори и дали условите под кои се тука Зара и неколку други сестрински шпански компании се еднакви со условите на закуп кои важат за сите други. Би било непријатно македонските фирми да плаќаат закуп под едни, а Шпанците под сосема други услови и, патем, можеби и да им се гарантира профитност во првите години.

Агенцијата за монопол беше активна, несекојдневно брутална кон монополското однесување кај некои фармацевти, меѓу кои секако не спаѓа омилената им Промедика. Дали и кај Карфур и Сити мол ќе се појавата со заклучоци за нарушување на пазарот, ќе видиме.
вечер

Originally posted by Cloverstack Изгледа Карфур и Скопје Сити Мол не закупиле доволно рекламен простор во „Вечер“...

Навистина е одвратно да се читаат крајно тендециозни, а истовремено крајно неписмени и дрски текстови, со какви што Вечер изобилува и затоа не препорачувам да се цитира на форумов. Инаку очајно е да се гледа дека јавноста е манипулирана и дезинформирана за најбанални работи, лесни за проверка во една секунда, се разбира ако имаш желба. Еве ја главната страна на официјалниот сајт на Карфур, видете пишува дека отвориле нов маркет во ФИРОМ:



Според мене пропагандата доаѓа во 3 главни насоки:

1) Значително рушење на маржите на досегашните трговци (некаде на форумов ми се врти во глава имаше текс кој пренесуваше 150-250% високи маржи во Македонија). Карфур веројатно ги растресе и наместо сите да сме задоволни што кај нас влезе првиот глобален маркет кој нуди многу поширока гама на производи, следуваатнелогични и лажни критики од Вечер!

2) Не е за заборавање дека споственикот на најголемиот наш ланец супермаркети - Тинекс е еден од најголемите властодржци во моментов, голем учесник и спроведувач во пералната наречена Ск 2014, силно инволвиран во власта.

3) Последно, но не и по значај: се работи за дескридитирање на фирмата само затоа што е од Грција и Бугарија, а купците се лажат со цел да се одвратат од неа!

Дали некој може да ми објасни зошто неколку продавачки и касиерки во истоимениов хипермаркет ми зборуваа на бугарски? Не дека имам нешто против бугарите или кој и да е туку не е во ред во сред Скопје да ти зборат во маркет бугарски...а ни на дијалетки исто така...

Andrej_LJ, ete i toa go vidovme, da debatirame na idiotski tekst vo pecaten medium koj funkcionira isklucitelno so "muskuli".

alexsend, vo dijalektite go vbrojuvas i skopskiot ili komentiras od pozicija na lokal-patriot?

Originally posted by alexsend Дали некој може да ми објасни зошто неколку продавачки и касиерки во истоимениов хипермаркет ми зборуваа на бугарски? Не дека имам нешто против бугарите или кој и да е туку не е во ред во сред Скопје да ти зборат во маркет бугарски...а ни на дијалетки исто така...

Нормална пракса - четох дека во Burger King са вработени турци од Турциjа. Во Карфур вероватно временно са пратени касиерки од бугарските супермаркети. Тоа се прави за обука на местниот кадар а и да се поеме од касиерки со изкуство големиот бран во првите неколку недели.
Не разбрах, бугарките ли зборат на диалект? Сигурно са пратени од Бургас или Варна. Дури е много вероватно - там гужвата е во летните месеци, сега е поспокоjно, Карфур могат да работат со помалко луге.




Edited by VirginAtlantic - 15-Oct-2012 at 12:00

Преди време во првиот софиски Jumbo, на бул. Бугариja имаше македонски касиерки, кои се учеха, за отварането на првиот Jumbo во Скопjе. На мене лично овоj факт ми се стори много забавен, и никако не во ред.

У текстот не за џабе се потенцирани освен Тинекс и КАМ ("спонзор" во МЗТ и Вардар), Веро (кој си лапна профи локација спроти НБРМ) и СП. Не се споменуваат Тедико, Рамстор, големите ланци на маркети во Источна и Југоисточна Македонија и сл. Освен што у страт е тенденциозен и недоличен за еден дневен весник, тотално е празен со информации, туку некој се водел според сопствени размислување (за тоа си има колумни, а не да личи на "истражувачко" новинарство).
Но, тука има едно големо НО. Карфур сега за сега игра тотално нефер на пазарот и со продажба на сумљиви продукти. Кисело млеко за 9 денара!, кроасан за 5 денари кој до пред помалку од година дена во големите ланци се нудеше за 7-8 денари од парче без вклучување на профитот на маркетот и сл (овде има прост пример на дампинг, затоа што 50 посто помала цена во однос на конкурентите не е мала, па макар била и на кроасан). Вчера ми кажаа дека наводно се продавала цела пита бурек за 100 денари. Тоа е теоретски невозможно и во најмалите македонски градови каде цените се доста пониски. Од друга страна, освен продуктите со знакот на Карфур кои се прилично ефтини, добар дел од македонските продукти се поскапи наместо во Тинекс, Веро и сл.
Така да, колку и да има трикови, а можеби и незаконски активности, сепак Карфур ни одблиску не е така ефтин како некој што го прави. Ако основен продукт како што е млеко е поскапо кај нив, значи дека маркетот има ефтини цени само на продукти кои реално и не се дел од тн. основни продукти или продукти кои не спаѓаат при пресметување на потрошувачката кошничка. За дел од проблемите си постојат соодветни институции и инспекции за проверка на квалитетот на некои производи и тоа е тоа. Сепак, очекувам и во иднина сличен тип на текстови, поврзани со националност на одредени луѓе и маркети во овој мол и сл. Тоа е капитализам по балкански терк.

Вечер/Сител се однесуваат слично како А1 на Велија, кога беше во полн ек. Одбираат компанија (кој и како нарачува не нагаѓам) и потоа прават вистинска информативна војна против таа компанија. Ова секако треба да се санкционира, бидејќи е своевиден медиумски рекет.

Originally posted by Andrej_LJ Навистина е одвратно да се читаат крајно тендециозни, а истовремено крајно неписмени и дрски текстови, со какви што Вечер изобилува и затоа не препорачувам да се цитира на форумов. Инаку очајно е да се гледа дека јавноста е манипулирана и дезинформирана за најбанални работи, лесни за проверка во една секунда, се разбира ако имаш желба. Еве ја главната страна на официјалниот сајт на Карфур, видете пишува дека отвориле нов маркет во ФИРОМ: Според мене пропагандата доаѓа во 3 главни насоки: 1) Значително рушење на маржите на досегашните трговци (некаде на форумов ми се врти во глава имаше текс кој пренесуваше 150-250% високи маржи во Македонија). Карфур веројатно ги растресе и наместо сите да сме задоволни што кај нас влезе првиот глобален маркет кој нуди многу поширока гама на производи, следуваатнелогични и лажни критики од Вечер! 2) Не е за заборавање дека споственикот на најголемиот наш ланец супермаркети - Тинекс е еден од најголемите властодржци во моментов, голем учесник и спроведувач во пералната наречена Ск 2014, силно инволвиран во власта. 3) Последно, но не и по значај: се работи за дескридитирање на фирмата само затоа што е од Грција и Бугарија, а купците се лажат со цел да се одвратат од неа!

 
Еве мало потсетување, како што имам напишано во пост #7 од оваа тема на форумов, уште од 4 октомври 2012 е познато дека Карфур не е присутен на македонскиот пазар како странски бренд, туку како франшиза претставувана од страна на грчката фирма Маринопулос, но очигледно на Вечер дури сега им текнало да проверат во каков формат е присутен Карфур во Македонија, како бренд или како франшиза.
 
Што се однесува до македонските производители, како и до Веро, Тинекс и таквите како нив, слободно можат да си бираат:
 
а) Доколку македонските производители престанат да му продаваат од своите производи на Карфур за да ги заштитат профитерските интереси на Веро, Тинекс и таквите како нив, тогаш ќе остават негативен впечаток кај странските инвеститори кои ќе препознаат дискриминација кон странските инвеститори во Македонија и протекционизам кон македонските домашни компании и профитери;
 
Или
 
б) Македонските производители ќе продолжат да соработуваат со Карфур и ќе го остават да си го тера својот бизнис како сака, а на Веро, Тинекс и таквите како нив ќе им остане или буквално да му ги подарат своите муштерии на Карфур со тоа што ќе престанат да соработуваат со македонските производители, или да ги намалат цените на производите кои ги продаваат во понормални и поразумни рамки.
 
Јас лично не видов некои огромни разлики во цените на производите кои се продаваат и во Карфур и во сите останати продавници во Македонија, цените се речиси исти.
 
И во Карфур се продава тајландска туна, која едни ја продаваат како Happy Tuna, други како Magic Tuna, КАМ ја продава како Blue Sea Tuna, а понекогаш и како КАМ или КАМКО туна по цена од 62 денари, Карфур ја продава како Bruna Tuna по цена од 63 денари, што го прави Карфур поскап од КАМ за 1 (ЕДЕН) денар, не е некоја сериозна разлика, но сепак постои.
 
Туната ја наведов само како пример, а ги има безброј примери на производи кои се продаваат како во Карфур, така и во сите продавници во Македонија, мали, средни, големи, супермаркети, сеедно, сите ги продаваат истите производи по речиси исти цени, а по тоа што го забележав, Карфур не е исклучок.
 
А за другите производи кои ги има само во Карфур, тоа си е веќе друга приказна.
 
И иако не е поврзано со темава, сепак ќе коментирам околу цените на кириите во Скопје Сити Мол:
 
Скопје Сити Мол е приватен трговски центар и неговите сопственици имаат целосно право да ги одредуваат цените на кириите како ќе им текне, кој е незадоволен од киријата која ја плаќа, слободно може да си го пресели бизнисот на друго место, тоа е една од најосновните карактеристики на капитализмот, односно на слободната пазарна економија - робата и капиталот слободно можат да се движат во било кои правци.


Edited by Dexter26 - 15-Oct-2012 at 17:32