Булевар АСНОМ / АВНОЈ (+изградба на нов мост)

Тоа е добро прашање, а не е премногу и онака пред семафорите веќе е булеварско решение. Отприлика уште 500-600м требало да се реновира и прошири.

„Потребни се уште два-три дела за да биде цел(а)“

Сега ќе бидат локалните избори, сто моста ќе видиш.

Шилегов планира изградба на пешачки мост, а зошто не планира и сообраќаен мост не знам. Претпоставувам дека е комплицирано да се пробие булевар помеѓу фабриките и куќите? Како и да е, верувам дека ќе биде отворен за предлози.

Нов мост на Вардар, меѓу Аеродром и Гази Баба За 24 месеци ќе има нов мост во должина од 120 метри на булеварот „АСНОМ“, кај хотелот „Русија“. – За проектот е предвидено пробивање и продолжување на нов булевар во должина од 2.107 метри, од хотелот „Русија“, преку Вардар и населбата Керамидница до Скопски саем, рече на денешната прес-конференција скопскиот градоначалник Петре Шилегов. Проектот е вреден од 7,5 до 8 милиони евра. На денешната прес-конференција присуствуваа и градоначалниците на Аеродром и на Гази Баба Златко Марин и Борис Георгиевски.

ТВ 21

Фала богу! Конечно некој собра храброст
Многу ме интересира како ќе го изведат само, 8 милиони нема ни за откуп на куќи да им стигнат не па за друго.
Само нека започнат што побрзо

 
Ваквиот "проект" не може да заврши од наједноставна причина бидејќи воопшто не ни започнал, шилето во шишето и плавите жолтици воопшто не се ни потрудиле да направат барем асална анимација, за што мора да им се признае на пвеводбениците и нивниот пастир дека успешно развија талент со нивниот миленички проект Скопје 2014.
 
Замислата е речиси неизводлива од самиот почеток - треба третина од Керамидница да се сруши за да се изградат мостот и двата краци кои ќе водат кон Скопски Саем и кон Автокоманда.
 
За да биде бетер, ќе остане еднонасочната улица 518 и тесното сообраќајно грло кое и денес го формира во Керамидница.
 
За ваква идеја воопшто да стане реалност, потребна е урбанизирана Керамидница, а не приградска селска населба, нема овој мост така лесно да помине како мостот во Маџир Маало паралелно со железничкиот мост кој води кон Железничка Станица Скопје.
 
Ма да, со оглед на фактот дека Санос одеднаш како да се врати во живот - или барем така одглумија пред јавноста кога им дојде зајко кукурајко во посета во јули 2017 - не би било изненадување изградбата на овој мост да послужи како параван за експропријација на фабриката за автобуси, од која Славе Распашковски би бил главниот добитник.
 
За жал, не би било прв пат, а уште полошо, не би било ни последен пат даночните обврзници да бидат оштетени од изградба на наводно инфраструктурен проект со профитерска позадина за поединци кои со нетрпение чекаат државна/јавна/градска/општинска инвестиција да се реализира баш врз нивното приватно земјиште.


Edited by Dexter26 - 24-Mar-2018 at 03:55

Многу важен елемент од инфраструктурата на градов, целосна поддршка за градење. Овој проект не беше дел од изборната програма, па нависитина ми е драго што е вклучен сега (колку што се сеќавам Коце го имаше во избирните ветувања). Но дали тоа значи дека некои од инфраструктурните ветувања на Шилегов ќе отпаднат?

На кратко, главни придобивки според мене:
1. Општина Аеродром добива нов патен излез и врска со другите делови од градот, бидејќи постоечките се веќе пред колабирање. Конкретно со овој мост кон Центар + северните општини.
2. Мостот ќе го растерети веќе преоптеретениот мост Близнак кое е тесно грло на планираниот булеварски секундарен прстен (булеварите со имиња на екс-југословенските републики).
3. Поврзува делови од градот кои физички се блиску, но патно се оделени со километри: населба Аеродром, Јане Санданаски, Ново Лисиче со Автокоманда, Железара...
4. Ваков пат ќе повлече урбанизирање на Ќерамидница. Населба која е премногу блиску до јадрото на градот за да биде така урбанистички запоставена!
5. Нови врски на јавниот сообраќај и тргање на некои од огромниот број линии кои одат под железничка.

Едно негативно што би било е дека сепак и овој мост е по оската исток-запад и повторно се дава приоритет на тие правци. Сепак, тој треба да биде поддршка на секундарниот прстен (точка 2 од придобивки) кој ќе оди итоа како кон стимулирање на развојот на градот и по вертикала.




Edited by Blagh - 24-Mar-2018 at 17:06

Originally posted by alexsend Многу лош политички текст. Многу, многу, многу лош. Наместо да дадеш поддршка и радост за нешто кое е од клучно значење за градот! Зар има некој кој не е среќен за ова!? Форумов е за градежништво, а вакви политичко жаргонски текстови по република и компанија можеш да ги пишуваш. Тука коментарите треба да бидат со друг однос. Ова е за мене проект, а не ширење на ленти по 1м. И за ваков проект да...треба да имаш м*да. И добро е што воопшто некој собрал храброст да збори! Брзо ќе дојде септември и ќе видиме дали ќе се започне со работа. Ако почне симнувам капа и другарот ќе се зацементира како што беше зациментиран и Коце 8 години! Ако не почне ќе има избори пак за многу кратко и мандатов нема да трае долго, а ќе биде и последен!!! Многу просто.

 
Очигледно моите коментари ти делуваат многу лошо бидејќи ги читаш низ политичка призма, па затоа ги нарекуваш "многу лош политички текст".
 
Моите коментари се темелат исклучиво врз реалната слика во Скопјево и општо во Македонија, а реалната слика е дека една третина од Керамидница да се сруши е тешко изводлива инвестиција - освен ако поддржуваш и те радува изградба на мост кој би поминувал над куќите без нивна експропријација и нивно рушење, ако тоа е воопшто изводливо, а самата помисла на таков идиотизам потсетува на "Миле ми текна" идеите на пвеводбеничкиот пастир.
 
А кога сме кај политиката, ене ти ги двокатните градски автобуси кои повторно сообраќаат на градската превозна линија со број 50, само не знам дали повторно шилето во шишето и плавите жолтици ангажирале диџеј, овој пат на автобуската постојка после Соравија наспроти ресторан Национал.
 
Не си играј политика со мене, туку обиди се да ја видиш реалната слика - Керамидница е приградска селска населба со куќи набутани една до друга и ќе има потреба од бајаги поголема експропријација на приватни имоти за реализација на ваквата инвестиција која - во право си, е` прекрасна идеја, но освести се веќе еднаш - ова е Македонија - земјата на чудата, каде што убавите инвестиции секогаш остануваат неостварени соништа, или прескапи соништа од кои секогаш некој близок со дежурните криминалци на власт заработува добар профит.


Edited by Dexter26 - 24-Mar-2018 at 21:35