Демографија

ДСЗ ги демантираше бројктие, иако се поклопуваат со моите прогнози па мене ми делуваат реални. Мислам на оние за резидентно население.

Originally posted by Џоле Бројките се како произлезени од школата на покоен Амди Бајрам: 63% + 29% +12% = 104% Затоа треба да се причекаат официјалните резултати.

Се сложувам со демантот на ДСЗ. Ова 29% воопшто не е реално. Стави 25% и може да пројде. Али да не шпекулираме за 2 дена ќе имаме презентација.

Originally posted by user8642 Суровата истина, тврдата политичка реалност, во контекст на резултатите од пописот, е дека бројките зависат директно од постигнувањето на договор со Бугарија. Односно, зависат од таканаречениот интегриран сеопфатен документ за финално затворање на сите прашања. И тоа бројките се ставени на маса како пазар за македонската страна. Да упростам, дадеш Гоце Делчев, добијаш 17% албанци. Сакале ние да е тоа така или не, верувален или не, тоа Е така!

Значи треба да одбереме или блокада или граѓанска војна дома(бидејки Албанците дефинитивно нема да бидат задоволни со 17%)?

Originally posted by FT Значи треба да одбереме или блокада или граѓанска војна дома(бидејки Албанците дефинитивно нема да бидат задоволни со 17%)?

Тоа ќе се маскира со евроатланската иднина, не се секирај за тоа. Барем тоа политичко крило е лесно менаџибилно во Македонија

Македонија во дебел минус

ОБЈАВЕН ПРВИОТ СЕТ НА РЕЗУЛТАТИ ОД СКРИНИНГОТ НА НАСЕЛЕНИЕТО

Вкупното резидентно население во Македонија на петти септември 2021 година изнесувало 1.836.713 жители, што е за 185.834 луѓе помалку во споредба со резултатите од претходниот попис на населението во 2002 година, кога имало 2.022.547 жители. Забележани се 207 празни „населени“ места. Бројката од 132.269 лица што не се попишале и за нив биле преземени податоци од базите на други институции, според директорот на Државниот завод за статистика, Апостол Симовски, делумно би можела да биде и резултат на бојкотот на пописот.

– Да не беа црните кампањи дека работиме надвор од стандардните на ЕУ, дека веќе претходно сме се договориле, ќе беше многу помала оваа бројка. Ќе сфатат дека згрешиле тие што ја злоупотребија кампањата. Мое мислење е дека никој не треба да биде казнет што не се попишал. Не знаеме дали не се попишале поради отворен бојкот – изјави Симовски, објаснувајќи дека во периодот на попис голем број граѓани биле на годишни одмори и дека имало и многу други фактори што ја диктирале оваа бројка.
За да ја увери јавноста дека при собирањето и обработката на податоците се почитувани сите меѓународни стандарди, Симовски за нивна презентација одржа прес-конференција во салата на Македонската филхармонија, пред претставници на државни институции, на Евростат, на дипломатскиот кор, на заводите за статистика од земјите од регионот, а претходно им додели благодарници на институциите што придонеле за успешното спроведување на статистичката операција.

Но, како што се очекуваше, при презентацијата на резултатите, приоритет им беше даден на податоците за националната структура на населението, така што, според вчерашната објава на Државниот завод за статистика, 58,44 проценти од населението се изјасниле како Македонци, 24,30 отсто како Албанци, 3,86 отсто како Турци, 2,53 отсто како Роми, 1,30 отсто како Срби, 0,47 отсто како Власи, 0,87 отсто како Бошњаци, а тука влегуваат и околу осум проценти од категориите: други неспомнати, не се изјасниле, непознато и за кои податоците се преземени од административни извори. На тоа се надоврзуваат и податоците според кои 61,38 процент од попишаното население се изјасниле дека мајчин јазик им е македонскиот, 24,34 проценти – албанскиот, 3,41 отсто – турскиот, 1,73 отсто – ромскиот, 0,17 – влашкиот, 0,61 отсто – српскиот, 0,85 – босанскиот…
Со оглед на претходните шпекулации со значително повисок процент на Албанци, за обележување е изјавата на лидерот на ДУИ, Али Ахмети, како коалициски партнер во власта, кој меѓу првите упати честитки за успешно спроведениот попис.
– Им честитам на сите институции што беа вклучени и го помогнаа пописот како процес, кој започна во март минатата година со дијаспората во земјата и заврши во септември со пописот во државата, процес и предизвик нималку лесен, но успеавме да биде завршен успешно – рече Ахмети.

Инаку, според религиската припадност, 46,14 проценти се изјасниле како православни, 32,17 проценти како муслимани (ислам), 0,37 проценти како католици, а во овој, според објаснувањето, се појавиле и други религиски заедници што ги немаше во претходните пописи, а какви што се евангелско-протестантски христијани, будисти…

Во однос на родовата структура, пописот покажал дека 50,4 отсто се жени, а 49,6 отсто се мажи. Според возрасната структура, најголем процент од населението е во возрасната група од 40 до 44 години, а како куриозитет беше наведен податокот дека се попишани 51 лицe на возраст од над 100 години. Бројот на домаќинства изнесува 598.632, а просечниот број на членови на домаќинствата е 3,06.

Основна цел на пописот е да се утврдат бројот на населението и неговиот територијален распоред, да се добијат податоци за виталните, образовните, економските, етничките, миграциските и другите белези на населението. Пописот е основа за процена на бројот и на движењето на населението во меѓупописниот период, како и за долгорочни проекции на бројот на населението во иднина. Со пописот на населението, домаќинствата и становите се обезбедуваат податоци за: вкупниот број и за територијалната разместеност на основните единици на пописот (лица, домаќинства и станови), карактеристиките на основните единици на пописот (лица, домаќинства и станови) со нивните белези и за утврдување на промените што настанале во периодот од спроведувањето на последниот попис на населението, домаќинствата и становите во 2002 година.

Во дијаспората соодносот Македонци – Албанци е обратен

Во рамките на пописот 2021 беше овозможено македонските државјани што живеат и престојуваат во странство повеќе од една година да се самопопишат преку веб-апликација, која беше достапна на веб-страницата за попис.
Оваа можност ја искористија 258.932 наши сонародници, од кои 24,55 отсто се изјаснија како Македонци, 66,42 отсто како Албанци, 4,78 отсто како Турци…
Оваа категорија граѓани не влегуваат во вкупното резидентно население на Македонија.

Исчезнаа луѓе колку за два града како Куманово
Кусокот од 185.834 луѓе во Македонија во однос на пописот од 2002 година е за двојно поголем од бројот на жителите што во септември беа попишани во Куманово.
Имено, во таа најмногубројна општина, според овој попис, има 98.104 жители што значи дека помеѓу двата пописа исчезнале луѓе што би можеле да населат два града какво што е Куманово.

https://www.novamakedonija.com.mk/makedonija/makedonija-vo-debel-minus/

Само 20к+ во Скопје?

Originally posted by Staro Skopje Само 20к+ во Скопје?

Па, кога ќе земеш колку луѓе се отселија во странство, и не е за чудење.

Edited by Џоле - 31-Mar-2022 at 15:05

Ако не си можел на 7% да им ги поставиш основните прашања за народност, религиозна припадност и мајчин јазик, тогаш ти не си успеал во операцијата наречена Попис. Јас не викам дали се едно или друго, туку формално правно операцијата Попис 2021 е неуспешна, бидејќи 7% е преголема бројка да немаш информации.

Нема некоја голема разлика во застапеноста на Административни по општини, така да немаат голем удел во соодносот на етникуми; на сите горе-долу исто им одзеле. Можеби малку повеќе на Ромите, имајќи предвид дека Шуто Оризари предводи со Административно попишани - 17%.

Originally posted by ehrlich Некој ти го бојкотирал пописот и реално успеал во тоа...

Јас незнам у која "реалност" тоа живеете вие. Баш реално НЕ успеа бојкотот, и сега ви е криво. И се бараат сега објаснувања, како да му се објасни на твродокорно членство дека ќе биде избркано од работа "за доброто на Македонија", зашто било заебано од врвот на партијата и насанкано на глупи финти. РЕАЛНО НЕ УСПЕА БОЈКОТОТ, џабе се залажувате! Get over it! Доста залажување, прифатете дека го заебавте македонскиот народ, бидете одговорни пред себе и пред нардот, државата. Да не се повтори оваква глупост! Со секој бојкот, со секоја вмроска мајмунарија само контраефект се постигнува, само Македонија губи. Седете на маса и решевајте ги проблемите!