Булевар Митрополит Теодосиј Гологанов

Велосипедска патека мало морген.

Дневник како може да тропате глпости и да не проверите, отворете GoogleEarth и изметере колку се прширува, не е точна бојката! И второ, не знам дали некој од новинариве од весников живеел во Скопје изминатите години за да забележи дека освен две ленти имаше по уште метар од страни за велосипеди и застанување. Значи се додала една нова лента, еднај 1,25 ленти!
Цела година прошируваат една лента на прав терен!

Гологанов и официјално пуштен во сообраќај


Градоначалникот на Град Скопје, Коце Трајановски и премиерот Никола Груевски денеска официјално ја отворија за сообраќај третата делница од булеварот Митрополит Теодосиј Гологанов на потегот од крстосницата со булеварот 8. Септември до улицата Московска.

- Проширувањето и реконструкцијата на третиот дел од булеварот Митрополит Теодосиј Гологанов е уште еден капитален проект на Градот Скопје којшто ќе овозможи побезбедно одвивање на сообраќјот, намалување на метежот и скратување на времето на патување - рече Трајановски.

Со проширувањето, на оваа делница од булеварот, долга 1.600 метри, се формирани 4 коловозни ленти, по две во секоја насока. Делницата е асфалтирана на вкупна површина од 19.500 квадратни метри и обележана. Од двете страни на проширениот коловоз се изградени тротоари со ширина од по 3,5 метри, со вкупна површина од 9.550 квадратни метри, коишто се покриени со павер-елементи.

Поставена е нова атмосферска канализација со вкупна должина од 1.493 метри и профил од 200, 400, 600 и од 1.200 милиметри. Извршена е и реконструкција на постојната фекална мрежа, при што на должина од 226 метри се поставени цевки со профил од 600 и 300 милиметри. Заштитета е гасоводна цевка со профил од 400 милиметри. Третиот дел од проширениот булевар го осветлуваат 82 столба за улично осветлување на коишто се поставени 108 светилки со моќност од 250 W.

На проширувањето и реконструкцијата на третиот дел од булеварот Митрополит Теодосиј Гологанов работеа градежниците на Трансмет ДОО Скопје.

Градот Скопје за овој обемен проект потрошли околу 81 милион денари.

Вкупната вредност на проектот за проширување и реконструкција на третиот дел од булеварот Митрополит Теодосиј Гологанов изнесува 92,6 милиони денари.
plusinfo.mk

Се подготвува реконструкција на булеварот „М.Т. Гологанов“

Градот Скопје распиша тендер за изработка на проектна документација за реконструкција на булеварот „Митрополит Теодиј Гологанов“, и тоа од раскрсницата со улицата „Франклин Рузвелт“ до раскрсницата со булеварот „Осми Септември“ во должина од 800 метри, а предвидено е да се реконструираат колозовот и тротоарите.

– Рокот за изработка на проектот е 40 дена од дадениот налог за изработка, по избор на оператор. Во буџетот на Град Скопје за оваа намена се предвидени 472.000 денари со ДДВ. Повеќе детали во однос на реконструкцијата би биле познати по изработката на проектот кусо – одговорија градските власти.

Ова е една сообраќајниците што скопскиот градоначалник Петре ги најави на прес конференција за почетокот на градежниот бум во Скопје, кој предвидува изградба и реконструкција на 23 улици и булевари, на крајот на август.

Во текот на иницијативата на Град Скопје, беа реконструирани 15 сообраќајници низ сите општини во Скопје, додека во процес на изградба се и уште три нови сообраќајници. Дополнително, на градските сообраќајници беше поставен нов асфалт во должина од 40 километри, што за споредба е подеднаква должина колку патот од Скопје до Куманово.

Паралелно, се пробиваат нови мостови, улици и булевари во вкупна должина од 2.5 километри, со изведба на нови велосипедски патеки на 5 улици, како и нови тротоари со дрвореди и жардињери на уште 5 улици. Значајно е да се нагласи дека целосно е реконструиран источниот влез во градот. Сите градежни акции се завршија во рекордно кратки рокови од 10 до 30 денови.

https://www.vecer.press/се-подготвува-реконструкција-на-буле/

Нема поголеми проблеми на асфалтот на овој дел, поголем проблем е кај Алумина од страна на Алумина лентата е крајно несоодветна за возење, сите шахти се видно пропаднати...

Добра забелешка за трафиките на млечен. На само стотина метри е Веро со потполна техничка можност да биде Македонски 7-eleven, со паркинг, со одвоен објект, со полн асортиман роба. А не овде "на млечен" да е вечно зафатена втората лента од паркирани возила застанати "само на минута", башка оптсруиран проток на пешаци и точаци.

Гологанов кога имаше (потенцијал за одлична) вело-патека.

Ќе се обнови потегот од раскрсницата со „Рузвелтова“ до раскрсницата со булеварот „8 Септември“

Заводот за испитување на материјали и развој на нови технологии Скопје е фирмата која Градот ја избра на јавниот повик за изработка на проектна документација за реконструкција на булеварот „Митрополит ТеодосијГологанов“, на потегот од раскрсницата со улицата „Рузвелтова“ до раскрсницата со булеварот „8 Септември“.

Како што информираат градските власти вредноста на оваа јавна набавка изнесува 330.400 денари со вклучен ДДВ.Согласно, потпишаниот договор, избраната фирма проектот за реконструкција на булеварот „Митрополит ТеодосијГологанов“ на потегот од раскрсницата со улицата „Рузвелтова“ до раскрсницата со булеварот „8 Септември, треба да го изработи во рок од 40 дена.

За тоа кога би се распишал тендерот за изведба на градежните активности на наведената сообраќајница и кога би започнале работите терен од Градот велат дека не можат да претпостават кога би се реализирале наредните постапки околу реконструкцијата, а во однос на цената на чинењето на изведбените работи потенцираат дека таа ќе се утврди преку спроведување на јавна набавка преку јавно наддавање.

Ова е една сообраќајниците што скопскиот градоначалник Петре ги најави на прес конференција за почетокот на градежниот бум во Скопје, кој предвидува изградба и реконструкција на 23 улици и булевари, на крајот на август, минатата година.

Во текот на иницијативата на Град Скопје, беа реконструирани 15 сообраќајници низ сите општини во Скопје, додека во процес на изградба се и уште три нови сообраќајници. Дополнително, на градските сообраќајници беше поставен нов асфалт во должина од 40 километри, што за споредба е иста должина колку патот од Скопје до Куманово.

Паралелно, се пробиваат нови мостови, улици и булевари во вкупна должина од 2.5 километри, со изведба на нови велосипедски патеки на 5 улици, како и нови тротоари со дрвореди и жардениери на уште 5 улици. Значајно е да се нагласи дека целосно е реконструиран источниот влез во градот. Сите градежни акции се завршија во рекордно кратки рокови од 10 до 30 денови.

(А.П.)

https://www.vecer.press/ќе-се-обнови-потегот-од-раскрсницата/

СКОПСКАТА УЛИЦА ТЕОДОСИЈ ГОЛОГАНОВ КАЈ КЛУБ НА ПРАТЕНИЦИ ЛЕТОВО ЌЕ СЕ РЕКОНСТРУИРА, НЕМА ПРОСТОР ЗА УШТЕ ЕДНА ЛЕНТА



Град Скопје летово ќе ја реконструира улицата Теодосиј Гологанов кај Клубот на пратеници. Распишан е тендерот за избор на фирма која ќе го реновира потегот од раскрсницата со булеварот Свети Климент Охридски до кружниот тек кај Католичка црква.

Овој потег во центарот на градот е во очајна состојба, коловозот на секој чекор е со прокопи, тротоарите се неуредени и на дел окупирани од возила. Од Градот велат дека со реконструкцијата овој дел од градот ќе добие нов лик.

„Според проектот, улицата останува со три сообраќајни ленти односно нема простор за проширување. Покрај тоа што ќе се обнови асфалтот, улицата ќе добие велосипедска патека, ќе се обноват комплетно тротоарите, ќе се засади ново зеленило и постави урбана опрема“, велат од Град Скопје.

Летово низ Скопје ќе се реновираат неколку улици меѓу кои се улицата Лука Геров во населбата Даме Груев, третата фаза од Индира Ганди во Шуто Оризари, улицата Васко Карангелески во Аеродром, булеварот Крсте Петков Мисирков кај МАНУ.

Ќе стартуваат градежните работи и за продолжување на булеварот Борис Трајковски до Драчево. Станува збор за потег во должина од над 2 километри. Според проектот, сообраќајница ќе добие 4 сообраќајни ленти, пешачки и велосипедски патеки, модерно и енергетски ефикасно јавно осветлување, како и дополнителна комунална инфраструктура. На овој потег потребно е да се изврши експропријација, за што ќе бидат потребни околу еден милион евра. Целиот проект ќе чини околу 4 милиони евра.

https://sdk.mk/index.php/dopisna-mrezha/skopskata-ulitsa-teodosij-gologanov-kaj-klub-na-pratenitsi-letovo-ke-se-rekonstruira-nema-prostor-za-ushte-edna-lenta/