Пуцко Петрол(поранешен G Mall Skopje)

Originally posted by axel <h1>Заглавени инвестиции: Почнува ли изградбата на комплексот кај Алумина</h1>

Еве што најдобро би легнало овде

Originally posted by <Fresno> Што е тука добро смислено? Гранд престиж х 10. Освен фина архитектура, друго ништо добро. Тука добро би легнал некој комплекс од типот на Sky City / Diamond, или некоја населба со мини згради од типот на Реонски центар од полузатворен тип (со заеднични сервиси, содржини итн.)

Не велам дека треба да биде исто, туку слично. Како прво, домашните инвеститори немаат доволно знаење, пари и капацитет да изградат нешто повеќе од 10 ката. Второ, баталете ги тие фантазии за две високи кули и зеленило околу нив, секој инвеститор ќе гледа да оствари максимум профит со минимум вложување. Да го купеа овој простор Адора или Голден Арт, ќе видевте само начичкани розови или кафени десеткатни кутии на 5 метри растојание. Затоа, најреално (па и највозможно) ми е изградба на некој блок од таков тип, 5-7 катни згради на пристојна оддалеченост и фино уредено зеленило околу нив, со доволно паркинг простор. Ајде, некој друг ден ќе наведам некои примери од светов за споредба, сега немам време.

Желбата за профит и немањето концепт за развој на просторот ги убиваат сите надежи дека во блиска иднина би можело да очекуваме нешто од горенаведените примери. Се додека плановите се кројат по мерка на инвеститорите нема да добиеме ништо освен копии на Стар Аеродром,Дебар Маџир маало и други слични примери за тоа како не треба. Мислам дека веќе е доста од безвезно градење молови на секој празен простор Сити Мол и во иднина Ист Гејт ги сметам за повеќе од доволни дури и премногу за наш стандард а притоа се градат Џеваир Мол и она што ќе биде зад Рамстор во склоп на Дајмонд. Премногу е,нема толку можност сето тоа да функционира,некој дебело ќе извиси од сите овие бидејќи е економски неизводливо се да работи со овој стандард и број на население.

Колкава потреба има од булевар Македонија? Не е доволен МТГ од Католичка до Ѓорче? Толку сообраќај за да оправда уште еден булевар веднаш до постоечкиот, згора на тоа на местото на парк, нема, ниту пак има големи проекти во Ѓорче и Сарај кои значително би го зголемиле сообраќајот. Од јужниот урбан автопат (во вистинска смисла), засега евентуално може да се оправда врската Сарај-Крушопек-Лака-Нерези (со ревитализација на Треска и станбени проекти во Сарај), од каде како булевар МТГ би продолжил до Католичка, па повторно у.а. до Тутунски. Ако се урбанизира Охис и подрачјето околу него, долж пругата може да продолжи до таму.

Originally posted by Џоле Не велам дека треба да биде исто, туку слично. Како прво, домашните инвеститори немаат доволно знаење, пари и капацитет да изградат нешто повеќе од 10 ката. Второ, баталете ги тие фантазии за две високи кули и зеленило околу нив, секој инвеститор ќе гледа да оствари максимум профит со минимум вложување. Да го купеа овој простор Адора или Голден Арт, ќе видевте само начичкани розови или кафени десеткатни кутии на 5 метри растојание. Затоа, најреално (па и највозможно) ми е изградба на некој блок од таков тип, 5-7 катни згради на пристојна оддалеченост и фино уредено зеленило околу нив, со доволно паркинг простор. Ајде, некој друг ден ќе наведам некои примери од светов за споредба, сега немам време.

Јасно, само ми сметаше малото растојание меѓу зградите. Инаку да, веројатно е поедноставно за фирмите да градат помали згради, но од примерот на Sky City гледаме дека може да бидат профитабилни и висококатници и тоа по 900е/м2.

Идејата за парк е одлична, бидејќи изградбата на Јужен е секако потребна (заедно со клучка кај Рампа и мост кај Нерези). Во тој случак дел од Гологанов може да се пренамени во вело автопат. Проблемот е што веројатно Газит нема да сака лесно да го продаде земјиштето, освен е регулирано нешто со рокови во самиот договор.

ЕКСКЛУЗИВНО: По долги преговори, „Пуцко Петрол“ на Јахоски го купи земјиштето на „Алумина“ за 18 милиони евра

олема трансакција се случила пред околу две недели во земјава. По долги преговори, нафтената компанија „Пуцко Петрол“ го купи земјиштето на поранешната фабрика „Алумина“, од околу 42 илјади метри квадратни.

Според сознанијата на Фактор, за ова земјиште, кое се досега беше во сопственост на израелската компанија „Газит глоуб“, од „Пуцко Петрол“ платиле сума од 18 милиони евра, но со платените даноци и другите давачки, всушност оваа зделка ја чинела компанијата околу 24 милиони евра.

Инвестицијата за Фактор ја потврди и првиот човек на компанијата, Асмир Јахоски.

Асмир Јахоски е син на поранешниот градоначалник на општина Пласница и сегашен пратеник од редовите на ДУИ, Исмаил Јахоски. Во моментов, Асмир Јахоски е целосен сопственик на „Пуцко Петрол“, односно тој поседува 100 отсто од акциите на компанијата.

За Фактор, Асмир Јахоски вели дека во време на глобална пандемија и економска криза, компанијата решила да инвестира дома. Целта, според него, е да се ревитализира целиот простор и да се стави фокус на зелените површини и парковите.

Во време кога светот запре, кога фирмите се на голем удар од кризата предизвикана од вирусот Ковид 19, нашата компанија ќе го урбанизира овој простор. Целта е да се даде репрезентативен изглед на овој дел на Скопје, следејќи ги секако енергетско-ефикасните трендови во Европа“, вели Јахоски за Фактор.

Јахоски потврдува дека по долги преговори, зделката е склучена со израелската компанија „Газит Глоуб“, која го поседуваше ова земјиште.

Во наредниот период, според неговите најави, ќе следат длабински анализи и долг процес на планирање за идната инвестиција.

Од „Пуцко петрол“ засега не откриваат премногу детали за тоа што ќе се гради на ова земјиште, но не се исклучува дека ќе има станбени згради и деловен простор. Сепак, оттаму се децидни дека воопшто не се планира и нема да се дозволи неконтролирана градежна експанзија, туку напротив, ќе доминира зеленилото.

Бензинска станица, како што тврдат од „Пуцко Петрол“, нема да се гради на тоа земјиште, иако тоа е основната дејност на компанијата.

„Бенефит ќе има за целиот град, но и за општината Карпош која ќе добие модерен и зелен комплекс, надвор од сообраќајниот метеж“, вели Јахоски.

Според него, инвестицијата која би се случила на овој простор, се проценува на 150 милиони евра.

Фактор комуницираше и со општина Карпош, од каде велат дека немаат информации за оваа трансакција. Објаснуваат дека станува збор за приватно земјиште, и општината со овој случај нема врска, бидејќи таа може да продава само државно земјиште.

Единствено објаснувањето е дека што и да се гради, ништо од тоа не би можело да се случи преку ноќ, туку ќе биде потребно да се носи нов детален урбанистички план, бидејќи претходниот е укинат од Уставен суд.

Инаку, „Пуцко Петрол“ е компанија основана во 1991 година, а работи на трговија на големо, со цврсти, течни и гасовити горива и слични производи.

Според Клуб 200, „Пуцко Петрол“ во 2019 година имала приход од 46,4 милиони евра, и раст на приходот од 13,48 проценти. Нејзината добивка во таа година изнесувала 2,8 милиони евра. Компанијата има 164 вработени.

Инаку, компанијата во неколку наврати добиваше државни тендери за снабдување со гориво. На ова, Асмир Јаховски тврди дека се е чисто и согласно законите, како и дека проверката на тоа е работа на надлежните органи во земјава.

Инаку, како што своевремено пишуваа медиумите, израелската компанија „Газит глоуб“ преку својата филијала основана во Македонија „Г-Македонија“ на 30 јуни 2008 станала сопственик на фабриката „Алумина“ и на земјиштето каде што таа е лоцирана. „Газит глоуб“ бил единствениот наддавач во петтиот обид за продажба на објектот. Компанијата понудила цена за 20 отсто поголема од почетната, на тој начин обезбедувајќи поголема наплата на кредиторите на „Алумина“. Израелската компанија ја купи поранешна „Алумина“ за 22 милиони евра.

„Газит Глоуб", според медиумите, планирал да инвестира 100 милиони евра во резиденцијално - комерцијален центар, кој требало да содржи и луксузен хотел и деловни згради. Но, таа инвестиција не се реализираше.

Сега оваа израелска компанија, како што дознаваме, си заминува од земјава.

https://faktor.mk/ekskluzivno-po-dolgi-pregovori-pucko-petrol-na-jahoski-go-kupi-zemjishteto-na-alumina-za-18-milioni-evra

7 катни кокошарници или Grand Prestige, друго не може да биде.

Ајде на здравје го докусурија и овој отворен простор,меѓу последните во градот,бо бо бо море гадови    ПУЦКО ПЕТРОЛ СО ДУИ-АШОТ АСМИР ЌЕ ГО СПАСУВА КАРПОШ А И СКУПАЈНЦАЕ ! Сосема заслужено.

Едвај чекам да ги видам исфарбаните 10 катни кокошарници,или ѕидови и тој капацитет на македонските архитекти и градежни компании не смее да се потцени.   

Edited by David - 22-Dec-2020 at 17:55

Чим Пуцко Петрол ветува дека ќе доминира зеленилото, раат сум