Железнички станици

Станицата во Битола:

Железничката станица во Скопје до мај со нов изглед



Железничката станица во Скопје најдоцна до мај следната година ќе добие нов лик. Проектот за реновирање на станицата ќе го подобри севкупниот квалитет на услуги за патниците и зголемување на техничките стандарди и капацитети на станицата, најави директорот на МЖ Инфраструктура Ирфан Асани, при денешниот увид на градежните активности.

Проектот за реновирањето го изготви германската фирма „Гронтмеј“, а реализацијата ќе чини 2,9 милиони евра, обезбедени од ЕУ преку ИПА фондовите.

- Железничката станица во Скопје, која беше пуштена во употреба пред 33 години, во тоа време претставуваше најмодерен сообраќаен центар не само во Македонија, туку и пошироко на Балканот. Станицата низ која дневно поминуваа по 70 воза и околу 7.000 патници со својот специфичен изглед и градба претставуваше врв на архитектурата за тоа време. Од тогаш немало ниту еден поголем инвестициски зафат, а сегашните активности ќе придонесат за враќање на нејзиниот сјај, изјави Асани.

Во подобрување на квалитетот на услугите за патниците, посочи, акцентот е ставен на патниците со инвалидитет, намалена мобилност и специјални потреби.

Со проектот, информира, е предвидена изградба на два нови лифта за качување на патниците на пероните, нов лифт платформа за лица со инвалидитет и за патници со поголем багаж, подигнување на нивото на постоечките перони за 55 сантиметри, односно на ниво на платформата на вагонот. Ќе има нов информациски систем и систем за разглас, електронски систем за влез во станицата, приспособување на паркинг просторот, подобрување на осветлувањето и климатизацијара, изработка на специјални ребрасти патеки за слепите лица, како и звучни сигнали.

http://www.sitel.mk/zheleznichkata-stanica-vo-skopje-do-maj-so-nov-izgled

Друже, неможе никаде да се спомне тоа затоа што тоа нема ни да го има

До сега воопшто не сум задоволен. Се изгледа старо. Ај да видиме дали ќе има малку освежување на просториите со боја.

Интересно, за споменици и фасади се одвојуваат по 10 милиони евра, а за Железничката станица само 800 000 евра...

Во секој случај парите што се одвојуваат за реконструкција на еден важен инфраструктурен објект се малку кога ќе се земе предвид износот одвоен за панорамската глупост што ќе го засени Камениот мост, еден од симболите на Скопје. Од другата страна веќе успеаја да го покријат Камениот мост со мостот Око и т.н. „Мост на уметноста“, а сега и од оваа страна ќе го уништат погледот кон него. Но да не забегувам, износот што се одвои за реконструкцијата на железничката станица (според мене) е срамен. Со тие пари не можат да се решат ни основните проблеми на станицата, а да не спомнувам некакво осовременување (модерна технологија, дисплеи, автомати за купување карти итн.)

Edited by Џоле - 18-Oct-2014 at 19:18

А што се случи со тендерот од Железници што беше објавен за изградба на нова административна зграда?Пред 3 недели кога врнеше дожд бидејќи во билетара во Штип ми наплатија карта поскапо од што требаше (неможев да се докажам со тој дека со картичката за млади попустот е 50 а не 30%) влегов во административниот дел на Железници да пријавам и внатре од таванот буквално течеше вода.

Originally posted by Staki На првиот тендер никој не беше заинтересиран за градење на административната зграда, каде што требаше да има и деловен простор за инвеститорот. Не знам дали имаше втор. Инаку не ја знам точно твојата ситуација, меѓутоа попуст од 30% следува за легитимацијата к-13б, и многу битно попустот важи на цената за еден правец. Попуст на повратната карта е веќе вклучен и затоа не се пресметува на повратна карта. Летово имаше некоја промоција за легитимација за млади која изнесуваше 50% попуст, па можеби за таа збориш, но пак ќе кажам попустот изнесува на цената на еден правец.

После тоа без проблем сум вадел повратни карти и ми биле 50 проценти поефтини во двата правци. Обично сум комбинирал четврток бесплатно и после во 1 правец Скопје Штип е 100 денари а повратна околу 170.

Ќе се реконструираат 10 железнички станици на Коридор 10
Вторник, 21 Октомври 2014 12:59

Започнa реализацијата на проектот за рехабилитација, надградба и реконструкција на железничките станици долж пан-европскиот коридор 10, вклучувајќи го и кракот 10-д во Македонија, согласно најдобрите практити во Европската Унија.
zeleznicki-stanicii

По објавениот оглас на интернет-страницата на Европската Комисија на кој се бараа компании кои директно ќе го имплементираат проектот, до крајниот рок за поднесување на понудите се пријавија вкупно 9 компании. Во тек е постапката за евалуација на пристигнатите понуди. Согласно динамиката на реализација на проектот се очекува евалуацијата да се заврши до крајот на годината и веднаш потоа да се избере компанијата која ќе го имплементира проектот.

Со проектот за рехабилитација, надградба и реконструкција ќе бидат опфатени 10 железнички станици и тоа: Велес, Прилеп, Битола, Гевгелија, Богомила, Чашка, Табановце, Демир Капија, Градско и Неготино – Вардар.

За оваа цел, предвидено е реновирање и надоградба на сите главни елементи на железничките станици, како што се водоводната и електричната инсталација – вклучувајќи ги и внатрешното и надворешното осветлување, санитариите, инсталација на системи за греење и ладење, системи за противпожарна заштита, патнички информативен систем, како и подобрување на пристапноста за товарен транспорт и достапност и поврзување со патниот транспорт (јавен и индивидуален). Во рамките на проектот, меѓу останатото ќе бидат целосно заменети крововите, подовите, ќе се санираат фасадите и внатрешните ѕидови, ќе биде поставена нова термичка изолација и ќе се изградат нови тоалети.

Посебно внимание при реализирањето на овој проект ќе се обрати на подобрувањето на пристапноста за лицата со намалена подвижност.

На платото пред влезот во железничките станици од страна на улицата се предвидува рампа за непречен пристап, а поради сигурност платото е предвидено да се поплочува со тактилна предупредувачка лента по рабовите.

Целта на проектот е подобрување на целокупниот квалитет на услугите за патниците и карго-превозот, зголемувајќи ги техничките стандарди и капацитети на 10-те железнички станици кои се лоцирани на коридорот 10 и кракот 10-д во Македонија.
http://www.kurir.mk/makedonija/vesti/175651-Ke-se-rekonstruiraat-10-zeleznicki-stanici-na-Koridor-10?utm_source=feedburner&utm_medium=feed&utm_campaign=Feed%3A+kurir%2Fmakedonija+%28%D0%9A%D1%83%D1%80%D0%B8%D1%80+-+%D0%9C%D0%B0%D0%BA%D0%B5%D0%B4%D0%BE%D0%BD%D0%B8%D1%98%D0%B0%29

Еве две фотки од штипската железничка направени на 20.09.2014





Многу е лошо кај повеќето железнички во Македонија што се надвор од градот и немат скоро никаква комуникација со градското јадро.

Edited by kultuzin - 21-Oct-2014 at 13:57