Возен ред

ФЕСТИВАЛ НА ПИВОТО 2012
По повод „Фестивалот на пивото 2012“, Македонски Железници Транспорт АД – Скопје воведува во сообраќај еден пар на посебни возови на релацијата Скопје – Велес – Прилеп и обратно во деновите 14 (сабота) и 15 (недела) 07.2012 година.
Време на тргнување од: Скопје 11:01, Велес 11:42 часот. Пристигање во Прилеп во 13:00 часот. Време на тргнување од Прилеп во 01:30 часот, Велес 02:48, пристигнување во Скопје во 03:37 часот.

Ова се добри вести за железница и за македонските граѓани. Мислам дека единствена грешка е што возовите ќе одат само во сабота од Скопје и само во недела од Солун. За граѓаните би било добро за почеток да сообраќаат возовите во сабота и во недела според планираниот возен ред. Едноставно, покрај туристите така би заинтересирале голем број на граѓани кои одат по шопинг во градот на еден ден. Ретки се случаите на луѓето кои остануваат да спијат во Солун.
Сепак, возниот ред е прекрасен, мислам дека ваков воз на Солун е она што им е потребно на македонските граѓани. Да се надеваме дека ова е само тест-проба за да се опипа пулсот и дека од наредниот возен ред ќе има еден ваков воз кој ќе сообраќа секојдневно.

Originally posted by polval +1 Убаво би било да има утрински воз од Скопје за Солун (и од Солун за Скопје) и вечерен од Солун за Скопје (и од Скопје за Солун). Вистински кандидат за интерсити.

Ако одиме според реалните потреби, мислам дека во возниот ред за 2012/2013 година треба да се врати еден утрински воз од Скопје за Солун и еден вечерен во обратен правец, кој би сообраќал од декември до мај и од септември до декември 2013 година на овој начин. Во летниот период, од средина на мај до крајот на септември, овој воз би било добро да сообраќа секојдневно и со вагони кои директно би оделе до летните одморалишта. Освен ова, би требало да се размисли за воведување на втор воз во текот на викендите од летото. Истовремено, железница треба сериозно да размисли за стапување во контакт со туристичките агенции, знам дека е голема конкуренцијата, но можеби со дел од нив може да се креираат пакет-аранжмани за одмор. Сакам да речам, да се раздвижи по малку железничкиот сектор. Сепак се работи за одмор и доколку на потенцијалните туристи им ги објасните предностите на патување со воз, но и доколку тоа го остварите во реалноста, мислам дека на многумина би им било прекрасно да спијат во кушет или спален вагон по поволни цени наместо да се тискаат во автомобили.

Железница треба да се избори и да се врати возот за Бар. Од Србија доаѓаат позитивни вести дека најверојатно овој воз од следниот возен ред повторно ќе сообраќа, треба ова да се искористи. Во летниот период паралелно да се пуштат вагони не само за Бургас, туку и за Варна. Дури може да се размислува и за вклучување на македонски вагон во летниот воз Белград-Сплит. Премногу е патувањето со воз, но можеби ќе има туристи. И од Белград со воз се патува двојно поспоро отколку со автомобил, но овој воз е исполнет до последното место. Имам пријатели од Хвар и од Сплит и они со своите автомобили најчесто патуваат по 20 часа до своето одредиште. Тоа е премногу, со воз ќе биде многу-многу повеќе, но ако се промовира би требало да има патници.

Од српските форуми стигнуваат спротивставени вести во поглед на меѓународниот возен ред за 2013 година. На релација Скопје-Белград-Скопје најверојатно нема да има никакви измени во сегашниот возен ред, судејќи според предпроектниот возен ред. Возот од Ниш за Бар повторно не се споменува, така што најверојатно дека нема да имаме и наредната година туристички воз за Бар во летните месеци.

Најголеми недоумици создаваат возовите Сава (Белград-Минхен-Белград) и ноќниот воз за Љубљана(истиот на времето сообраќаше и за Скопје), како и Белград-Сараево-Белград. Тие возови дефинитивно ќе треба да се договараат наредниот период, т.е. нивната идна судбина.

Ми се чини дека прашањето е каква е стратегијата за патничкиот железнички сообраќај, дали ќе остане или целосно ќе се укине.

Според она што може да се види пореално е дека патничкиот железнички сообраќај ќе исчезне како појава во овие краеви а неговата улога ќе ја превземат автобусите, тоа веќе се случува.

Најпрвин да пробаат со воведување на дополнителен пар експресни возови помеѓу Скопје и Битола, какви ќе бидат резултатите. Мислам дека излезе и официјален документ од Агенцијата за регулирање на железничкиот сообраќај во кој се истражува услугата на сегашниот експресен воз, во него ми се чини дека стоеја позитивни критики од патниците и анализа на чистотија на возот и неговата редовност.

Во однос на меѓународниот сообраќај, пак ќе кажам, доколку нема директна авиолинија или пак автобуска линија кон некој град во соседството, тука мислам најмногу на Солун, Сараево и Будимпешта, а постои можност за воспоставување директна линија, не знам зошто нашите железници не би се договориле за воведување на курсен вагон од Скопје кон постоечките композиции. Цените на картите кон овие дестинации би биле поприлично примамливи, а и може да се понудат легла за спиење по ниски цени.

Всушност, редно е железница да воведе еден електронски систем за однапред купување карти кои би биле поевтини доколку се купуваат порано, но и да си ги планира капацитетите.

Според сегашниот распоред, патувањето од Скопје до Битлоа со најбрзиот воз трае нешто помалку од 3 часа (57 km/h)
(извор: http://balkan.fabian-vendrig.eu/fileadmin/Macedonia/mz/RED_NA_VOZENJE_DZEPEN_2011-2012.pdf).
Истовремено со кола патувањето трае околу 2 часа (80 km/h). За релација што е +/- 160 км. помегу два големи града тоа е многу долго. Патувањето со воз мора да биде конкурентно и еднакво брзо ако не и побрзо во однос на патувањето со кола/автобус.

На пример,според bahn.de и Goolge Maps помеѓу Минхен и Будимпешта со обичен воз или кола се патува 7 саати (94km/h), Франкфурт и Минхен со воз за 5 саати (78km/h), додека со кола за 4 (98 km/h). Од друга страна Скопје - Белград со воз се патува 10 (44 km/h) додека со кола за 5 (88 km/h) а Белград - Будимпешта со воз 8 (45 km/h) а со кола 5 саати (83 km/h).

Bидејќи немаме друга железничка врска со Европа, мора да се инвестира во дополнителни брзи возови и железнична инфраструктура која тоа би го овозможила и која ќе конкурираат на превозот со автобус или кола.

И не треба да се споредуваме, наместо тоа треба да ги искористиме позитивните искуства на железниците кои оставиле трага во развојот на железничкиот сообраќај.

Originally posted by buco55 Според сегашниот распоред, патувањето од Скопје до Битлоа со најбрзиот воз трае нешто помалку од 3 часа (57 km/h) (извор: http://balkan.fabian-vendrig.eu/fileadmin/Macedonia/mz/RED_NA_VOZENJE_DZEPEN_2011-2012.pdf). Истовремено со кола патувањето трае околу 2 часа (80 km/h). За релација што е +/- 160 км. помегу два големи града тоа е многу долго. Патувањето со воз мора да биде конкурентно и еднакво брзо ако не и побрзо во однос на патувањето со кола/автобус. На пример,според bahn.de и Goolge Maps помеѓу Минхен и Будимпешта со обичен воз или кола се патува 7 саати (94km/h), Франкфурт и Минхен со воз за 5 саати (78km/h), додека со кола за 4 (98 km/h). Од друга страна Скопје - Белград со воз се патува 10 (44 km/h) додека со кола за 5 (88 km/h) а Белград - Будимпешта со воз 8 (45 km/h) а со кола 5 саати (83 km/h). Bидејќи немаме друга железничка врска со Европа, мора да се инвестира во дополнителни брзи возови и железнична инфраструктура која тоа би го овозможила и која ќе конкурираат на превозот со автобус или кола.

Најверојатно имаш споредувано спрема далечината во патишта.Една интересна забелешка отсекогаш ми била доста големата разлика во километража на пругата со патиштата...
Со пругата е добар процент подолг пат, отприлика едно 30%...Велес - Скопје е ~ 61 км (автопат = 53 км), Прилеп - Битола точно 58 км според картите на МЖ (патот е 43км.), Скопје - Табановце е 71 км, исто според картите на МЖ (49 км. по автопат!), Тетово - Скопје е околу 70 км. (автопат 42 км.)...

Велес - Прилеп е над 110 км. по пругата преку Богомила, а преку Градско 80.

Значи по патот Скопје - Битола е 175 км., а пругата е ~ 230 км.Вака просечната брзина би била нешто над 83 км/ч., за Пелагонија Експрес.

Единствено Гостивар - Тетово е скоро идентична километража(пругата е во најголем дел паралелна со автопатот), а Кичево - Гостивар е 46 км. според МЖ, а 53 км. по ‘магистралнио‘ пат.