Кога некогаш би имале пари, би сакал нешто вакво да имаме.

Комбинација од метро, ЛРТ, нешто железница плус, и евентуално од оние над земја што се, што ги зборевте.

Нешто како би изгледале трасите, односно мрежата за денешно Скопје и некои непрецизни траси кога би се изградиле населбата на денешна касарна Илинден и онаа над Бардовци- Зајчев рид- Обиколница.

Трасата за метрото би била Лисиче- Ѓорче Петров и е со плаво. За станици се знае, каде што денес има најголема концентрација на патници. 

ЛРТ е обележан со црвено. Над иден Јужен Булевар во паркот, Железничка, Првомајска (изградена) или пак може да се поврзе на железничката мрежа, ако е можно, па се до Драчево. Другата траса би била по Илинденска, тогаш цела изградена, со два крака: од Бардовци и останати населби (ако бидат) и железничка станица Ѓ. Петров, потоа Булевар Гоче Делчев, односно ВМРО и да се дели пак на два крака: еден кон Аеродром- Булевар Авној, Асном до Лисиче, и еден кон Саем, по Булевар А. Македонски, Автокоманда, по Благоја Стефковски, до Хиподром

Со жолто би било исто ЛРТ со тоа што или би имал на некои места подземна или пак надземна траса. Првата е Топанско Поле, Чаир, Центар, со тоа што конфликтна точка е калето. Која може да се реши во склоп со Булевар Климент Охридски (подземно), или пак со надземна траса, која би се издигала од подалеку и би минувала над ридот (Калето) и пак ќе се спушта негде, сега Топаана. Со ова се добива добар поглед на Калето, Чаршијата, Стадионот (добра врска за него)  и Паркот (што би било голема туристичка атракција , дури може и да подзабавува на тој потег, а евентуално може и една станица горе на ридот ) 

Другата е Булевар 8 септември, Александар Палас, Зајчев рид (ист случај како првата) и натаму Илинден, Бардовци, зад Зајчев рид до Обиколница.

Дополнителна железница (темно виолетово), горе кај Визбегово, крак кој би се спојувал со трасата кон Косово, и би служел како транспорт на патници од населбите кои би се граделе таму до Транспортен Центар, и врска за идната индустриска зона по потегот на Обиколницата, нешто како Железара. Што добро би било и за Бунарџик 1,2.

И секако врска со аеродромот, дали ЛРТ или нешто друго, сеедно.

Друга работа што би сакал да ја нагласам е дека со оваа мрежа (плус патната) се одредуваат границите на Скопје, како град. Со што нема да се дозволува идно ширење. Под тоа мислам: До обиколницата на север (населбите кај Илинден и зад Зајчев рид), Топамнско поле, Чаир и Бутел, до Хиподром на исток, со што тука може да се помести и до Автокоманда. Потоа до Лисиче и Кисела Вода на југо-исток, без Драчево, југ - Водно, и запад порта Влае. И понатаму нема ширење (како Скопје).

Има место за градење: Маџар Маало, Ново Маало, Крњево, позади Зајчев рид, Кеј на Вардар, поготово кај Карпош, и некои скришни места . 

Со ова исто така се регулира и сообраќајот во строгиот центар за моторни возила и тоа временски, на некои места јас би ги ставил и засекогаш.

Под временски мислам, 23:00-04:00 (дозволено), 04:00-06:00 (регулиран број на возила, со камери и семафори, може и некоја патарина, но прилично дозволено), 06:00-09:00 (строго регулирано, со можност на затварање и плаќање на влез), 09:00-13:00 (нешто како 04:00-06:00, само со можност ако се зголеми бројот да се затвори), 13:00-18:00 (строго регулирано) и од 18:00-23:00 (малку поопуштено)

И тоа би било на територија на Голем Ринг, без тунелите под Плоштад и Јужен Булевар, и ако спаѓа некако и оној под Кале.

Кога сме кај тунелите, ако имам можност би ја направил и Илинденска (Влада-Парк).

Но тоа сум само јас и моите фантазии

Извинете за офф-топикот околу моторните возила, не сакав да го делам, ако мислите дека може да се подели префрлете го во замисли и идеи.

Поздрав