Музејски комплекс „Македонска Борба“

Originally posted by Dave Gahan Па да...Музејот на Акропол, бездушната коцка...на влезот имаше табла на која стоеше дека чини цирка 200 000 000 евра - донација од ЕУ, проект на швајцарецот Бернард Чуми (кој очигледно не проектира во стилот на нашиов музеј) избран во легален меѓународен архитектонски конкурс - една процедура која е толку многу тешко да се спроведе на наше тло....да повторам дека кај нас, донатор се даночните обврзници на нашата држава, кои дури пред некој ден дознаа како отприлика (конечно) ќе изгледа нивниот објект и веројатно НИКОГАШ нема да дознаат како „перо-компани“ го доби тендерот (јавната набавка) да го изработи проектот кој толку многу ви се допаѓа и си го сакате...е сега дека е тренд на 1000км од овде да се следат законски процедури и ние ли треба така да постапуваме!? Или треба да следиме трендови на 10 000км од овде, како што тоа веројатно функционира во централна Африка!?

Прво не сакам да бидам ставен во групата на поддржувачи на СК 2014, затоа што подржувам само 2 објекта.
Второ, колку сака нека кошта музејот и колку сака нека бил транспарентен проектот (иако баш и не верувам 100%) сепак за мене лично претставува една обична американска амбасада од кале или као фабрикине у Бунарџик. Јас лично не подржувам обејкти во форма на коцка (иако не се сомневам дека внатре се крие голема количина на историско богатство) затоа што ми се некако без душа. Не дека нашиов има душа, но барем во неколку музеи што сум бил надвор од Македонија, изградени во стил сличен на нашиот, сум се чувствувал како да сум дел од експонатите внатре. Ама тоа е мое чувство и моја ствар и не мора да бидам у право. Само муабетот ми е дека таа коцка од Атина не може да се каже дека доминира стилски и архитектонски врз нашата. Факт е дека се што е модерно не значи дека е и квалитетно. А биди сигурен дека можно е и при овој проект да имало корупција, непотизам и слично. Не сме само ние корумпирани и црна дупка на овој континент, се докажува во последно време дека ниту ЕУ-администраторите не се нешто подобри. И тие се луѓе од крв и месо.
Се порекнав дека нема да напишам пак, али сметам дека морав да реплицирам затоа што лично не гледам некаква убавина на овој музеј, гледана низ очите на обичен набљудувач. Може да е врв на архитектонската фела, може да се користени најсовремените системи за ладење, греење, зачувување на автентичноста на експонатите и слично, но на крајот сепак посетителите се тие кои ја даваат финалната оценка и чии пари се слеваат во касата за да се одржи објектот. Сигурно овој музеј е хиперпосетен, но за да се даде финална оценка мора да се направи споредба и со некои други.

доста е на темава...само сетете се дека не се искрцаа американците да дојдат да ве ослободат или некој друг - сами си плукате по своето, а дека е тенденциозно ова што се прави, сигурни сме 100%...се сомневам дури дали воопшто фатиле пушка во рака поблиските претци на овие што ви ги продаваат приказните за „режимот“...

„Македонска борба“ беше коректно име, а не е коректно вакво прекуноќ менување и затоа беше таквата реакција погоре...мислам дека нема потреба да се дообјаснувам...имајте однос кон луѓето што реално имаат претци што се бореле за оваа земја, а не само за некакви освојувачи од пред 3 милениуми...

Дејв Гахан, поентава ти е на место апсолутно.

Во неколку патни муабетни-расправии со другари и пријатели про или од ДПМНЕ, им навестував дека не треба да се плука по тие „комуњари“, читај Партизани (кои подоцна ја формираа КПМ во Тетово во 1943), бидејки Република Македонија постои поради тие комуњари и нивните заслуги во НОВ и НОБ на поробена Југославија, попрецизно поради операциите на Сремскиот Фронт, да не споменуваме за придонесот во ослободувањето на во тоа време „Вардарска Бановина“, на која и беше припоена и југоисточна Србија, Метохија и делови од Косово.

Така да ова жртвите од комунизмот не дека не треба да се споменува, ама музејот требаше да се вика само Музеј на Македонската Борба.

Жртвите на комунизмот ако не грешам, се жртвите како Панко Брашнар, кои поради патриотски идеали од вистинското ВМРО (за обединета Македонија, и слобода на македонците во останатите делови од МКД), биле испраќани на Голи Оток. Само меѓу нив не биле само Македонците туку и останатите народи и народности на СФРЈ.

Поздрав,

Јас мислам да го олабават муабетот помеѓу споредување на Лејди Гага и Моцарт т.е. модерна и класична архитектура.

Edited by HugoGoulding - 01-Jul-2011 at 13:55

Секој си има сопствен квалитет и излишно е да се споредуваат, секако дека е помалку спорно денес да се промовира стил кој бил граден во минатотот, но тоа не е причина тој да се омаловажува ниту да се оспорува неговата вредност. На ова треба да заврши таа дискусија.

Инаку фасадата мене ми се допаѓа, иако мислам дека не е избран најдобриот материјал и боја, но сепак останува да видиме како ќе се усогласат како една целина - композиција со стариот театар, бидејќи тоа, според мене, е од суштинска важност тука.

Edited by HugoGoulding - 01-Jul-2011 at 14:11

На прво видување фасадата изгледа пристојно, со декорации кои не се претерани и текстура која е релативно интересна и не премногу агресивна, со оглед дека е до кале, верувам дека со класичните елементи ќе се вклопи во целината. Моментално некако ми изгледа нехармоничен тој дел, средновековно кале горе под него модерен пат, па некаква модерна фасада на еврејскиот музеј, па барокниот театар, црквата со нејзината византиска фасада, и плус плажата со палмите...

Спеак треба целиот дел да се среди потполно за да дадам целокупна оцена, тој дел му фалат дрвја, цветни аражмани, убава урбана опрема, знамиња за некако да заличи. Убава фасада е едно ама убаво склопена целина е сосема друго, се надевам дека ке видеме една целосна визија како тој дел целосно ке се среди, вака само гледаме парче по парче.

Што се однесува за името на објектот мислам дека еден поумерен и пократок наслов ке беше подобро "Makedonska borba", "Istorija na makedonskata borba za nezavisnost". Vakov muzej e dodusa potreben kade moze da se rascisti istoriski koj kogo ubival i zosto, i na toj del da se gleda samo kako na istorija.

Originally posted by pbanks Едноставен демант за последното искажано во твојот постhttp://en.wikipedia.org/wiki/Acropolis_Museum

тој музеј е еден од најконтроверзните понови објекти изградени во Европа, пример на архитектонскиот тероризам во Атина (преведено од линкот) (како што самите атињани го нарекуваат трендот во кој мала група на луѓе си градат како што милуваат, нешто што му се случи на Скопје по Втората светска војна).
А гледам и тука покоментарите одредена група мисли дека е над сите, над граѓаните, над инвеститорите, над историјата, па само нинвиот вкус за архитектура е валиден. Архитектурата треба да и служи на народот, а не обратно.

Во август свечено отворање на Музејот на македонската борба

Со посетата на  музејскиот комплекс Македонска борба, на кратко, како што вели министерката за култура, ќе може да се оживее македонскиот борбен код на револуционерите.

Музејот кој ќе биде поделен во три дела со 16 одделенија, ќе има и мултимедијален простор, наменет за семинари и конференции, како и библиотека и интернет кафе кое ќе им биде достапно на посетителите во секое време со цел на полесен начин да се запознаат со голем број на битни податоци од историјата.

Министерката очекува музејот кој ќе биде единствен во регионот според својата специфична сценографија, заедно со Театарот, Филхармонијата и Музејот на жртвите од Холокаустот  да прерасне во туристичка атракција.

Елена Бошковска

http://sitel.com.mk/dnevnik/makedonija/vo-avgust-svecheno-otvoranje-na-muzejot-na-makedonskata-borba

Sto se odnesuva do imeto "Muzej na makedonskata Borba" e sosema dovolno se drugo e bezpotrebno razgoruvanje na strastite. 

Originally posted by zabegan музејот во Атина поминува низ иста фаза како што поминувале сите објекти кои биле изградени досега, а биле современи за свое време, ќе се плука најочигледно објектот некое време и потоа ќе си стане дел од културно наследство и подеднакво почитуван објект, а и нормално, се додека постои, ќе биде критикуван од една, а обожуван од друга странастандардна процедура...а нашиов музеј испадна на крај дека не се разликува многу од досадните „комуњарки“ кои толку се критикуваат, единствено нешто што го дели од „досадните коцкасти“ се два три свода и една купола, кои очигледно се лепнати на објектот чисто колку да ги има, како бетонска карабина ми беше неверојатно одбивен и мислев дека ќе се смени нешто, ама очигледно само бојата е новитет

каква хипокризија ти е коментаров, претходно зборуваш како во Скопје 2014 плоштадот не бил целина, како зградите не се совпаѓале меѓу себе, како спомениците не биле симетрични, а тука оправдуваш објект изграден во околина на класична и неокласична архитектура, и велиш тој одговарал и со тек време ќе се прифатил. Што треба да се прифати тука не ми е јасно дека Атина во сред најстариот дел на градот има деконструктивен објект, стил кој е одамна умрен и не се практикува толку. Стана редовен плукач на се и без никаква логика и аргументи.

Абе акропол музејот си е чир и ќе остане чир, нема ни хармонија ни целина ниту пак естетика ниту со околината ниту пак за граѓаните, и тоа веќе е воспоставено од еминентни стручњаци.

Го утепавте од вреѓање на нашиов музеј демек бил од 19 век со смешна фасада, а малце да погледнавте на страна ќе приметевте дека над него е кале и чаршиски објекти кои се од порано па се до 19 век со горе доле исти декорации. Ако не умеете да дате прописна стручна критика за фасада обликот и зошто е така (а има простор за умерена критика), подобро прочитај книга.

Originally posted by ObserverMK Dave Gahan off topic ти си тој што секогаш изигруваш најголем познавач на архитектурата и градежништвото, да не се враќаме по темиве за сите објекти викаш дека се глупи, проектирани од неписмени, идиоти, забегани... а сите тие се правени од луѓе со име и презиме, искуство и знаење. Ако си во фелата можеш да имаш ако не друго барем респект и да не зборуваш така за свои колеги. Ти си мини верзија на Мирослав Грчев

Македонија конечно добива историски музеј, кој тематски обработува еден значаен период од нејзината историја. Тој период, прилично потиснат од минатите системи, се уште создава контроверзи во секојдневниот живот и треба да биде што поскоро ставен на увид на пошироката јавност, преку едноставна, визуелна форма, разбирлива и за неписмен човек. Од тој аспект, името на музејот, архитектурата, функционалноста... сакале или не, а и по сила на еволуцијата, сега се во втор план. Било кој од тие елементи, ако не е на соодветно ниво, нема да го издржи тестот на времето и секако, ќе биде променет. Кој е тој што може да тврди дека по три години музејот нема да се вика "Музеј на историјата на 19 и 20 век"!? Или дека за пет години на фасадата нема да биде имплементиран прилепски мермер?
П.С. Колегата Дејв има само поголемо ниво на страст при своите елаборации. Ништо страшно, неговите постови се разработени со посветеност и треба да сме почестени што ги споделува со нас. Навистина нема потреба од "катран и пердуви" за секој неистомисленик. Понекогаш поинаквите гледишта Ве прават побогата личност, а понекогаш, особено оние полни со страст, само го зајакнуваат Вашето спротивно убедување и верба.
П.С.2. Грчев е еден! Неповторлив!

Originally posted by OKA П.С. Колегата Дејв има само поголемо ниво на страст при своите елаборации. Ништо страшно, неговите постови се разработени со посветеност и треба да сме почестени што ги споделува со нас. Навистина нема потреба од "катран и пердуви" за секој неистомисленик. Понекогаш поинаквите гледишта Ве прават побогата личност, а понекогаш, особено оние полни со страст, само го зајакнуваат Вашето спротивно убедување и верба. П.С.2. Грчев е еден! Неповторлив!

А јас имам впечаток дека про-бандата која што повеќе од очигледно ја труе темава е повеќе повредена од тоа што некој не размислува така како што му е кажано...и стварно не се замарам - мојот пост е edit-иран, а тој под мене „мини-грчев“ ќе си остане и јас ќе добивам модераторски забелешки (како погоре во темава), ама ако...

Најсмешно е што некој ми дава Грчев квалификации, што сигурно го мрзи да види погоре-подоле по форумов што имам пишувано на темата „придонесот на Грчев за градот Скопје“...и тоа си останува и никому ништо...

Дај потрудете се, со конкретни примери и нешто што е реално издржано, бранете си ги ставовите и не се занимавајте со мене или со било кој друг што има храброст да не биде воден со јаже...никој не рече зошто да се гради музеј, никој нема помал респект кон историјата и не треба да се дочекува на нож, ако има спротивно мислење за тоа како нештото треба да изгледа....

Originally posted by Граѓанин Dave Gahan... И србизмиве некако дај скрати ги... многу е грдо. Разбирам, скопјани сме, ама што е многу, многу е.

Еве ти тема, па потсети се што има во чаршијата...и ја викаме турска, затоа што е турска...архитектурата на поголемите објекти (амамот, ановите) е османлиска по сите параметри - концепциски, обликување на фасади (опус микстум) и сите други одлики - не земај за репер објекти како црквата Св. Димитрија и некои слични понови исклучоци - генералната слика која што се добива е таа....со оваа што сега се гради, ниту по обликување, ниту како габарити, да не зборам за некакви просторни решенија - ВРСКА НЕМА...за калето да не навлегувам подлабоко, мислам дека е сателит видлива разликата - и ако мене ме прашате, не се гледа чаршијата да се донесе во репрезентативна форма, туку дополнително се прави временска збунка со накалемување на објект кој треба да глуми нешто што таму постоело - има ли нешто по неархитектонски од тоа!?

И совети за читање не ми се потребни, читам и без тоа...а „србизмите“ т.е скопските зборови ми се дел од речникот и не ги користам толку често за толку многу да ти се гади...не знам зошто толку не приговарате за англиските зборови што сите ги користиме многу повеќе, а и на многу форумаши уште им е тешко да префрлат на кирилица...