И не само Италија, сите средени држави. Знаеш ли зошто? Како кај нив за производ што чини исто како кај нас, работникот добива барем петпати поголема плата? А трошоците за произведување на тој производ се слични. Слични се цените на репроматеријалите, на ел. енергија, на водата и сл. Но овде има една круцијална разлика. Во тие земји, сопствениците на фабриките нивното богатство го стекнуваат со со генерации и генерации, од дедо и прадедо. А како е овде? Не давај плата на работниците и за две-три години веќе возиш џип од 50.000 евра, има палата на Водно, стан во Охрид и сл.

И после се чудиш зашто луѓето се иселувале. Ако живееш во Македонија, треба да бидеш буков трупец па да не ги воочиш гореизнесениве проблеми.

Edited by phenomenon - 15-Jul-2012 at 07:28

нас не чека бугарското и словенечкото искуство,кои со влегувањето во Еу останаа без млада популација која им замина претежно во германија,холандија,шведска итн

да,многу се слуша за таа појава овде,а на мој другар кој е војно лице во Скопје,сопругата негова замина во Словенија да работи како доктор,и тоа по нивно барање.по нивно кажување во Словенија имало отворени понуди за висококвалификуван кадар,испразнет со влегувањето на Словенија во ЕУ и заминување на тој кадар да работи во Австрија,Германија итн за повисоки плати.

овде е честа тема на разговор по кафиќи за можноста легално да се замини во Словенија

„Белата чума“ ја покорува Македонија, наталитетот се намалил 4 пати

Падот на наталитетот со галоп ја освојува Република Македонија. Официјалните бројки на Државниот завод за статистика (ДЗС) се немилосрдни и покажуваат дека нашата земја има сериозен проблем со наталитетот.


Според официјалните податоци од 1995 година до 2012 година наталитетот во Македонија е намален за 4 пати. Тоа значи дека природниот прираст (позитивната разлика помеѓу живородени и умрени во една календарска година) која во 1995 година била 13.717 лица, лани била само 3.434 лица. Македонија 18 години ја губи битката со наталитетот и статистички кажано индексот на природниот прираст од вредност 100 во 1995 година лани изнесувал само 25, што претставува загрижувачки пад од 4 пати (400 отсто од базната вредност која изнесувала 13.717 лица.



Нашиот наталитет во слободен пад

Официјалните податоци се немилосрдни. Иако има мерки кои го ублажуваат дури и му пркосат на темпото на „белата чума“ и дадоа резултат во 2008, 2009 и во 2012 година, сепак крајниот резултат е загрижувачки. Наталитетот во 1996 година во однос на 1995 година бил понизок за 653 дечиња што во тие услови претставува намалување на базната вредност за помалку од 5 индексни поени. Драстичен пад на наталитетот имаме во 1997 година кога губи 3.260 лица во однос на 1995 година, односно 2.607 лица во однос на 1996 година. Во таа година индексната вредност се намалува за страшни 19 отсто.

Во 1998 година наталитетот изнесува 10.011 лица, а во наредната 1999 година паѓа за дополнителни 1.669 лица и изнесува 8.342 лица. На индексната скала во однос на почетната 1995 година загубата достигнува 40 индексни поени. Следува 2000 година кога за првпат има раст на наталитетот и прекин на црната серија од претходните пет години. Бројот на живородени во однос на умрени се зголемува за 741 лице во однос на 1999 година и изнесува 9.083 лица.

Од 2001 година до 2005 година наталитетот изгубил над 5.000 лица

Со 2002 година започнува најлошата фаза во која наталитетот се топи со неверојатно голема брзина. Во 2001 година паѓа на 7.393 лица, па во наредната на 6.288 лица за во 2003 година да изнесува 5.783 лица. Трендот продолжува и во наредните две години, а 2005 година изнесува 4.076 лица.

Во 2006 година природниот прираст изнесува 3.955 лица и ова е годината со најмал пад на вредноста на природниот прираст во сите години во овој период од 18 години. Во годината што следи, 2007-та, наталитетот продолжи да паѓа до вредност од 3.094 лица.



Делотворна социјална политика од 2006 година до 2010 година

По примената на социјалните политики на извршната и законодавната власт за стимулација на брачните парови за раѓање дечиња, статистиката покажа дека мерките биле делотворни. Во 2008 година запре падот на наталитетот. Беа регистрирани 3.963 лица како позитивна разлика во однос на живородени и починати лица. Во наредната 2009 година таа разлика дополнително се зголеми и достигна 4.624 лица природен прираст, а во 2010 година прирастот ја достигна бројката од 5.183 лица со што се врати на нивото од пред 2005 година, а индексот се врати на ниво од 38 отсто од базната вредност.

За жал остар пад се случи во 2011 година кога вредноста на природниот прираст изгуби 1.787 лица во споредба со претходната година и се спушти на ниво од 21 индексен поен. Тоа значи дека таа година прирастот бил само една петина од основната – 1995 година.

Лани статистичарите регистрирале благ раст на прирастот во однос на 2011 година. Неговата вредност изнесува 3.434 лица.

http://www.mkd.mk/makedonija/ekonomija/belata-chuma-ja-pokoruva-makedonija-natalitetot-se-namalil-4-pati

Премногу се иселува народот, и jас планирам да се отселам штом завршам факултет. Тука не jа гледам своjата иднина

ВО ЗЕМЈАВА ГОДИШНО ДОАЃААТ НА СВЕТ ОКОЛУ 23.000 БЕБИЊА - СТАРОСНАТА ГРАНИЦА ПОМЕСТЕНА

Македонките раѓаат и на 14 и на 49 години!

На Гинеколошко-акушерската клиника во Скопје во 2013 година се родиле четири тројки и 129 пара близнаци, а реализирани се и се 57 ин витро оплодувања

Во Македонија изминативе неколку години се раѓаат по околу 23.000 бебиња годишно. Од овој број повеќето се машки, односно односот е 52:48 или на 100 живородени женски деца 108 се машки.

До средината на декември на Клиниката за гинекологија се родија 5.451 новороденчиња од кои 1.489 со царски рез, а останатите 3.962 бебиња се дојдени на свет со спонтани породувања. Од Гинекологија, исто така, информираат дека годинава се родиле и четири тројки и 129 пара близнаци.

Интересни се податоците кои зборуваат за старосната структура на родилките, бидејќи годинава тинејџерка на возраст од 14 години донела на свет живородено бебе. Најстарата родилка имала 49 години. На оваа клиника годинава се реализирани 57 ин витро оплодувања.
Од Фондот за здравствено осигурување на Македонија велат дека вештачкото оплодување за осигуреничките е бесплатно и за таа цел од нивниот буџет се одвојуваат околу 60 милиони денари. Годишно за оваа услуга се доставуваат од 800 до 900 барања кои се реализираат и во јавните и во приватните болници.

Во ЈЗУ Специјална болница по гинекологија и акушерство Мајка Терезаа во Чаир годишно се раѓаат околу 3.000 бебиња или по десетина во период од едно деноноќие. Неофицијалните проценки се дека и годинава во приватните и во јавните родилишта бројот на новородени изнесува над 22.000 бебиња.

Статистичките податоци на Државниот завод за статистика на Македонија за 2012 покажуваат дека во Македонија се родиле вкупно 23.752 деца, што споредено со 2011 е за 798 повеќе или претставува раст од 3,5%. И статистичарите утврдиле дека според полот во структурата превладуваат машките деца, односно нивното учество е 51,9%, односно, на 100 живородени женски деца 108,1 се машки.
- Околу 35,1% од живородените деца се од мајки кои се на возраст од 25 до 29 години, потоа следуваат мајки на возраст од 30 до 34 години со 25,1%, а на мајките од 20 до 24 години уделот во вкупниот колач е 23,8%. Просечната возраст на мајката која за прв пат родила е 28,1 години - анализираат статистичарите и дополнуваат дека лани се регистрирани 26 живородени деца од мајки на возраст под 15 години, како и 2.742 вонбрачни бебиња.

Опаѓа смртноста на бебињата во Македонија
Најмногу бебиња или 33,9% се родиле во Скопскиот регион, а најмалку во источниот регион на Македонија, каде што процентот е едвај 7 отсто од вкупните раѓања.
На Клиниката за гинекологија и акушерство лани од околу 5.000 раѓања, 14,4 отсто или околу 700 бебиња се предвремено родени. Гинеколозите предупредуваат дека стапката на смртност кај бебињата во Македонија во моментов е намалена на 10 промили, во однос на 2000 година кога изнесувала 17 промили, а во европски рамки смртноста на новороденчиња изнесува од 4 до 5 промили.

Намалувањето на смртноста се должи на воведувањето на новата опрема, а како што појаснува Марија Хаџи Лега, директорка на Клиниката за гинекологија и акушерство, за предвремено родени бебиња се сметаат родените пред 37 гестациска недела, а намалувањето се должи на воведувањето на механичката вентилација кај новородени дечиња.

Директорката на Клиниката за детски болести, Аспазија Софијанова, укажа дека многу детски животи ќе бидат спасени со новите методи на лекување и соработката со странските колеги, како и употребата на новата најсовремена апаратура. Ова клиника располага и со првиот специјализиран Детски ургентен центар во Македонија.

Во земјава во 2011 година родени се 22.972 деца, а од нив живородени се 22.770, а 202 мртвородени. Доколку се споредат овие податоци со податоците од 2010 година, ќе се види дека има намалување за 6,3 % или за 1.526 бебиња. И во 2011 г. најмногу деца или 35,3% се родени од мајки на возраст од 25 до 29 години, а по нив најпродуктивни се мајките на возраст од 20 до 24 години.
- Просечната возраст на мајката при вкупниот број на раѓања е 28 години, а 26,2 години на првите раѓања, односно има благ пораст во однос на претходната година.

Пред 60 години се раѓале по 50.000 бебиња годишно
Во Македонија во педесеттите години, кога вкупниот број на населението било околу 1,2 милиони жители, се раѓале 50.000 бебиња. Сега во земјава има околу 2 милиони жители, а се раѓаат едвај 23.000 родени бебиња. Бројот е преполовен, а статистиката потврдува дека ваква слика за наталитетот има речиси во сите земји од регионов. Експертите сметаат дека економската состојба има големо влијание на наталитетот, иако статистиката покажува дека земји со мали економии имаат поголем наталитет.

Владо Ѓорчев од ВМРО-ДПМНЕ укажува дека одлична популациска политика применила Турција и токму затоа во 1991 година имала 54 милиони жители, а денес околу 75 милиони жители.
- Тоа е зголемување од 20 милиони жители за 20 години - укажа Ѓорчев и потсетува дека традиционалните и семејни вредности, се уште се присутни кај македонските граѓани, особено се почитува влијанието на Македонската православна црква. Таа со векови ја игра својата улога на духовен столб на нашиот народ и така ќе биде и во иднина.
-Истото важи и за другите верски заедници. Сепак, потребни се поголеми активности во таа насока, затоа што младите се изложени на огромен број влијанија - смета Ѓорчев.

Во неколку скопски општини, како Центар, Аеродром, Кисела Вода и Гази Баба со разни популарни мерки се стимулира наталитетот. Слично е и во неколку општини во источниот дел на земјава, како Делчево и Македонска Каменица. Советот на општина Македонска Каменица веќе донесе одлука за поголема стимулација на наталитетот на овој дел и за секое новородено дете, локалната власт од својот буџет ќе исплаќа по 100 евра, со што паричниот надомест за новороденчиња, што до минатата година изнесуваше 50 евра е двојно зголемен.

Валентина МАРЈАНОВИЌ

http://vecer.mk/?ItemID=769A96C87CC23043A63523A25868C238

попис колку да се видат некои параметри(интерен `попис` за своја намена) веќе се реализира преку здравствените картички.тој што нема да земи картичка значи не живее во земјава,и горе-долу ќе се има претстава за многу статистички бројки кои ќе си ја завршат целта,но нема да бидат употребувани во политички цели(за среќа).све што треба од податок постои во образсите за пополнување на апликацијата,па така владата ќе си ги има засебе тие информации

Нема попис зашто нема „доволно“ ни Македонци, ни Албанци

Ненад проценките се дека во последниве 10 години легално се иселени повеќе од 400.000 граѓани (и тоа од релевантна организација).
Незнам за тебе, но кај мене секој втор или трет пријател ми е отселен од кој половина засега се за постојано ,а другата половина чекаат да биде постојано, додека другите пријатели тежнеат кон тоа да се отселат.
Ќе испадне дека навистина бројки се фрапантни и ќе се чудиме што се случило.

Се работи на набавка и инсталирање на софтвер со кој ќе се опфатат сите жители кои постојано се во Македонија. Откога ќе се констатира бројот на жителите ќе се оди само на попис на етничката и верската припадност. Затоа што досегашните пописи никогаш не биле изведени регуларно особено во западните делови на државата.