ne znam do koj stepen se unisteni, dali se samo pocrneti ili celosno unisteni. bidejki freski koi se pocrneti ima nacin da se iscistat i restavriraat mozebi i tuka e mozna taa metoda

Се чистат црнилата во изгорената пошта (ФОТОГАЛЕРИЈА)

Денеска, во дирекцијата на „Македонски пошти“ се чистеa црнилата,   изгорена техника и оштетениот канцелариски мебел кои беа зафатени во големиот пожар од пред три дена. Во еден од најголемите пожари во последниве неколку години во Скопје најмногу настрада покривот на поштата и шалтер салата.

http://www.mkd.mk/91229/foto-video-galerija/se-cistat-crnilata-vo-izgorenata-posta/

Бавно течи работава...

Откако стручен тим на Конзерваторскиот центар - Скопје ќе изврши увид и ќе ја утврди состојбата, Министерството за култура ќе информира за мерките што ќе ги преземе за обнова на муралот на Борко Лазeски во опожарената Македонска пошта.

- Деновиве во зградата на Македонска пошта се врши увид од страна на истражните органи за утврдување на причините за пожарот и поради тоа влезот во објектот е забранет. Во меѓувреме, Конзерваторски центар – Скопје упати барање до управата на Македонска пошта да му овозможи влез во објектот на стручниот тим за да ја утврди состојбата на уметничкото дело, информира Министерството за култура.

Откако ќе добие дозвола за увид од управата на Македонска пошта, тимот треба да го утврди степенот на оштетување и да предложи превентивни мерки за заштита на муралот, кој се смета за монументално дело на доајенот на македонското сликарство Борко Лазeски.

А ова е објавено во Утрински весник во ист ден!

Муралите ќе ги преместат од „Пошта“?



Вредните мурали на Борко Лазески итно ќе се реставрираат, а во тек е изработка на проект за реновирање на опожарениот дел во „Македонска пошта“

Даниела Трпчевска

„Македонска пошта“ наскоро ќе добие нов лик. Во тек е подготовка на градежен проект за реконструкција и реновирање на опожарениот дел на главната пошта во центарот на Скопје. Според првичните информации, зафатите ќе бидат извршени во внатрешноста на „Пошта“, каде што ќе се вршат поголеми градежни измени кај шалтерскиот дел во фоајето на зградата, кој претрпе најголеми штети во огнената стихија. Како што дознаваме од извори во „Пошта“, договорена е и итна реставрација на оштетените мурали на Борко Лазески. Се разгледува можноста тие да бидат дислоцирани од зградата и да бидат изложени во некоја друга институција или во музеј, каде што ќе бидат подостапни за јавноста.

Како што неофицијално дознаваме, се размислува комплетно да се преуреди огромниот шалтерски простор во фоајето на зградата и тој да се искористи за некоја друга намена. Според извори во државното претпријатие, деновиве се споменувала и можноста шалтерите да се дислоцираат од зградата поради нивна нефункционалност.

Ваквите промени следуваат по големиот пожар, кој пред повеќе од еден месец ја зафати „Македонска пошта“, по што испливаа на површина многубројни проблеми со осигурувањето на државниот објект. Дури откако беше направена штетата, директорот Рафиз Алити распиша тендер за избор на осигурителна компанија и тој беше потпишан неодамна со „Кроација осигурување“.

„Надлежните од ’Пошта’ не' информираа дека во текот на минатата недела е склучен договор за осигурување, а во согласност со него осигурителната компанија ќе ги покрие сите штети што се предизвикани со пожарот. Така, според нив, нема да има финансиски импликации врз буџетот“, вели владиниот портпарол Александар Ѓорѓиев.

Обемниот извештај за пожарот завчера попладне беше разгледуван на владина седница, каде што, меѓу другото, реферираше и директорот на „Македонска пошта“, Рафиз Алити. Засега нема најави дали некој би можел да понесе одговорност за несреќата. Министерството за внатрешни работи се очекува да го испрати вештачењето за причините за пожарот до истражен судија во Основниот суд Скопје 1. Дури тогаш ќе може да се дознае што ја предизвикало несреќата и дали Обвинителството ќе побара одговорност за огнената стихија.

Министерката за внатрешни работи, Гордана Јанкулоска, вчера не можеше да открие детали околу резултатите од вештачењето се' додека тоа не биде испратено до судот. Од скопскиот Кривичен суд се' уште чекаат на вештачењето на крим-техничарите од скопската полиција.

Најголема штета во пожарот што се случи пред повеќе од еден месец претрпе шалтер-салата, а опожарени беа и шест канцеларии на првите катови. Комисиите и работните тела кои беа формирани да извршат увид на настаната штета констатирале дека не недостасува поголема сума пари од сефовите, односно дека биле оштетени околу 3.000 евра, кои биле зафатени од огнот. Но, со оглед на тоа дека не се оштетени сериските броеви на апоените, Владата била информирана дека има можност да се добијат нови апоени и да се покрие штетата.

„Владата ја задолжи ’Македонска пошта‘ во рок од две недели да достави извештај за напредок и акциски план во поглед на реконструкцијата и реновирањето. Исто така, ’Македонска пошта‘ и Националниот конзерваторски центар треба да излезат со информација, со предлог и модалитети во врска со реставрацијата на опожарениот мурал на Лазески“, вели портпаролот Ѓорѓиев.

http://www.utrinski.com.mk/?ItemID=DFF8F04A39007C4EA154D0D6AC6D9DA6

Секоја статија што излегува за поштава ја читам со страв дека ќе прочитам нешто од типот на "после пожарот со реконструкцијата на зградата ќе се смени и надворешниот изглед со цел да се вклопи со оградата на мостот Гоце Делчев"

еве една фотка од која може да се види до каде е стигната реконструкцијата на покривот


Skopje Post Office by Andres M. Arjona, on Flickr

ФОТО ВЕСТ: Бравурозното дело „Пошта – 1“ крвари од негрижа полни две години

Под налетот на насилен кич и сеопшто ништење на архитектонските вредности во центарот на главниот град, раководството на Македонски пошти не најде за сходно ниту да ја започне реконструкцијата на бравурозната шалтер сала во рамките на објектот „Пошта – 1“. Ова препознатливо здание од разгледниците на македонската метропола, веќе две години ја губи битката со државно финансираниот проект „Скопје 2014“. По катастрофалниот пожар од средината на јануари 2013 година, многу малку е променето во рамки на објектот лоциран во центарот на Скопје.







Јагленосаната шалтер сала, искршените прозорци и нерасчистениот смет од пожарот сè уште го гнасат централното градско подрачје. Заедно со вредното архитектонско дело, пламените јазици го голтнаа и муралот на славниот уметник Борко Лазески. Бројните најави за целосна санација на „Пошта – 1“ засега остануваат на хартија, чекајќи ја конечната одлука на раководството на Македонски пошти. Колку за потсетување, архитектонски творец на ова здание е авторот Јанко Константинов, за чија оригиналност и смела идеја при конципирањето на овој објект му е доделена државната награда „11 Октомври“ во 1975 година.







Целокупниот комплекс е оформен во три етапи во периодот од 1974 до 1989 година. Изворното здание претставува аналогна интерпретација на формите од скопската тврдина, лоцирана на спротивната страна од реката Вардар. Врвниот концепт на архитект Јанко Константинов е негов личен придонес во возобновувањето на Скопје по земјотресот од 1963 година, природна катастрофа која што го поттикна овој автор да се врати во Македонија и да учествува во повторната изградба на главниот град.

Текст и фото: Бојан Блажевски

http://www.build.mk/?p=41909

Кога се враќав од Брисел пар пати Скопје ми личеше на селска паланка, комунистичко ругло и сивило, дивоградба и депонија. Со тие зборови би го опишал Скопје во тој момент. Истите тие архитекти што го граделе Скопје, истите тие политичари што давале дозволи за таквите сивила денес се најгласни во борбата против “кичот“. Не гледам апсолутно ништо убаво и привлечно во Пошта-1.

Originally posted by Kid_A Кога се враќав од Брисел пар пати Скопје ми личеше на селска паланка, комунистичко ругло и сивило, дивоградба и депонија. Со тие зборови би го опишал Скопје во тој момент. Истите тие архитекти што го граделе Скопје, истите тие политичари што давале дозволи за таквите сивила денес се најгласни во борбата против “кичот“. Не гледам апсолутно ништо убаво и привлечно во Пошта-1.

Епа видиш, тоа „сивило“ од Запад е донесено (а не од Исток како што обично се толкува), јали не прочита дека авторот на Пошта1 од Америка се вратил.

Originally posted by fichot Originally posted by Kid_A Кога се враќав од Брисел пар пати Скопје ми личеше на селска паланка, комунистичко ругло и сивило, дивоградба и депонија. Со тие зборови би го опишал Скопје во тој момент. Истите тие архитекти што го граделе Скопје, истите тие политичари што давале дозволи за таквите сивила денес се најгласни во борбата против “кичот“. Не гледам апсолутно ништо убаво и привлечно во Пошта-1. Епа видиш, тоа „сивило“ од Запад е донесено (а не од Исток како што обично се толкува), јали не прочита дека авторот на Пошта1 од Америка се вратил.

Без разлика дали е од Америка или Кина таа Пошта е правена според условите и правилата кои ги диктирал тој систем.